Diripuere aras; it toto turbida coelo
Tempestas telorum, ac ferreus ingruit imber;
Craterasque focosque ferunt. Fugit ipse Latinus Pulsatos referens infecto foedere divos. Infrenant alii currus, aut corpora saltu
Subjiciunt in equos, et strictis ensibus adsunt.
Messapus regem, regisque insigne gerentem,
Tyrrhenum Aulesten, avidus confundere foedus,
Adverso proterret equo; ruit ille recedens,
Et miser oppositis a tergo involvitur aris
In caput inque humeros. At fervidus advolat hasta
Messapus, teloque orantem multa trabali
Desuper altus equo graviter ferit, atque ita fatur:
'Hoc habet; haec melior magnis data victima divis.'
Concurrunt Itali, spoliantque calentia membra. Obvius ambustum torrem Corynaeus ab ara Corripit, et venienti Ebyso plagamque ferenti Occupat os flammis; olli ingens barba reluxit, Nidoremque ambusta dedit; super ipse secutus Caesariem laeva turbati corripit hostis, Impressoque genu nitens terrae applicat ipsum; Sic rigido latus ense ferit. Podalirius Alsum, Pastorem, primaque acie per tela ruentem, Ense sequens nudo superimminet; ille securi Adversi frontem mediam mentumque reducta Disjicit, et sparso late rigat arma cruore. Olli dura quies oculos et ferreus urguet Somnus; in aeternam clauduntur lumina noctem. At pius Aeneas dextram tendebat inermem Nudato capite, atque suos clamore vocabat: Quo ruitis? quaeve ista repens discordia surgit? O cohibete iras! ictum jam foedus, et omnes Compositae leges; mihi jus concurrere soli; Me sinite, atque auferte metus. Ego foedera faxo Firma manu; Turnum debent haec jam mihi sacra.' Has inter voces, media inter talia verba, Ecce, viro stridens alis allapsa sagitta est,
Incertum, qua pulsa manu, quo turbine adacta, Quis tantam Rutulis laudem, casusne deusne, Attulerit; pressa est insignis gloria facti,
283. lt, &c. Compare
Iron sleet of arrowy shower
Hurtles in the darkened air.'-Gray's Futal Sisters.
-296. Hoc habet, a common gladiatorial phrase, used to express the infliction of a wound.—316. Sinite, x. 15.
Nec sese Aeneae jactavit vulnere quisquam.
Turnus, ut Aenean cedentem ex agmine vidit Turbatosque duces, subita spe fervidus ardet; Poscit equos atque arma simul, saltuque superbus Emicat in currum, et manibus molitur habenas. Multa virum volitans dat fortia corpora leto; Semineces volvit multos, aut agmina curru Proterit, aut raptas fugientibus ingerit hastas. Qualis apud gelidi cum flumina concitus Hebri Sanguineus Mavors clipeo increpat, atque furentis Bella movens immittit equos; illi aequore aperto Ante notos Zephyrumque volant; gemit ultima pulsu Thraca pedum; circumque atrae Formidinis ora, Iraeque, Insidiaeque, dei comitatus, aguntur: Talis equos alacer media inter proelia Turnus Fumantis sudore quatit, miserabile caesis Hostibus insultans; spargit rapida ungula rores Sanguineos, mixtaque cruor calcatur arena.
Jamque neci Sthenelumque dedit Thamyrimque Pho- Jumque,
Hunc congressus et hunc, illum eminus; eminus ambo Imbrasidas, Glaucum atque Laden, quos Imbrasus ipse Nutrierat Lycia, paribusque ornaverat armis,
Vel conferre manum, vel equo praevertere ventos. 345 Parte alia media Eumedes in proelia fertur, Antiqui proles bello praeclara Dolonis,
Nomine avum referens, animo manibusque parentem,
Qui quondam, castra ut Danaum speculator adiret, Ausus Pelidae pretium sibi poscere currus;
Illum Tydides alio pro talibus ausis
Affecit pretio, nec equis adspirat Achillis.
Hunc procul ut campo Turnus prospexit aperto,
Ante levi jaculo longum per inane secutus,
Sistit equos bijugis et curru desilit, atque
Semianimi lapsoque supervenit, et, pede collo Impresso, dextrae mucronem extorquet et alto Fulgentem tinguit jugulo, atque haec insuper addit: 'En, agros, et, quam bello, Trojane, petisti, Hesperiam metire jacens: haec praemia, qui me
331 Hebri. Ecl. x. 64.-335. Thraca, for Thracia; Opákn. — 338. Miserabile. Ecl. iii. 8. 342. Illum, Sthenelus.-344. Lycia, iv. -346, &c. The allusion is here to the narrative of Homer (ll. x. 314, &c.) regarding Dolon, the son of Eumedes, seized in his attempt to spy the Grecian camp, and slain by Diomede, Tydeus son.350. Pelidae, ii. 263. —356. Pronounce sêmyanimi, four syl lables.-360. Hesperiam, i, 530,
Ferro ausi tentare, ferunt; sic moenia condunt.' Huic comytem Asbyten conjecta cuspide mittit, Chloreaque Sybarimque Daretaque Thersilochumque, Et sternacis equi lapsum cervice Thymoeten. Ac velut Edoni Boreae cum spiritus alto Insonat Aegaeo, sequiturque ad litora fluctus, Qua venti incubuere, fugam dant nubila coelo; Sic Turno, quacumque viam secat, agmina cedunt Conversaeque ruunt acies; fert impetus ipsum, Et cristam adverso curru quatit aura volantem. Non tulit instantem Phegeus animisque frementem ; Objecit sese ad currum, et spumantia frenis Ora citatorum dextra detorsit equorum. Dum trahitur pendetque jugis, hunc lata retectum Lancea consequitur, rumpitque infixa bilicem Loricam, et summum degustat vulnere corpus. Ille tamen clipeo objecto conversus in hostem Ibat, et auxilium ducto mucrone petebat: Cum rota praecipitem et procursu concitus axis Impulit effunditque solo, Turnusque secutus Imam inter galeam summi thoracis et oras Abstulit ense caput, truncumque reliquit arenae. Atque ea dum campis victor dat funera Turnus, Interea Aenean Mnestheus et fidus Achates Ascaniusque comes castris statuere cruentum, Alternos longa nitentem cuspide gressus. Saevit, et infracta luctatur arundine telum Eripere, auxilioque viam, quae proxima, poscit: Ense secent lato vulnus, telique latebram Rescindant penitus, seseque in bella remittant.
Jamque aderat Phoebo ante alios delectus Iapis
Iasides, acri quondam cui captus amore Ipse suas artis, sua munera, laetus Apollo Augurium citharamque dabat celerisque sagittas. Ille, ut depositi proferret fata parentis,
363. Chloreaque by the arsis.—365. The Edoni were a people of Thrace. The north wind, which rages in the Archipelago (alta Aegaco), sweeps over Thrace.-378. Ibat, Phegeus was going, when the chariot struck him, impulio, 380.-386. Alternos, a vivid epithet, descriptive of a lame man or weak, for it does not appear where Aeneas was wounded, perhaps in the thigh, or, from 311, in the neck or shoulder-lifting the support each second step. Nitentem gressus seems the accusative of limitation.-394. Dabat, was giving, but did not give, for lapis preferred the art of healing. See a similar use of the imperfect, noted vi. 468.-395. Depositus. A man on the point of death was sometimes laid at his door, that his case might be known to passers-by, and a cure perhaps suggested.
Scire potestates herbarum usumque medendi Maluit et mutas agitare inglorius artis.
Stabat acerba fremens, ingentem nixus in hastam, Aeneas, magno juvenum et moerentis Iuli Concursu, lacrimis immobilis. Ille retorto Paeonium in morem senior succinctus amictu, Multa manu medica Phoebique potentibus herbis Nequidquam trepidat, nequidquam spicula dextra Sollicitat prensatque tenaci forcipe ferrum. Nulla viam Fortuna regit; nihil auctor Apollo Subvenit; et saevus campis magis ac magis horror Crebrescit, propiusque malum est. Jam pulvere coelum Stare vident, subeuntque equites, et spicula castris Densa cadunt mediis. It tristis ad aethera clamor Bellantum juvenum et duro sub Marte cadentum. Hic Venus, indigno nati concussa dolore, Dictamnum genetrix Cretaea carpit ab Ida, Puberibus caulem foliis et flore comantem Purpureo; non illa feris incognita capris Gramina, cum tergo volucres haesere sagittae. Hoc Venus, obscuro faciem circumdata nimbo, Detulit; hoc fusum labris splendentibus amnem Inficit, occulte medicans, spargitque salubris Ambrosiae succos et odoriferam panaceam. Fovit ea vulnus lympha longaevus lapis Ignorans, subitoque omnis de corpore fugit Quippe dolor, omnis stetit imo vulnere sanguis. Jamque secuta manum, nullo cogente, sagitta Excidit, atque novae rediere in pristina vires. 'Arma citi properate viro! quid statis?'-lapis Conclamat, primusque animos accendit in hostem- 'Non haec humanis opibus, non arte magistra Proveniunt, neque te, Aenea, mea dextera servat; Major agit deus atque opera ad majora remittit.' Ille avidus pugnae suras incluserat auro
Hinc atque hinc, oditque moras, hastamque coruscat. Postquam habilis lateri clipeus loricaque tergo est, Ascanium fusis circum complectitur armis, Summaque per galeam delibans oscula fatur: 'Disce, puer, virtutem ex me verumque laborem, Fortunam ex aliis. Nunc te mea dextera bello
398. Acerba. Ecl. iii. 8.401. Paeonium, three syllables after the elision. See at vii. 769.-412. Cretaea Ida. Ecl. vi. 56.417. Labris vasis; amnem, aquam. force-wonderful as it may seem.' 422. Quippe seems to have this Dolor by the arsis.
Defensum dabit, et magna inter praemia ducet. Tu facito, mox cum matura adoleverit aetas, Sis memor, et te animo repetentem exempla tuorum Et pater Aeneas et avunculus excitet Hector.'
Haec ubi dicta dedit, portis sese extulit ingens, Telum immane manu quatiens; simul agmine denso Antheusque Mnestheusque ruunt, omnisque relictis Turba fluit castris. Tum caeco pulvere campus Miscetur, pulsuque pedum tremit excita tellus. Vidit ab adverso venientis aggere Turnus, Videre Ausonii, gelidusque per ima cucurrit Ossa tremor; prima ante omnis Juturna Latinos Audiit agnovitque sonum, et tremefacta refugit. Ille volat, campoque atrum rapit agmen aperto. Qualis ubi ad terras abrupto sidere nimbus It mare per medium; miseris, heu, praescia longe Horrescunt corda agricolis; dabit ille ruinas Arboribus, stragemque satis; ruet omnia late; Ante volant, sonitumque ferunt ad litora venti: Talis in adversos ductor Rhoeteïus hostis Agmen agit; densi cuneis se quisque coactis Agglomerant. Ferit ense gravem Thymbraeus Osirim, Archetium Mnestheus, Epulonem obtruncat Achates, Ufentemque Gyas; cadit ipse Tolumnius augur, Primus in adversos telum qui torserat hostis. Tollitur in coelum clamor, versique vicissim Pulverulenta fuga Rutuli dant terga per agros. Ipse neque aversos dignatur sternere morti, Nec pede congressos aequo nec tela ferentis Insequitur; solum densa in caligine Turnum Vestigat lustrans, solum in certamina poscit.
Hoc concussa metu mentem Juturna virago Aurigam Turni media inter lora Metiscum Excutit, et longe lapsum temone relinquit ;
Ipsa subit, manibusque undantis flectit habenas, Cuncta gerens, vocemque et corpus et arma Metisci. Nigra velut magnas domini cum divitis aedes Pervolat et pennis alta atria lustrat hirundo, Pabula parva legens nidisque loquacibus escas; Et nunc porticibus vacuis, nunc humida circum Stagna sonat: similis medios Juturna per hostis Fertur equis, rapidoque volans obit omnia curru;
410. iii. 343.-443._Antheusque by the arsis.-445. Pulsuque, &c., vii. 722.-454. Ruet, i. 35, ix. 516.-456. Rhoeteïus hostis Aeneas, v. 646.-461. Primus, &c., 258. -464. Ipse Aeneas.
« PreviousContinue » |