suæ,

ut, cessantibus universis, solus cum solo pugnaret. Quod si Turnus in confuso omnium bello, licet Encæ virtute, cecidisset, posset videri necem illam plurimorum ope contigisse. Itaque specialis gloria in solius Eneæ meritis permanet, ipseque est ultor injuriæ cui, nullo jam deorum vel hominum adversante, Lavinia in matrimonium, et sedes in Latio debita conceditur. Nunc si amplius quæras de ingeniosis inventis, et de præclaro judicio quod in toto elucet poemate, lege, quæso, paucas eas paginas, quas super Eneide huic volumini gallice præmisimus.