A la Librairie Stéréotype, chez H. NICOLLE, rue des Petits-Augustins, no 15; Et chez A. AUG. RENOUARD, Libraire, rue SaintAndré-des-Arcs, no 42. VIRGILII VITA. PUBLIUS Virgilius Maro parentibus modicis fuit, et præcipuè patre Marone: quem quidam opificem figulum; plures, Magi cujusdam viatoris initio mercenarium, mox ob industriam generum tradiderunt: quem cùm agricolationi reique rusticæ et gregibus præfecisset socer, silvis coëmundis et apibus curandis reculam auxit. Natus est, Cn. Pompeio Magno, et M. Licinio Crasso, primùm coss., iduum octobrium die, in pago qui Andes dicitur, qui est à Mantuâ non procul. Initia ætatis, id est, usque ad septimum annum, Cremonæ egit: et XVII anno virilem togam cepit, illis consulibus iterùm quibus natus erat: evenitque ut eo ipso die Lucretius poëta decederet. Sed Virgilius Cremona Mediolanum, et indè paulò pòst Neapolim transiit; ubi cùm litteris et græcis et latinis vehementissimam operam dedisset, tandem omni curâ omnique studio indulsit medicinæ et mathematicis. Egit et causam unam omninò, nec ampliùs quàm semel. Sermone tardissimum, ac penè indocto similem fuisse, Melissus tradit. Poëticam puer adhuc auspicatus, in Balistam ludi gladiatorii magistrum, ob infamiam latrociniorum coopertum lapidibus, distichon fecit : Monte sub hoc lapidum tegitur Balista sepultus : Nocte, die, tutum carpe, viator, iter. I eindè Catalecton, et Moretum, et Priapeia, et a. |