Maluit) attonitum et venturi fulminis ictus Horrentem, tonitru tantum, lenique procella Contentus monuisse senem : cumque horrida supra Æquora curarum socius procul Itala rura Linqueret, hic molles Campani littoris oras Et Diomedeas concedere jussus in arces, Atque hospes, non exsul, erat: nec plura moratus Romuleum reseras iterum, Germanice, limen, 165 Mærentemque foves, inclinatosque penates Erigis: haud mirum, ductor placidissime; quando Hæc est, quæ victis parcentia foedera Cattis, Quæque suum Dacis donat clementia montem : Quæ modo Marcomanos post horrida bella, va- gosque 170
Sauromatas Latio non est dignata triumpho. Jamque in fine dies, et inexorabile pensum Deficit. Hic mæsti pietas me poscit Etrusci Qualia nec Siculæ moderantur carmina rupes, Nec fati jam certus olor, sævique marita Tereos. Heu quantis lassantem brachia vidi Flanctibus, et prono fusum super oscula vultu! Vix famuli comitesque tenent, vix arduus ignis Submovet. Haud aliter gemuit perjuria Theseus L ttore, quo falsis deceperat Egea velis. Tunc immane gemens, foedatusque ora, tepentes Afiatur cineres: Cur nos, fidissime, linquis Fortuna redeunte, pater? modo numina magni Præsidis, atque breves superûm pacavimus ias, Nec frueris; tantique orbatus muneris usu Ad Manes, ingrate, fugis: nec flectere Parcas, Aut placare malæ datur aspera numina Lethes. Felix, cui magna patrem cervice vehenti Sacra Mycenææ patuit reverentia flammæ! Quique tener sævis genitorem Scipio Pœnis 190 Abstulit, et Lydi pietas temea Lausi. Ergo et Thessalici conjux pensare mariti Funus, et immitem potuit Styga vincere supplex Thracius? ah quanto melius pro patre liceret! Non totus rapiere tamen, nec funera mittam 195 Longius hic manes, hic intra tecta tenebo:
Tu custos dominusque laris; tibi cuncta tuorum Parebunt ego rite minor, semperque secundus Assidue libabo dapes et pocula sacris Manibus, effigiesque colam: te lucida saxa, 200 Te similem doctæ referet mihi linea ceræ : Nunc ebur, et fulvum vultus imitabitur aurum. Inde viam morum, longæque ex mina vitæ, Affatusque pios, monituraque somnia poscam. Talia dicentem genitor dulcedine læta Audit, et immites lente descendit ad umbras, Verbaque dilectæ fert narraturus Etruscæ. Salve supremum, senior, mitissime patrum, Supremumque vale; qui nunquam, sospite nato, Triste Chaos, mæstique situs patiere sepulcri. Semper odoratis spirabunt floribus aræ, Semper et Assyrios felix bibet urna liquores, Et lacrymas, qui major honos: hic sacra litabit Manibus, eque tua tumulum tellure levabit. Nostra quoque, exemplo meritus, tibi carmina sanxit,
Intonsoque ostende patri: sine dulce nitentes Comparet, atque diu fratris putet esse Lyæi. Forsan et ipse comæ nunquam labentis honorem Proferet, atque alio clausum tibi ponet in auro. Pergame, pinifera multum felicior Ida! Illa licet sacræ placeat sibi laude rapinæ ; Nempe dedit superis illum, quem turbida semper Juno videt, refugitque manum, nectarque recusat. At tu grata deis, pulchroque insignis alumno, 16 Misisti Latio placida quem fronte ministrum Jupiter Ausonius pariter, Romana que Juno Adspiciunt, et uterque probant Nec tanta petenti Terrarum domino divûm sine mente voluptas. Dicitur, Idalios Erycis de vertice lucos Dum petit, et molles agitat Venus aurea cycnos, Pergameas intrasse domos, ubi maximus ægris Auxiliator adest, et festinantia sistens Fata salutifero mitis deus incubat angui. Hic puerum egregiæ præclarum sidere formæ Ipsius ante dei ludentem conspicit aras. Ac primum subita paullum decepta figura Natorum de plebe putat: sed non erat illi Arcus, et ex humeris nullæ fulgentibus umbrææ. 30 Miratur puerile decus; vultumque comasque Adspiciens, Tune Ausonias, ait, ibis ad arces Neglectus Veneri? tu sordida tecta, jugumque Servitii vulgare feres? procul absit: ego isti Quem meruit, formæ dominum dabo: vade age
Vade, puer: ducam olucri per sidera curru, Donum immane duci. nec te plebeia manebunt Jura; Palatino famulus deberis amori. Nil ego, nil, fateor, toto tam dulce sub orbe Aut vidi, aut genui: cedat tibi Latmius ultro 40 Sangariusque puer, quemque irrita fontis imago Et sterilis consumsit amor: te cærula Nais Mallet, et apprensa traxisset fortius urna. Tu, puer, ante omnes; solus formosior ille, Cui daberis. Sic orsa, leves secum ipsa perauras Tollit, olorinaque jubet considere biga. 46 Nec mora jam Latii montes, veterisque penates Evandri, quos mole nova pater inclytus urbis Excolit, et summis æquat Germanicus ast.is. Tunc propior jam cura deæ, quæ forma capillis Optima, quæ vestis roseos accendere vultus 51 Apta; quod in digitis, collo quod dignius aurum. Norat cœlestes oculos ducis, ipsaque tadas Junxerat, et plena dederat connubia dextra. Sic ornat crines, Tyrios sic fundit amictus; Dat radios, ignemque suum: cessere priores Deliciæ, famulumque greges: hic pocula magno Prima duci, murrhasque graves, crystallaque portat
Candidiore mann: crescit nova gratia Baccho. Care puer, superis qui prælibare verendum Nectar, et ingentem toties contingere dextram Electus, quam nosse Getæ, quam tangere Persæ, Armeniique, Indique petunt: o sidere destro Edite, multa tibi divům indulgentia favit! Olim etiam, ne prima genas lanugo nitentes 65 Carperet, et pulchræ fuscaret gaudia formæ, Ipse deus patriæ celsam trans æquora liquit Pergamon haud ulli puerum mollire potestas Credita; sed tacita juvenis Phoebeius arte Leniter, et nullo concussum vulnere corpus 70 De sexu transire jubet : tamen anxia curis Mordetur, puerique timet Cytherea dolores. Nondum pulchra ducis clementia cœperat ortu Intactos servare mares: nunc frangere sexum, Atque hominem mutare nefas: gavisa,ue solos 75
Quos genuit, Natura videt; nec lege sinistra Ferre timent famulæ natorum pondera matres. Tu quoque nunc juvenis, genitus si tardius esses, Umbratusque genas, et adultos fortior artus, Non unum gaudens Phobea ad limina munus Misisses: patrias nunc vertex solus ad aras Naviget hunc multo Paphie saturabat amomo, Hunc nova tergemina pectebat Gratia dextra. Huic et purpurei cedat coma saucia Nisi, Et quam Speicheo tumidus servabat Achilles. 85 Ipsi, cum primum niveam præcerpere frontem Decretum est, humerosque manu nudare nitentes, Accurrunt teneri Paphia cum matre volucres, Expediuntque comas, et serica pectore ponunt Pallia tunc junctis crinem incidere sagittis, 90 Atque auro gemmisque locant: rapit ipsa ca- dentes
Mater, et arcanos iterat Cytherea liquores. Tunc puer e turba manibus qui forte supinis Nobile gemmato speculum portaverat orbe, Hoc quoque demus, ait; patriis nec gratius ullum Munus erit templis, ipsoque potentius auro. Tu modo fige aciem, et vultus hos usque relinque. Sic ait, et speculum seclusit imagine rapta. At puer egregias tendens ad sidera palmas, His mihi pro donis, hominum mitissime custos, Si merui, longa dominum renovare juventa, 101 A tque orbi servare velis: hoc sidera mecum, Hoc undæ terræque rogant: eat, oro, per annos Iliacos Pyliosque simul; propriosque penates Gaudeat, et secum Tarpeia senescere templa. 105 Sic ait, et motas miratur Pergamos aras.
V Ad Claudiam uxorem.
Quid mihi mæsta die, sociis quid noctibus, uxor, Anxia, pervigili ducis suspiria cura? Non metuo, ne læsa fides, aut pectore in isto Alter amor: nullis in te datur ire sagittis, (Audiat infesto licet hæc Rhamnusia vultu,) Non datur: et si egomet patrio de littore raptus Quatuor emeritis per bella, per æquora lustris Errarem, tu mille procos intacta fugares; Non intersectas commenta retexere telas, Sed sine fraude palam, thalamisque orbata ne- [tus? gasses.
Dic tamen, unde alia mihi fronte, et nubila vul- Anne quod Euboicos fessus remeare penates Auguror, et patria senium componere terra? Cur hoc triste tibi? certe lascivia cordi Nulla, nec aut rapidi mulcent te prælia Circi, 15 Aut intrat sensus clamosi turba theatri; Sed probitas, et opaca quies, et sordida nunquam Gaudia. Quas autem comitem te rapto per undas? Quanquam, et si gelidas irem mansurus ad Arctos, Vel super Hesperiæ vada caligantia Thules, 20 Aut septemgemini caput haud penetrabile Nili, Hortarere vias. Etenim tua, (nempe benigna Quam mihi sorte Venus junctam florentibus annis
Servet et in senium) tua, quæ me vulnere primo Intactum thalamis, et adhuc juvenile vagantem Fixisti, tua frena libens docilisque recepi; Et semel insertas non mutaturus habenas Usque premo. Ter me nitidis Albana ferentem Dona comis, sanctoque indutum Cæsaris auro Visceribus complexa tuis, sertisque dedisti Oscula anhela meis. Tu, cum Capitolia nostræ Inficiata lyræ, sævum ingratumque dolebas Mecum victa Jovem : tu procurrentia primis Carmina nostra sonis, molasque in murmura voces
Aure rapis vigili: longi tu sola laboris Conscia, cumque tuis crevit mea Thebais annis. Qualem te nuper Stygias prope raptus ad undas, Cum jam Lethæos audirem cominus amnes, Adspexi, tenuique oculos jam morte cadentes! Scilicet exhausti Lachesis mihi tempora fati 40 Te tantum miserata dedit, superique potentes Post ista, propinquum Invidiam timuere tuam. Nunc iter, optatosque sinus comes ire moraris? Heu ubi nota fides, totque explorata per usus, Qua veteres Latias, Graiasque heroidas aquas? Isset ad Iliacas (quid enim deterret amantes?) 46 Penelope gavisa domos, si passus Ulixes. Questa est Ægiale, questa est Melibea relinqui, Et cujus sævi ferierunt Mænala planctus. Nec minor his tu nosse fidem, totamque maritis Te dare. Sic certe cineres, umbramque priorem Quæris adhuc sic exsequias amplexa canori Conjugis, ingentes iteras de pectore planctus, Jam mea. Nec pietas alia est tibi curaque natæ. Sic ut mater amas, sic nunquam corde recedit 55 Nata tuo, fixamque animi penetralibus imis Nocte dieque tenes: non sic Trachinia nidos Alcyone veros, non sic Philomela penates [fert. Circuit amplectens, animamque in pignora trans- Et nunc illa tenet viduum quod sola cubile, 60 Otia tam pulchræ terit infecunda juventæ : Sed venient plenis, venient connubia tædis. Sic certe formæque bonis animique meretur: Sive chelyn complexa ferit, seu voce paterna Discendum Musis sonat, et mea carmina flectit, 66 Candida seu molli diducit brachia motu; Ingenium probitas, artemque modestia vincit. Nonne leves pueros, non te, Cytherea, pudebat Hoc cessare decus? Nec tantum Roma jugales 70 Conciliare toros, festasque accendere tædas Fertilis; et nostra generi tellure dabuntur. Non adeo Vesuvinus apex, et flammea diri Montis hiems trepidas exhausit civibus urbes: Stant, populisque vigent: hic auspice condita
Tecta, Dicarchei portus, et littora mundi Hospita et hic magnæ tractus imitantia Romæ Quæ Capys advectis implevit moenia Teucris. Nostra quoque haud propriis tenuis, nec rara
Parthenope, cui mite solum trans æquora vectæ Ipse Dionæa monstravit Apollo columba. Has ego te sedes (ram nec mihi barbara Thrace, Nec Libye natale solum) transferre laboro: Quas et mollis hiems, et frigida temperat æstas : Quas imbelle fretum torpentibus alluit undis : Pax secura locis, et desidis otia vitæ, Et nunquam turbata quies, somnique peracti. Nulla foro rabies, aut strictæ jurgia leges Norunt: jura viris solum, et sine fascibus, æquum. Quid nune magnificas species cultusque locorum, Templaque, et innumeris spatia interstincta
Et geminam molem nudi tectique theatri, Et Capitolinis Quinquennia proxima lustris; Quid laudem risus, libertatemque Menandri, Quam Romanus honos et Graia licentia miscent? Nec desunt variæ circum oblectamina vitæ: 95 Sive vaporiferas, blandissima littora, Baias, Enthea fatidicæ seu visere tecta Sibyllæ Dulce sit, Iliacoque jugum memorabile remo: 99 Seu tibi Bacchei vineta madentia Gauri, Teleboûmque domos, trepidis ubi dulcia nautis Lumina noctivaga tollit Pharos æmula lunæ, 8 G
Caraque non molli juga Surrentina Lyro, Quæ meus ante alios habitator Pollius auget: Enariæque lacus medicos, Statinasque renatas Mille tibi nostræ referam telluris amores: 105 Sed satis hoc, conjux, satis hoc dixisse, creavit Me tibi, me socium longos adstrinxit in annos.
Nonne hæc amborum genitrix altrixque videri Digna? sed ingratus qui plura annecto, tuisque Moribus indubito: venies, carissima conjux,1 Præveniesque etiam: sine me tibi ductor aquarum Tibris, et armiferi sordebunt tecta Quirini.
Inveni librum, Marcelle carissime, quem pietati tuæ dedicarem. Reor equidem aliter, quam invocato numine maximi imperatoris, nullum opusculum meum cœpisse. Sed hic liber tres... habet. Sequitur quarta, quæ ad honorem tuum pertinet. Primo autem septimumdecimum Ger manici nostri consulatum adoravi. Secundo gratias egi sacratissimis ejus epulis honoratus. Tertio viam Domitianam miratus sum, quæ gravissimam arenarum moram exemit: cujus beneficio tu quoque maturius epistolam meam accipies, quam tibi in hoc libro a Neapoli scribo. Proximum est lyricum carmen ad Septimium Severum, juvenem (uti scis) inter ornatissimos secundi ordinis, tuum quidem etiam condiscipulum; sed mihi contra hoc quoque jus, arctissime carum. Nam Vindicis nostri Herculem Epitrapezion, secundum honorem, quem de me, et de ipsis studiis meretur, imputare etiam tibi possum. Maximum Junium et dignitatis et eloquentiæ nomine a nobis diligi, satis eram testatus epistola, quam ad illum de editione Thebaidos meæ publicavi: sed nunc quoque eum reverti maturius e Dalmatia rogo. Juncta est Ecloga ad municipem meum Julium Menecratem, splendidum juvenem, et Pollii mei generum ; cui gratulor, quod Neapolim nostram numero liberorum honestaverit. Plotio Grypho, majoris gradus juveni, dignius opusculum reddam : sed interim hendecasyllabos, quos Saturnalibus una risimus, huic volumini inserui. Quare ergo plura in quarto Sylvarum, quam in prioribus? Ne se putent aliquid egisse, qui reprehenderunt (ut audio) quod hoc styli genus edidissem. Primum, supervacuum est dissuadere rem factam. Deinde, multa ex illis jam Domino Cæsari dederam; at quanto hoc plus est, quam edere? Exercere autem jocos non licet? Si secreto, inquit. Sed et sphæromachias spectamus, et pilaris lusio admittitur. Novissime, quisquis ex meis invidus aliquid legit, statim se profitetur adversum: itaque consilio ejus accedam? In summa, nempe ego sum, qui traducor: taceat, et gaudeat. Hunc tamen librum tu, Marcelle, defendes. Et, si videtur, hactenus: sin minus, reprehendemur.
I. XVII. consulatus Imp. Aug. Germanici
Læta bis octonis accedit purpura fastis Cæsaris, insignemque aperit Germanicus annum, Atque oritur cum sole novo, cum grandibus astris Clarius ipse nitens, et primo major Eoo. Exsultent leges Latiæ: gaudete, curules; Et septemgemino jactantior æthera pulset Roma jugo: plusque ante alias Evandrius arces Collis ovet: subiere novi Pallatia fasces, Et requiem bis sextus honos, precibusque receptis Curia Cæsareum gaudet vicisse pudorem. Ipse etiam immensi reparator maximus ævi Attollit vultus, et utroque a limine grates Janus agit: quem tu, vicina Pace ligatum, Omnia jussisti componere bella, novique In leges jurare fori: levat ecce supinas Hinc atque inde manus, geminaque hæc voce profatur:
Salve, magne parens mundi, qui sæcula mecum Instaurare paras: talem te cernere semper Mense meo tua Roma cupit: sic tempora nasci, Sic annos intrare decet: da gaudia fastis Continua; hos humeros multo sinus ambiat ostro, Et properata tuæ manibus prætexta Minervæ. Adspicis ut templis alius nitor, altior aris Ignis, et ipsa meæ tepeant tibi sidera brumæ.
Permittes hanc sæpe diem: manet insuper ordo Longior, et totidem felix tibi Roma curules 36 Terque quaterque dabit: mecum altera sæcula Et tibi longævi revocabitur ara Terenti. [condes, Mille tropea feres: tantum permitte triumphos. Restat Bactra novis, restat Babyìona tributis 40 Frenari nondum in gremio Jovis Indica laurus; Nondum Arabes Seresque rogant; nondum omnis honorem [menses.
Annus habet, cupiuntque decem tua nomina Sic Janus, clausoque libens se poste recepit. Tunc omen plausere fores, lætoque dederunt 45 Signa polo; longamque tibi, dux magne, juven
Annuit, atque suos promisit Jupiter annos
II. Eucharisticon ad Imp. Aug. Germanicum Domitianum.
Regia Sidoniæ convivia laudat Elissæ, Qui magnum Ænean Laurentibus intulit arvis : Alcinoique dapes mansuro carmine monstrat Equore qui lento reducem consumsit Ulixen: Ast ego, cui sacræ Cæsar nova gaudia cœnæ Nunc primum, dominaque dedit considere mensa, Qua celebrem mea vota lyra? quas solvere grates Sufficiam? non si pariter mihi vertice læto Nectat adoratas et Smyrna et Mantua lauros, Digna loquar: mediis videor discumbere in astris Cum Jove, et Iliaca porrectum sumere dextra Immortale merum: steriles transmisimus annos; Hæc ævi mihi prima dies, hic limina vitæ. Tene ego, regnator terrarum, orbisque subacti Magne parens, te, spes hominum, te, cura deorum, Cerno jacens? datur hæc juxta, datur ora tueri Vina inter mensasque, et non adsurgere fas est? Tectum augustum, ingens, non centum insigne columnis,
Sed quantæ superos cœlumque, Atlante remisso, Sustentare queant: stupet hoc vicina Tonantis 20 Regia, teque pari lætantur sede locatum Numina, ne magnum properes exscendere cœlum: Tanta patet moles, effusæque impetus aulæ Liberior campis, multumque amplexus aperti Ætheris, et tantum domino minor: ille penates Implet, et ingenti Genio juvat. Emulus illic 26 Mons Libys Iliacusque nitent, et multa Syene, Et Chios, et glauca certantia Doride saxa, Lunaque portandis tantum suffecta columnis. Longa super species: fessis vix culmina prendas Visibus, auratique putes laquearia cœli. Hic cum Romuleos proceres, trabeataque Cæsar Agmina mille simul jussit discumbere mensis, Ipsa sinus accincta Ceres, Bacchusque laborant Sufficere: ætherii felix sic orbita fluxit Triptolemi: sic vitifero sub palmite nudos Umbravit colles et sobria rura Lyæus. Sed mihi non epulas, Indisve innixa columnis Robora Maurorum, famulasve ex ordine turmas; Ipsum, ipsum cupido tantum spectare vacavit 40 Tranquillum vultus, et majestate serena Mulcentem radios, submittentemque modeste Fortunæ vexilla suæ: tamen ore nitebat Dissimulatus honos: talem quoque barbarus hos- Posset, et ignotæ conspectum agnoscere gentes. Non aliter gelida Rhodopes in valle recumbit 46 Dimissis Gradivus equis: sic lubrica ponit Membra Therapnæa resolutus gymnade Pollux: Sic jacet ad Gangen, Indis ululantibus, Evan : Sic gravis Alcides post horrida jussa novercæ 50 [tus: Gaudebat strato latus acclinare leoni. Parva loquor, necdum æquo tuos, Germanice, vul- Talis ubi Oceani finem, mensasque revisit Æthiopum, sacro diffusus nectare vultus Dux superum, secreta jubet dare carmina Musas, Et Pallenæos Phœbum laudare triumphos. Di tibi (namque animas sæpe exaudire minores Dicuntur) patriæ bis terque exire senectæ Annuerint fines: rata numina miseris astris, Templaque des, habilesque domos: sæpe annua
Limina, sæpe novo Janum lictore salutes, Sæpe coronatis iteres Quinquennia lustris. Qua mihi felices epulas, mensæque dedisti Sacra tuæ, talis longo post tempore venit Lux mihi, Trojanæ qualis sub collibus Albæ 65
Cum modo Germanas acies, modo Daca sonantem Prolia, Palladio tua me manus induit auro.
III. Via Domitiana.
Quis duri silicis gravisque ferri Immanis sonus æquori propinquum Saxosæ latus Appiæ replevit? Certe non Libycæ sonant catervæ, Nec, dux advena, pejerate bello, Campanos quatis inquietus agros: Nec frangit vada, montibusque cæsis Inducit Nero sordidas paludes. Sed qui limina bellicosa Jani Justis legibus, et foro coronat. Qui casta Cereri diu negata Reddit jugera, sobriasque terras : Qui fortem vetat interire sexum, Et censor prohibet mares adultos Pulchræ supplicium timere formæ : Qui reddit Capitolio Tonantem, Et Pacem propria domo reponit; Qui genti patriæ futura semper Sancit limina, Flaviumque cœlum; Hic, cœno bibulo viam gravante, Et campis iter amne detinente, Longos eximit ambitus, novoque Injectu solidat graves arenas; Gaudens Euboicæ domum Sibyllæ, Gauranosque sinus, et æstuantes Septem montibus admovere Baias. Hic quondam piger axe vectus uno Nutabat cruce pendula viator; Sorbebatque rotas maligna tellus; Et plebs in mediis Latina campis Horrebat mala navigationis: Nec cursus agiles, et impeditum Tardabant iter orbitæ jacentes, Dum pondus nimium querens sub alta Repit languida quadrupes statera. At nunc, quæ solidum diem terebat, Horarum via facta vix duarum.
Non tensæ volucrum per astra pennæ, Nec velocius ibitis, carinæ. Hic primus labor inchoare sulcos, Et rescindere limites, et alto Egestu penitus cavare terras : Mox, haustas aliter replere fossas, Et summo gremium parare dorso, Ne nutent sola, ne maligna sedes, Et pressis dubium cubile saxis. Tunc umbonibus hinc et hinc coactis, Et crebris iter alligare gomphis. O quantæ pariter manus laborant! Hi cædunt nemus, exuuntque montes, Hi ferro scopulos trabesque lævant; Illi saxa ligant, opusque texunt Cocto pulvere sordidoque topho: Hi siccant bibulas manu lacunas, Et longe fluvios agunt minores. Hæ possent et Athon cavare dextræ, Et mæstum pelagus gementis Helles Intercludere ponte non natanti. His parvus, Lecheo nihil vetante, Inous freta miscuisset Isthmos Fervent littora, mobilesque sylvæ; It longus medias fragor per urbes : Atque echo simul hinc et inde fractam Gauro Massicus uvifer remittit. Miratur sonitum quieta Cyme, Et Literna palus, pigerque Savo.
At flavum caput, humidumque late Crinem mollibus impeditus ulvis Vulturnus levat ora, maximoque Pontis Cæsarei reclinis arcu Pandis talia faucibus redundat: Camporum bone conditor meorum, Qui me vallibus avius refusum Et ripas habitare nescientem Recti legibus alvei ligasti:
Et nunc ille ego turbidus minaxque, Vix passus dubias prius carinas, Jam pontem fero, perviusque calcor; Qui terras rapere, et rotare sylvas Assueram (pudet), amnis esse cœpi: Et grates ago, servitusque tanti est, Quod sub te duce, te jubente, cessi, Quod tu maximus arbiter, meæque Victor perpetuus legere ripæ. Et nunc limite me colis beato, Nec sordere sinis, malumque late Deterges sterilis soli pudorem;
Nec me pulvereum, gravemque cœno Tyrrheni sinus obruet profundi,
(Qualis Cinyphius tacente ripa
Ponos Bagrada serpit inter agros,)
Nil obstat cupidis, nihil moratur. [Qui primo Tiberim reliquit ortu, Primo vespere navigat Lucrinum.] Sed quam fine viæ recentis imo, Qua monstrat veteres Apollo Cumas, Albam crinibus infulisque cerno? Visu fallimur? an sacris ab antris Profert Chalcidicas Sibylla laurus? Cedamus; chely, jam repone cantus; Vates sanctior incipit: tacendum est. En! et colla rotat, novisque late Bacchatur spatiis, viamque replet. Tunc sic virgineo profatur ore: Dicebam, veniet (manete campi Atque amnis) veniet, favente cœlo, Qui fœdum nemus et putres arenas Celsis pontibus et via levabit. En hic est deus; hunc jubet beatis Pro se Jupiter imperare terris: Quo non dignior has subît habenas, Ex quo me duce præscios Averni Æneas, avide futura quærens, Lucos et penetravit et reliquit.
Tarpeius pater intonabit aulæ ; Hæc donec via, te regente terras, Annosa magis Appia senescat.
IV. Ad Victorium Marcellum Epistola. Curre per Euboicos non segnis, epistola, campos, Hac ingressa vias, qua nobilis Appia crescit In latus, et molles solidus premit agger arena 3. Atque ubi Romuleas velox penetraveris arces, 00 Continuo dextras flavi pete Tibridis oras, Lydia qua penitus stagnum navale coercet Ripa, suburbanisque vadum prætexitur hortis Illic egregium formaque animisque videbis Marcellum, et celso præsignem vertice nosces. Cui primum solito vulgi de more salutem, Mox inclusa modis hæc reddere verba memento: Jam terras volucremque polum fuga veris aquosi Laxat, et Icariis cœlum latratibus urit : Ardua jam densæ rarescunt monia Romæ. Hos Præneste sacrum, nemus hos glaciale Dianæ, Algidus aut horrens, aut Tuscula protegit umbra: Tiburis hi lucos, Ani naque frigora captant. Te quoque clamosæ quænam plaga mitior urbi Subtrahit? æstivos quo decipis aere soles ? 19 115 Quid tuus ante omnes, tua cura potissima, Gallus, Nec non noster amor, dubium morumne probanIngeniine bonis: Latiis æstivat in oris? Anne metalliferæ repetit jam monia Lunæ, Tyrrhenasque domos? quod si tibi proximus
« PreviousContinue » |