Audit equos, audit strepitus, et signa sequentum. Nec longum in medio tempus; quom clamor ad auris. Pervenit, ac videt Euryalum: quem jam manus omnis Fraude loci et noctis, subito turbante tumultu, Oppressum rapit, et conantem plurima frustra. Quid faciat ? qua vi juvenem, quibus audeat armis Eripere? an sese medios moriturus in ensis Inferat, et pulchram properet per volnera mortem? Ocius adducto torquens hastile lacerto,
Suspiciens altam Lunam, sic voce precatur : Tu, dea, tu praesens nostro succurre labori; Astrorum decus, et nemorum Latonia custos; Si qua tuis umquam pro me pater Hyrtacus aris Dona tulit, si qua ipse meis venatibus auxi, Suspendive tholo, aut sacra ad fastigia fixi; Hunc sine me turbare globum, et rege tela per auras. Dixerat: et toto connixus corpore ferrum Conjicit. hasta volans noctis diverberat umbras, Et venit aversi in tergum Sulmonis, ibique Frangitur, ac fisso transit praecordia ligno. Volvitur ille vomens calidum de pectore flumen Frigidus, et longis singultibus ilia pulsat. Diversi circumspiciunt. hoc acrior idem. Ecce aliud summa telum librabat ab aure;
Dum trepidant, iit hasta Tago per tempus utrumque Stridens, trajecto que haesit tepefacta cerebro. Saevit atrox Volscens, nec teli conspicit usquam Auctorem, nec quo se ardens inmittere possit. Tu tamen interea calido mihi sanguine poenas Persolves amborum, inquit: simul ense recluso Ibat in Euryalum. tum vero exterritus, amens Conclamat Nisus: nec se celare tenebris Amplius, aut tantum potuit perferre dolorem :
Me, me, adsum qui feci, in me convertite ferrum, O Rutuli. mea fraus omnis; nihil iste nec ausus, Nec potuit coelum hocc', et conscia sidera testor. Tantum infelicem nimium dilexit amicum. Talia dicta dabat: sed viribus ensis adactus Transabiit costas, et candida pectora rumpit. Volvitur Euryalus leto, pulchrosque per artus It cruor, inque humeros cervix conlabsa recumbit. Purpureus veluti quom flos succisus aratro Languesçit moriens; lassove papavera collo Demisere caput, pluvia quom forte gravantur. At Nisus ruit in medios, solumque per omnis Volscentem petit in solo Volscente moratur. Quem circum glomerati hostes, hinc comminus atque hinc Proturbant. instat non secius, ac rotat ensem Fulmineum; donec Rutuli clamantis in ore Condidit adverso, et moriens animam abstulit hosti. Tum super exanimem sese projecit amicum, Confossus, placidaque ibi demum morte quievit. Fortunati ambo! si quid mea carmina possunt, Nulla dies umquam memori vos eximet aevo : Dum domus Aeneae Capitoli inmobile saxum Adcolet, imperiumque pater Romanus habebit. Victores praeda Rutuli spoliisque potiti, Volscentem exanimum flentes in castra ferebant. Nec minor in castris luctus, Rhamnete reperto Exsangui, et primis una tot caede peremtis, Sarranoque, Numaque. ingens concursus ad ipsa Corpora, seminecesque viros, tepidaque recentem Caede locum, et pleno spumantis sanguine rivos. Adgnoscunt spolia inter se, galeamque nitentem Messapi, et multo phaleras sudore receptas.
Et jam prima novo spargebat lumine terras
Tithoni croceum linquens Aurora cubile: Jam sole infuso, jam rebus luce retectis, Turnus in arma viros, armis circumdatus ipse, Suscitat, aeratasque acies in proėlia cogit : Quisque suos variisque acuunt rumoribus iras. Quin ipsa adrectis (visu miserabile) in hastis Praefigunt capita, et multo clamore sequuntur, Euryali, et Nisi.
Aeneadae duri murorum in parte sinistra Opposuere aciem, (nam dextera cingitur amni) Ingentisque tenent fossas, et turribus altis. Stant maesti simul ora virûm praefixa movebarit, Nota nimis miseris, atroque fluentia tabo. Interea pavidam volitans pennata per urbem Nuntia Fama ruit, matrisque adlabitur auris Euryali. at subitus miserae calor ossa reliquit. Excussi manibus radii, revolutaque pensa. Evolat infelix, et femineo ululatu,
Scissa comam, muros amens atque agmina cursu Prima petit non illa virûm, non illa pericli, Telorumque memor: coelum dehinc questibus inplet: Hunccine te, Euryale, adspicio ? tune ille, senectae Sera meae requies? potuisti linquere solam, Crudelis nec te, sub tanta pericula missum, Adfari extremum miserae data copia matri? Heu, terra ignota canibus date praeda Latinis, Alitibusque jaces! nec te tua funere mater Produxi, pressive oculos, aut vulnera lavi, Veste tegens ; tibi quam noctes festina diesque Urgebam, et tela curas solabar anilis.
Quo sequar? aut quae nunc artus avolsaque membra, Et funus lacerum tellus. habet ? hoc mihi de te,
Nate, refers? hoc sum terraque marique secuta ?
Figite me, si qua est pietas; in me omnia tela Conjicite, o Rutuli; me primam absumite ferro: Aut tu, magne pater divôm, miserere, tuoque Invisum hoc detrude caput sub Tartara telo: Quando aliter nequeo crudelem abrumpere vitam. Hoc fletu concussi animi, maestusque per omnis It gemitus torpent infractae ad proelia vires. Illam incendentem luctus Idaeus et Actor, Ilionei monitu, et multum lacrimantis Tüli, Conripiunt, interque manus sub tecta reponunt.
At tuba terribilem sonitum procul aere canoro Increpuit sequitur clamor, coelumque remugit. Adcelerant acta pariter testudine Volsci ; Et fossas inplere parant, ac vellere vallum. Quaerunt pars aditum, et scalis adscendere muros; Qua rara est acies, interlucetque corona
Non tam spissa viris. telorum effundere contra Omne genus Teucri, ac duris detrudere contis, Adsueti longo muros defendere bello."
Saxa quoque infesto volvebant pondere, si qua Possent tectam aciem perrumpere: quom tamen omnis Ferre juvat subter densa testudine casus.
Nec jam sufficiunt. nam, qua globus inminet ingens, Inmanem Teucri molem volvuntque ruuntque : Quae stravit Rutulos late, armorumque resolvit Tegmina. nec curant caeco contendere Marte Amplius audaces Rutuli, sed pellere vallo Missilibus certant.
Parte alia horrendus visu quassabat Etruscam Pinum, et fumiferos infert Mezentius ignis. At Messapus equôm domitor, Neptunia proles, Rescindit vallum, et scalas in moenia poscit.
Vos, o Calliope, precor, adspirate canenti;
Quas ibi tunc ferro strages, quae funera Turnus Ediderit; quem quisque virum demiserit Orco: Et mecum ingentis oras evolvite belli.
Turris erat vasto suspectu, et pontibus altis, Opportuna loco: summis quam viribus omnes Expugnare Itali, summaque evertere opum vi Certabant: Troës contra defendere saxis, Perque cavas densi tela intorquere fenestras, Princeps ardentem conjecit lampada Turnus, Et flammam adfixit lateri ; quae plurima vento Conripuit tabulas, et postibus haesit adesis. Turbati trepidare intus, frustraque malorum Velle fugam. dum se glomerant, retroque residunt In partem, quae peste caret, tum pondere turris Procubuit subito, et coelum tonat omne fragore. Semineces ad terram, inmani molę secuta, Confixique suis telis, et pectora duro
Transfossi ligna veniunt. vix unus Helenor, Et Lycus elabsi: quorum primaevus Helenor, Maeonio regi, quem serva Licymnia furtim Sustulerat, vetitisque ad Troiam miserat armis, Ense levis nudo, parmaque inglorius alba. Isque ubi se Turni media inter millia vidit, Hinc acies, atque hinc acies adstare Latinas ; Ut fera, quae densa venantum septa coroną Contra tela furit, seseque haud nescia morti Injicit, et saltu supra venabula fertur; Haud aliter juvenis medios moriturus in hostis Inruit; et, qua tela videt densissima, tendit. At pedibus longe melior Lycus inter et hostis, Inter et arma, fuga muros tenet, altaque certat Prendere tecta manu, sociûmque adtingere dextras. Quem Turnus, pariter cursu teloque secutus,
« PreviousContinue » |