quousque habuerint voluntarios receptores ejusdem ordinis vel strictioris, et quod adhibeant diligentiam suam ad revocandum fratres oberrantes. 6. Et quod nomina collectorum decimæ non certificentur per ordinarios in scaccarium, nisi adveniente die solutionis, vel biduum aut triduum ante, quia graviter hiis diebus mulctantur collectores ante diem. 7. Memorand. an abbates et priores habent contribuere ad expensas procuratorum ratione ecclesiarum appropriatarum. Reformanda in parliamento pro ecclesia. 1. Inprimis, reformentur statuta "De præmunir." et præsertim propter terminum “ Alibi.” 2. Item statutum prætensum de grossis arboribus non decimandis. 3. Item, procedatur de remedio contra perjuria, et iniquissimas inditationes. 4. Item, quod ecclesiæ pensionariæ et portionariæ exiles augmententur de eisdem proc. et solicitat. deput. per clerum super præmissis, custos privati sigilli, secretarius domini regis, mag. Stephanus Wylton, præpositus de Stona, dom. Johannes Bothe, officialis curiæ Cant. Sequente die Sabbati adveniente, dominus petiit responsum a clero, qualiter deliberati fuerant quantum ad subsidium prætactum domino regi concedendum; et quid sentirent de litera regia pro die translationis S. Edwardi, sub duplici festo futuris temporibus per provinciam suam Cant. celebrando. Et tunc mag. Williel. Biconyll, officialis curiæ Cantuar. totius cleri prolocutor, supplicabat domino ex parte cleri, ut hujusmodi dies translationis S. Edwardi, cujus quidem sancti interventu nedum gentis Anglicana armata militia, sed et cleri inermis militia contra hostiles incursus celebriter roboratur, sub duplici festo per suam provinciam solemnizari posset, de confratrum suorum consensu concedere dignaretur. Quo quidem die Sabbati præfatus reverendissimus in Christo pater de consensu confratrum suorum, et totius cleri præsentium in dicta convocatione, statuit et ordinavit dictum festum translationis per totam provinciam Cant. tam in ecclesiis, quam extra, ad modum majoris duplicis festi fore perpetuis temporibus celebrandum, prout plenius in litera, super hoc auctoritate ejusdem reverendissimi in Christo patris singulis suis suffraganeis conscripta, inferius continetur. Cujus quidem literæ tenor sequitur in hæc verba: Johannes, permissione divina Cant. archiepiscopus, totius Angliæ primas, et apostolicæ sedis legatus, vener. fratri nostro domino Ro berto, Dei gratia London. episcopo, salutem, et fraternam in Domino charitatem. Quanquam admonitione divina per beatum David eximium prophetam et regem, de quo per Dominum dictum est, "Inveni virum secundum cor meum," jubeamur laudare in sanctis suis Dominum, per quos et quibus intervenientibus, idem Dominus et Deus noster plerumque pacem populo suo confirmat, interdum pestes aufert et fames, solidat principatus et regna, confertque victorias timentibus et diligentibus nomen suum, sed et per quos ex sua miraculosa potentia membris languidorum frequentissime in desperatis languoribus antidota votiva impertitur salutis; ipsos nihilominus Dei sanctos et Dominum in illis specialis devotionis prærogativa immensarum laudum præconiis et obsequiosis honoribus attollere et revereri debet, et tenetur omnis ecclesia christiana, quorum specialibus tuetur patrociniis, et illustratur miraculis gloriosis. Propterea, quoniam nos nuper, ut divina majestas peramplius, devotius, et celebrius suis glorificetur in sanctis, in sancta matre nostra ecclesia Anglicana, quæ inter cæteros sanctos beatissimi Edwardi confessoris et regis, piis confovetur suffragiis, frequentibus irradiatur miraculis, et cujus olim meritis, ut tradunt historiæ, regnum Angliæ ereptum fuisse de rabie et persecutione sævissima paganorum; in convocatione ultima nostra ex unanimi vener. confratrum nostrorum, ac cleri consilio et assensu, pensatis, quantum potuit nostra fragilitas, tanti sancti meritis, necnon devotissimis christianissimi regis Henrici sexti domini nostri supremi multiplicatis instantiis specialibus in hac parte, cujus gloriosissimi regis et confessoris intercessionibus et patrociniis sua regnum et celsitudinem tueri non ambigit, constituerimus, decreverimus, et ordinaverimus per nostram Cant. provinciam festum translationis S. Edwardi regis et confessoris annuatim de cætero sub duplici officio solenniter observari; volumus igitur, et vestræ fraternitati tenore præsentium firmiter injungendo mandamus, quatenus festum translationis S. Edwardi prædicti singulis annis de cætero solenniter celebretis, et per vestras civitatem et diœcesim faciatis tam per clericos, quam laicos modo præmisso solenniter celebrari. Volumus etiam et mandamus, quatenus confratribus vestris, et ecclesiæ nostræ Cant. suffraganeis per literas vestras auctoritate nostra et dicti concilii injungatis et mandetis, quibus et nos simili modo injungimus et mandamus, quod ipsorum singuli idem festum sic, ut præmittitur, singulis annis solenniter celebrent, et per suas civitatem et diœcesim modo præmisso faciant perpetuis temporibus futuris a clero et populo solenniter celebrari. Et quid feceritis in præmissis, nos citra festum Omnium Sanctorum proxime futurum distincte certificetis per literas vestras, harum seriem habentes, sigillo vestro consignatas. Mandamus etiam singulis confratribus nostris prædictis, quod et ipsi singillatim, quatenus præsens nostrum mandatum ipsorum civitatem et diœcesim concernit, nos citra festum natalis Domini proxime futurum per suas literas modo consimili certificare non omittant. Dat. in manerio nostro de Croydon primo die mensis Octobris, A.D. мCCCCXLV. et nostræ translat. anno tertio. Et quantum ad prætactum subsidium, mag. Williel. Biconyll, prolocutor cleri supradictus, præsentabat domino, dicto die Sabbati, quandam schedulam unius integræ decimæ domino regi concessæ. Sed dominus rex haud contentus hac decima, mag. Adam Moleyns, custodem privati sigilli, die Lunæ sequente ad domum capitularem misit, aliam integram decimam expetendi causa; ast quia clerus integram decimam concesserat die Sabbati præterito, sub ea conditione, quod dominus statim dissolveret convocationem, petitis ejus haud responderunt ea vice. Quibus sic factis, "clerus domus inferioris desiderabat ab episcopis et aliis prælatis sentire suum super schedula de reformandis in ipsa convocatione per convocationem concepta." Et adtunc dominus Bathon. archiepiscopi illa vice commissarius, de consensu confratrum suorum religiosorum, et cæterorum procuratorum cleri, manu sua propria subscripsit articulos in eadem schedula contentos, prout hic inferius continetur : Ad primum, qui sic incipit: "Inprimis, deliberatum est per clerum," etc., sic est responsum, Quod prælatis et omnibus placet, quod tollatur illa pœna, et quod id, quod recipit ultra constitutionem, applicetur fabricæ ecclesiæ cathedr. nisi per loci ordinarium fuerit super hoc aliter dispensatum. Ad secundum, qui sic incipit: "Item, quod constitutio adeo quorundam," etc., sic est responsum per omnes, Istud deferendum usque alias, propter brevitatem temporis. Ad tertium, qui sic incipit: "Item, quod addatur pœna," etc., sic est responsum, Differatur usque alias. Ad quartum, qui sic incipit: "Item, quod constitutio domini Henrici," etc., responsum est per omnes, Placet. Ad quintum, qui sic incipit: "Item, quod abbates et priores," etc., sic est responsum, Stetur juri communi. Ad sextum, qui sic incipit: "Et quod nomina collectorum decimæ," etc., sic est responsum, Differatur. Et quantum ad reformandum per parliamentum, nominati in dicta schedula fuerunt deputati ad solicitandum dictam materiam. Et incontinenti dominus London. commissarius domini, dicto die nomine ejusdem dissolvebat dictam convocationem. INDEX. ADVERTISEMENT TO THE READER. In this index the greater number every where denotes the set or system of The lesser number always shews the particular canon, constitution, or article Pf. denotes the translator's preface, Ps. his postscript to any set. If Lat. be The same figures refer to the canon, constitution, &c., and to the notes on that [The corrections of Johnson's index, as well as the references to the addenda A. Abbacies, King Henry I. promises to deliver them forthwith to successors, Abbess, to wear nothing more costly than lamb-skins and cat-skins, or foxes', 1200, 15. See Nun, Ecclesiastic, Abbot. not to create knights, 1102, 17, [see Addenda.] to dwell with their monks, ibid. to appoint confessors for their monks, 1102, 18. to be blessed to their office gratis, 1126, 3. not to take any thing to farm, 1127, 8. of St. Mary's, York, deposed for bodily infirmities, 1195, Pf. Lat. to have a seal of office, 1237, 28. not to permit their monks to be ordained but by the diocesan, 1322, 1. [chapter, ed. i.] |