Regifico luxu; Furiarum maxuma iuxta
Accubat, et manibus prohibet contingere mensas, Exsurgitque facem attollens, atque intonat ore.
XXXIV. In obedience to the Sibyl's directions Aeneas deposits the magic bough as an offering to Proserpine. They then come to the abode of the blessed. His demum exactis, perfecto munere divae, Devenere locos laetos et amoena virecta Fortunatorum nemorum sedesque beatas. Largior hic campos aether et lumine vestit Purpureo, solemque suum, sua sidera norunt. Pars in gramineis exercent membra palaestris, Contendunt ludo et fulva luctantur arena; Pars pedibus plaudunt choreas et carmina dicunt. Nec non Threicius longa cum veste sacerdos Obloquitur numeris septem discrimina vocum, Iamque eadem digitis, iam pectine pulsat eburno, Hic genus antiquum Teucri, pulcherrima proles, Magnanimi heroes, nati melioribus annis,
Ilusque Assaracusque et Troiae Dardanus auctor.
Arma procul currusque virum miratur inanis.
Stant terra defixae hastae, passimque soluti
Per campum pascuntur equi. Quae gratia currum Armorumque fuit vivis, quae cura nitentis
Pascere equos, eadem sequitur tellure repostos. Conspicit, ecce, alios dextra laevaque per herbam Vescentis laetumque choro Paeana canentis Inter odoratum lauri nemus, unde superne
Plurimus Eridani per silvam volvitur amnis.
Hic manus ob patriam pugnando volnera passi,
Quique sacerdotes casti, dum vita manebat, Quique pii vates et Phoebo digna locuti, Inventas aut qui vitam excoluere per artis, Quique sui memores alios fecere merendo;
Omnibus his nivea cinguntur tempora vitta.
XXXV. Aeneas meets his father, who shows him the shades which are destined to take human form and do great deeds on earth. He points out to him Caesar Augustus, the first Emperor of Rome.
Hic vir, hic est, tibi quem promitti saepius audis, Augustus Caesar, Divi genus, aurea condet Saecula qui rursus Latio regnata per arva
Saturno quondam, super et Garamantas et Indos Proferet inperium; iacet extra sidera tellus, Extra anni solisque vias, ubi caelifer Atlas Axem humero torquet stellis ardentibus aptum. Huius in adventum iam nunc et Caspia regna Responsis horrent divom et Maeotia tellus, Et septemgemini turbant trepida ostia Nili. Nec vero Alcides tantum telluris obivit, Fixerit aeripedem cervam licet, aut Erymanthi Pacarit nemora, et Lernam tremefecerit arcu ; Nec, qui pampineis victor iuga flectit habenis,
Liber, agens celso Nysae de vertice tigris.
XXXVI. Next the kings and great heroes of the Roman
Quis procul ille autem ramis insignis olivae Sacra ferens? Nosco crinis incanaque menta Regis Romani, primam qui legibus urbem Fundabit, Curibus parvis et paupere terra
Missus in inperium magnum.
Otia qui rumpet patriae residesque movebit
Tullus in arma viros et iam desueta triumphis Agmina. Quem iuxta sequitur iactantior Ancus, Nunc quoque iam nimium gaudens popularibus auris. Vis et Tarquinios reges, animamque superbam Ultoris Bruti, fascesque videre receptos? Consulis inperium hic primus saevasque secures Accipiet, natosque pater nova bella moventis Ad poenam pulchra pro libertate vocabit, Infelix! Utcumque ferent ea facta minores, Vincet amor patriae laudumque inmensa cupido. Quin Decios Drusosque procul saevumque securi Aspice Torquatum et referentem signa Camillum. Illae autem, paribus quas fulgere cernis in armis, Concordes animae nunc et dum nocte premuntur, Heu quantum inter se bellum, si lumina vitae Attigerint, quantas acies stragemque ciebunt ! Aggeribus socer Alpinis atque arce Monoeci Descendens, gener adversis instructus Eois. Ne, pueri, ne tanta animis adsuescite bella, Neu patriae validas in viscera vertite viris ; Tuque prior, tu parce, genus qui ducis Olympo, Proiice tela manu, sanguis meus !-
Ille triumphata Capitolia ad alta Corintho Victor aget currum, caesis insignis Achivis. Eruet ille Argos Agamemnoniasque Mycenas, Ipsumque Aeaciden, genus armipotentis Achilli, Ultus avos Troiae, templa et temerata Minervae.
Quis te, magne Cato, tacitum, aut te, Cosse, relinquat? Quis Gracchi genus, aut geminos, duo fulmina belli, 1010
Scipiados, cladem Libyae, parvoque potentem Fabricium, vel te sulco, Serrane, serentem? Quo fessum rapitis, Fabii? tu Maxumus ille es, Unus qui nobis cunctando restituis rem. Excudent alii spirantia mollius aera,
Credo equidem, vivos ducent de marmore voltus, Orabunt caussas melius, caelique meatus Describent radio et surgentia sidera dicent: Tu regere inperio populos, Romane, memento; Hae tibi erunt artes; pacisque inponere morem, Parcere subiectis, et debellare superbos.
XXXVII. After his return from the realms below, Aeneas and his men sail along the Italian shore northwards. Adspirant aurae in noctem, nec candida cursus Luna negat, splendet tremulo sub lumine pontus. Proxuma Circaeae raduntur litora terrae,
Dives inaccessos ubi Solis filia lucos
Adsiduo resonat cantu, tectisque superbis
Urit odoratam nocturna in lumina cedrum,
Arguto tenuis percurrens pectine telas. Huic exaudiri gemitus iraeque leonum,
Vincla recusantum et sera sub nocte rudentum,
Saetigerique sues atque in praesepibus ursi
Saevire, ac formae magnorum ululare luporum,
Quos hominum ex facie dea saeva potentibus herbis Induerat Circe in voltus ac terga ferarum.
Quae ne monstra pii paterentur talia Troes Delati in portus, neu litora dira subirent, Neptunus ventis implevit vela secundis,
Atque fugam dedit et praeter vada fervida vexit.
XXXVIII. They sail up the mouth of the Tiber. Latinus, the king of the country, had a lovely daughter named Lavinia, sought in marriage by many nobles, and especially by Turnus, a neighbouring prince. Strange portents indicate that it is to a foreigner that she must be given.
Laurus erat tecti medio in penetralibus altis,
Sacra comam, multosque metu servata per annos, Quam pater inventam, primas cum conderet arces, Ipse ferebatur Phoebo sacrasse Latinus, Laurentisque ab ea nomen posuisse colonis. Huius apes summum densae-mirabile dictu- Stridore ingenti liquidum trans aethera vectae, Obsedere apicem, et, pedibus per mutua nexis, Examen subitum ramo frondente pependit. Continuo vates, Externum cernimus, inquit, Adventare virum, et partis petere agmen easdem Partibus ex isdem, et summa dominarier arce. Praeterea castis adolet dum altaria taedis,
Ut iuxta genitorem adstat Lavinia virgo,
Visa, nefas, longis conprendere crinibus ignem,
Atque omnem ornatum flamma crepitante cremari,
Regalisque accensa comas, accensa coronam, Insignem gemmis; tum fumida lumine fulvo Involvi, ac totis Volcanum spargere tectis. Id vero horrendum ac visu mirabile ferri : Namque fore inlustrem fama fatisque canebant
Ipsam, sed populo magnum portendere bellum.
« PreviousContinue » |