760. Priorem locum. Intelligi potest locus pugnæ commodior, in quo terga sunt opposita soli, ne radiis acies oculorum offensa et perstricta minus certos manuum motus dirigat. ED. 824. Laudant Lacones, etc. Adrastus Capaneum victorem pronuntiat, quamvis hic neget a se victum rivalem, qui vivit adhuc, et cujus virtutem, partamque quodammodo victoriam socii laudibus extollunt : unde vix intelligas, utri palma debeatur, immo et ipsum pugnæ terminum quasi desideres; adeo Noster præsertim in fine certaminis describendo, male Virgilium imitatur! Ed. 925. Supremum honorem.... ne victoria desit una ducum; scilicet pugnaverant septem duces, præter Adrastum, quem invitant, ut sagittas emittat, quasi hoc honore memoriam Archemori celebret. Quid vero honoris Archemori Manibus conferet telum ab Adrasto missum, si nemo cum eo de præmio certet? At apud Virgilium pro palma et laude in arenam descenderat Acestes, tandemque per sortem fraudatus postquam alius victoriam retulerat, sagittam in aera emisit, si forte metam, quam alter attigerat, ipse feriret, et se non indignum in campo æmulum stetisse ostenderet. Quid horum Adrastus? quantum hic Statium sua in Virgilio imitando fefellit audacia! Inde concludendum est Maronem, si solum perlegeris, summum esse poetam; et, si cum Statio et Latinis aliis conferas, vere Deum habendum esse. ED. 940. Venit arundo retro. Melius sane Noster suo ingenio fretus et proprio Marte instructus succedit, quam quum divinam Æneida æmulari tentat, et ipse clava Herculi detrahendæ temerarius adfectator. Quoties autem nobis enarrantur prodigia, humani quidem intellectus visum patimur vinci, sed ista statim, a quibus ratio abhorreat, procul absurda rejicimus. Audiamus magistrum, BOILEAU, Art Poét. ch. III, vs. 49: « Une merveille absurde est pour moi sans appas : L'esprit n'est point ému de ce qu'il ne croit pas. » Ecquis facile intelligat, quomodo arundinem, longe et multa vi projectam, ipsa arbor, in qua defigi certe debuit, eodem impetu repulset, ita ut illa in pharetram redeat, et pæne recondatur? Itaque multa serunt errore duces. Nec mirum profecto; ipsa Sphynx ibi hæsisset. ED. TABULA RERUM QUE IN HOC SECUNDO VOLUMINE CONTINENTUR. PUBLII PAPINII STATII THEBAIDOS LIBRI DUODECIM... ARGUMENTA Librorum XII Thebaidos, ex vetustissimo Codice Aliud totius Operis Argumentum... THEBAIDOS LIBER PRIMUS. Argumentum.. pag. I ibid. 3 THEBAIDOS LIBER SECUNDUS. Argumentum aliud... . . . 155 THEBAIDOS LIBER QUINTUS. Argumentum aliud.. EXCURSUS Vel NOTE AMPLIORES ad Librum Quintum..... THEBAIDOS LIBER SEXTUS..... Argumentum carminibus descriptum. . . THEBAIDOS LIBER SEXTUS. Argumentum aliud.. EXCURSUS vel NOTE AMPLIORES ad Librum Sextum.... FINIS SECUNDI VOLUMINIS. pag-487 568 575 576 577 676 |