Puniceam concussit apex in vertice cristam; At mollis varios intexens pluma colores Marmoreum volucri vestivit tegmine corpus, Lentaque perpetuas fuderunt brachia pennas. Inde alias partes minioque infecta rubenti Crura novam macies obduxit squalida pellem, Et pedibus teneris ungues affixit acutos.
Et tamen hoc demum miserae succurrere pacto · Vix fuerat placida Neptuni coniuge dignum. Nunquam illam posthac oculi videre suorum Purpureas salvo retinentem vertice vittas, Non thalamus Tyrio fragrans accepit amomo, Nullae illam sedes: quid enim cum sedibus illi? Quae simul ut sese cano de gurgite velox Cum sonitu ad coelum stridentibus extulit alis, Et multum late dispersit in aequora rorem; Infelix virgo nequidquam a morte recepta incultum solis in rupibus exigit aevum, Rupibus et scopulis et litoribus desertis.
Nec tamen hoc iterum poena sine: namque deûm rex, [Omnia qui imperio terrarum millia versat,] Commotus talem ad superos volitare puellam, Cum pater exstinctus caeca sub nocte lateret, Illi pro pietate sua - nam saepe nitentum Sanguine taurorum supplex resperserat aras, Saepe deûm largo decorarat munere sedes Reddidit optatam mutato corpore vitam, Fecitque in terris Haliaeëtus ales ut esset:
Quippe aquilis semper gaudet deus ille coruscus.
Huic vero miserae, quoniam damnata deorum
Iudicio patriaeque et coniugis ante fuisset,
Infesti apposuit odium crudele parentis.
Namque, ut in aetherio signorum munere praestans,
Unum quem duplici stellarum sidere vidi,
Scorpius alternis clarum fugat Oriona;
Sic inter sese tristes Haliaeetus iras
Et Ciris memori servant ad secula fato.
Quacumque illa levem fugiens secat aëra pennis,
Ecce inimicus atrox magno stridore per auras Insequitur Nisus; qua se fert Nisus ad auras, Illa levem fugiens raptim secat aëra pennis.
Delia, Tucca, tibi venit; sed saepe videre Non licet: occulitur limine clausa viri.
Delia saepe tibi, non venit adhuc mihi: namque Si occulitur, longe est, tangere quod nequeas. Venerit illa tibi! Sed iam iam mihi nuntius iste Quid prodest? illi dicito, quae rediit!
IN C. ANNIUM CIMBRUM RHETOREM. Corinthiorum amator iste verborum, Thucydides Britannus, Attice febris, Tau Gallicum, min, al, sil ut male elisit, Ita omnia ista verba miscuit fratri.
Socer, beate nec tibi nec alteri, Generque Noctuine, putidum caput, Tuone nunc puella talis, heu tuo Stupore pressa rus abibit? Hei mihi! Ut ille versus usquequaque pertinet: Gener socerque, perdidistis omnia.
Superbe Noctuine, putidum caput, Datur tibi puella, quam petis, datur:
Datur, superbe Noctuine, quam petis. Sed, o superbe Noctuine, non vides Duas habere filias Atilium,
Duas, et hanc et alteram, tibi dari. Adeste nunc, adeste: ducit, ut decet, Superbus, ecce, Noctuinus herneam. Thalassio! Thalassio! Thalassio!
Iacere me, quod alta non possum, putas, Ut ante, vectari freta,
Nec ferre durum frigus aut aestum pati, Neque arma victoris sequi.
Valent, valent mihi ira et antiquus furor, Et lingua, qua adsiem tibi,
Et prostitutae turpe contubernium Sororis. O quid me incitas?
Quid, impudice et improbande Caesari? Sed furta dicantur tua,
Et heluato sera patrimonio
In fratre parsimonia,
Prensis videbo altaribus,
Flavumque propter Thybrim olentes nauticum
Vocare, ubi appulsae rates
Stant in vadis coeno retentae sordido
Macraque luctantes aqua;
Neque in culinam et uncta compitalia
Dapesque duces sordidas,
Quibus repletus, ut salivosis aquis, Obesam ad uxorem redis,
Et aestuantes nocte solvis pantices, Olusque lambis saviis.
Nunc laede, nunc lacesse, si quidquam vales!
Et nomen adscribo tuum.
Cinaede Luci, an te reliquerunt opes,
Fameque genuini crepant?
Videbo habentem praeter ignavos nihil Fratres et iratum Iovem,
Scissumque ventrem, et herniosi patrui Pedes inedia turgidos.
Si mihi susceptum fuerit decurrere munus, Ò Paphon, o sedes quae colis Idalias, Troïus Aeneas Romana per oppida digno
Iam tandem ut tecum carniine vectus eat: Non ego ture modo aut picta tua templa tabella Ornabo, et puris serta feram manibus; Corniger hos aries humilis et maxima taurus Victima sacratos tinguet honore focos, Marmoreusque tibi, dea, versicoloribus alis In morem picta stabit Amor pharetra. Adsis, o Cytherea: tuus te Caesar Olympo Et Surrentini litoris ora vocat.
RELICTIS ALIIS STUDIIS PHILOSOPHIAM EPICUREAM
Ite hinc, inanes, ite, rhetorum ampullae, Inflata rore non Achaico verba;
Et vos, Sile Albuti, Arquitique, Varroque, Scholasticorum natio madens pingui, Ite hinc, inanis cymbalon iuventutis. Tuque, o mearum cura, Sexte, curarum,
Vale, Sabine; iam valete, formosi. Nos ad beatos vela mittimus portus, Magni petentes docta dicta Syronis, Vitamque ab omni vindicabimus cura.
Ite hinc, Camenae, vos quoque limite saevae, Dulces Camenae: nam fatebimur verum, Dulces fuistis. Et tamen meas chartas Revisitote, sed pudenter et raro.
DE SABINO PARODIA CATULLIANA.
Sabinus ille, quem videtis, hospites, Ait fuisse mulio celerrimus, Neque ullius volantis impetum cisî Nequisse praeterire, sive Mantuam Opus foret volare, sive Brixiam. Et hoc negat Tryphonis aemuli domum Negare nobilem, insulamve Caeruli, Ubi iste, post Sabinus, ante Quinctio Bidente dicit attotonse forcipe Comata colla, ne qua sordidum, iugo Premente, dura vulnus ederet iuba. Cremona frigida et lutosa Gallia, Tibi haec fuisse et esse cognitissima Ait Sabinus; ultima ex origine Tua stetisse dicit in voragine, Tua in palude deposisse sarcinas, Et inde tot per orbitosa millia Iugum tulisse, laeva sive dextera Strigare mula sive utrimque coeperat
Neque ulla vota semitalibus deis Sibi esse facta, praeter hoc novissimum, Paterna lora proximumque pectinem. Sed haec prius fuere; nunc eburnea Sedetque sede, seque dedicat tibi, Gemelle Castor, et Gemelle Castoris.
« PreviousContinue » |