Tros Rutulusve fuat, nullo discrimine habebo: Seu fatis Italûm castra obsidione tenentur, Sive errore malo Troja monitisque sinistris. Nec Rutulos solvo. Sua cuique exorsa laborem Fortunamque ferent. Rex Jupiter omnibus idem. Fata viam invenient. Stygii per flumina fratris, Per pice torrentes atrâque voragine ripas, Annuit, et totum nutu tremefecit Olympum. Hic finis fandi. Solio tum Jupiter aureo Surgit, cœlicolæ medium quem ad limina ducunt. Interea Rutuli portis circum omnibus instant Sternere cæde viros, et moenia cingere flammis. Ast legio Æneadûm vallis obsessa tenetur, Nec spes ulla fuga. Miseri stant turribus altis Nequicquam, et rarâ muros cinxêre coronâ. Asius Imbrasides, Hicetaoniusque Thymates, Assaracique duo, et senior cum Castore Thymbris, Prima acies; hos germani Sarpedonis ambo, Et Clarus et Themon, Lyciâ comitantur ab altâ. Fert ingens toto connixus corpore saxum, Haud partem exiguam montis, Lyrnessius Acmon, Nec Clytio genitore minor, nec fratre Menestheo. Hi jaculis, illi certant defendere saxis, Molirique ignem, nervoque aptare sagittas. Ipse inter medios, Veneris justissima cura, Dardanius caput, ecce, puer detectus honestum, Qualis gemma, micat, fulvum quæ dividit aurum, Aut collo decus, aut capiti: vel quale per artem Inclusum buxo, aut Oriciâ terebintho, Lucet ebur. Fusos cervix cui lactea crines
Te quoque magnanimæ viderunt, Ismare, gentes
Accipit et molli subnectit circulus auro.
Vulnera dirigere, et calamos armare veneno,
Mæoniâ generose domo: ubi pinguia culta Exercentque viri, Pactolusque irrigat auro. Affuit et Mnestheus, quem pulsi pristina Turni Aggere mærorum sublimem gloria tollit, Et Capys; hinc nomen Campanæ ducitur urbi. Illi inter sese duri certamine belli Contulerant; mediâ Æneas freta nocte secabat. Namque, ut ab Evandro castris ingressus Etruscis, Regem adit, et regi memorat nomenque genusque;
Quidve petat, quidve ipse ferat, Mezentius arma Quæ sibi conciliet, violentaque pectora Turni,
Edocet; humanis quæ sit fiducia rebus
Admonet, immiscetque preces. Haud fit mora; Tarchon
Jungit opes, fœdusque ferit. Tum libera fati Classem conscendit jussis gens Lydia divûm Externo commissa duci. Eneia puppis Prima tenet, rostro Phrygios subjuncta leones; Imminet Ida super, profugis gratissima Teucris. Hic magnus sedet Eneas, secumque volutat Eventus belli varios; Pallasque, sinistro Affixus lateri, jam quærit sidera, opacæ Noctis iter; jam quæ passus terrâque marique. Pandite nunc Helicona, deæ, cantusque movete, Quæ manus interea Tuscis comitetur ab oris Enean, armetque rates, pelagoque vehatur. Massicus æratâ princeps secat æquora Tigri; Sub quo mille manus juvenum, qui monia Clusî, Quique urbem liquêre Cosas queîs tela, sagittæ, Gorytique leves humeris, et letifer arcus. Una torvus Abas: huic totum insignibus armis Agmen, et aurato fulgebat Apolline puppis. Sexcentos illi dederat Populonia mater Expertos belli juvenes; ast Ilva trecentos, Insula inexhaustis Chalybum generosa metallis. Tertius, ille hominum divûmque interpres Asylas, Cui pecudum fibræ, cœli cui sidera parent, Et linguæ volucrum, et præsagi fulminis ignes; Mille rapit densos acie, atque horrentibus hastis. Hos parere jubent Alpheæ ab origine Pisa, Urbs Etrusca solo. Sequitur pulcherrimus Astur, Astur equo fidens et versicoloribus armis. Tercentum adjiciunt (mens omnibus una sequendi), Qui Cærete domo, qui sunt Minionis in arvis, Et Pyrgi veteres, intempestaque Graviscæ. Non ego te, Ligurum ductor fortissime bello, Transierim, Cinyra, et paucis comitate Cupavo Cujus olorinæ surgunt de vertice pennæ, (Crimen amor vestrum) formæque insigne paternæ. Namque ferunt luctu Cycnum Phaethontis amati,
Populeas inter frondes umbramque sororum Dum canit, et moestum Musâ solatur amorem,
Canentem molli plumâ duxisse senectam, Linquentem terras, et sidera voce sequentem. Filius, æquales comitatus classe catervas, Ingentem remis Centaurum promovet: ille Instat aquæ, saxumque undis immane minatur Arduus, et longâ sulcat maria alta carinâ.
Ille etiam patriis agmen ciet Ocnus ab oris, Fatidicæ Mantûs et Tusci filius amnis,
Qui muros matrisque dedit tibi, Mantua, nomen; Mantua, dives avis, sed non genus omnibus unum. Gens illi triplex, populi sub gente quaterni: Ipsa caput populis; Tusco de sanguine vires. Hinc quoque quingentos in se Mezentius armat, Quos patre Benaco, velatus arundine glaucâ, Mincius infestâ ducebat in æquora pinu.
It gravis Aulestes, centenâque arbore fluctum Verberat assurgens: spumant vada marmore verso. Hunc vehit immanis Triton et cœrula conchâ Exterrens freta: cui laterum tenus hispida nanti Frons hominem præfert, in pristin desinit alvus; Spumea semifero sub pectore murmurat unda. Tot lecti proceres ter denis navibus ibant Subsidio Troja, et campos salis ære secabant.
Jamque dies cœlo concesserat, almaque curru Noctivago Phœbe medium pulsabat Olympum; Eneas (neque enim membris dat cura quietem) Ipse sedens clavumque regit, velisque ministrat. Atque illi medio in spatio, chorus, ecce, suarum Occurrit comitum; Nymphæ, quas alma Cybele Numen habere maris, Nymphasque è navibus esse Jusserat, innabant pariter, fluctusque secabant, Quot priùs æratæ steterant ad littora prore. Agnoscunt longè regem, lustrantque choreis. Quarum quæ fandi doctissima, Cymodocea, Ponè sequens, dextrâ puppim tenet, ipsaque dorso Eminet, ac lævâ tacitis subremigat undis. Tum sic ignarum alloquitur:-Vigilasne, Enea? vigila, et velis immitte rudentes. Nos sumus Idææ sacro de vertice pinus, Nunc pelagi Nymphæ, classis tua. Perfidus ut nos Præcipites ferro Rutulus flammâque premebat, Rupimus invita tua vincula, teque per æquor
Quærimus. Hanc Genetrix faciem miserata refecit, Et dedit esse deas, ævumque, agitare sub undis. puer Ascanius muro fossisque tenetur
Tela inter media atque horrentis Marte Latinos. Iam loca iussa tenet forti permixtus Etrusco Arcas eques. Medias illis opponere turmas, Ne castris iungant, certa est sententia Turno. Surge age, et Aurora socios veniente vocari
Primus in arma iube, et clipeum cape, quem dedit ipse Invictum ignipotens, atque oras ambiit auro. Crastina lux, mea si non irrita dicta putaris,
Ingentis Rutulæ spectabit cædis acervos. Dixerat, et dextra discedens impulit altam,
Haud ignara modi, puppim. Fugit illa per undas Ocior et iaculo et ventos æquante sagitta.
Inde aliæ celerant cursus. Stupet inscius ipse Tros Anchisiades; animos tamen omine tollit. Tum breviter supera adspectans convexa precatur ; Alma parens Idea deûm, cui Dyndima cordi Turrigeræque urbes biiugique ad frena leones; Tu mihi nunc pugnæ princeps, tu rite propinques Augurium, Phrygibusque adsis pede, diva, secundo. 255 Tantum effatus. Et interea revoluta ruebat Matura iam luce dies, noctemque fugarat:
Principio sociis edicit, signa sequantur,
Atque animos aptent armis, pugnæque parent se, Iamque in conspectu Teucros habet et sua castra, Stans celsa in puppi; clipeum quum deinde sinistra Extulit ardentem. Clamorem ad sidera tollunt Dardanidæ e muris; spes addita suscitat iras; Tela manu iaciunt; quales sub nubibus atris Strymoniæ dant signa grues, atque æthera tranant Cum sonitu, fugiuntque Notos clamore secundo.
At Rutulo regi ducibusque ea mira videri Ausoniis; donec versas ad litora puppis Respiciunt, totumque allabia classibus æquor. Ardet apex capiti, cristisque a vertice flamma Funditur, et vastos umbo vomit aureus ignes: Non sequs ac liquida si quando nocte cometæ Sanguinei lugubre rubent, aut Sirius ardor; Ille sitim morbosque ferens mortalibus ægris, Nascitur, et lævo contristat lumine cælum.
Haud tamen audaci Turno fiducia cessit Litora præcipere, et venientis pellere terra, Ultro animos tollit dictis, atque increpat ultro; Quod votis optastis, adest, perfringere dextra. In manibus Mars ipse, viri. Nunc conjugis esto. Quisque sane tectique memor; nunc magna referto Facta, patrum laudes. Ultro occurramus ad undam, Dum trepidi, egressique labant vestigia prima. Audentis fortuna invat.
Hæc ait, et secum versat, quos ducere contra, Vel quibus opsessos possit concredere muros. Interea Æneas socios de puppibus altis Pontibus exponit. Multi servare recursus Languentis pelagi, et brevibus se credere saltu ; Per remos alii. Speculatus litora Tarcho,
Qua vada non spirant, nec fracta remurmurat unda, inoffensum crescenti allabitur æstu,
Sed mare Advertit subito proras, sociosque precatur: Nunc, o lecta manus, validis incumbite remis; Tollite, ferte rates; inimicam findite nostris Hanc terram, sulcumque sibi premat ipsa carina, Frangere nec tali puppim statione recuso; Arrepta tellure semel. Quæ talia postquam Effatus Tarchon, socii consurgere tonsis, Spumantisque rates arvis inferre Latinis, Donec rostra tenent siccam, et sedere carinæ Omnes innocua; sed non puppis tua, Tarcho. Namque inflicta vadis dorso dum pendet iniquo, Anceps sustentata diu, fluctusque fatigat : Solvitur, atque viros mediis exponit in undis; Fragmina remorum quos et fluitantia traustra Impediunt, retrahitque pedem simul unda relabens. Nec Turnum segnis retinet mora; sed rapit acer Totam aciem in Teucros, et contra in litore sistit. Signa canunt. Primus turmas invasit agrestis Eneas, omen pugnæ, stravitque Latinos,
Occiso Therone, virûm qui maximus ultro
Enean petit; huic gladio perque ærea suta,
Per tunicam squalentem auro, latus, haurit apertum,
Inde Lichan ferit, exsectum iam matre peremta,
Et tibi, Phoebe, sacrum, casus evadere ferri Quod licuit parvo. Nec longe, Cissea dutum
« PreviousContinue » |