PUBLII 1836. VIRGILII MARONIS OPERA NOTIS EX EDITIONE HEYNIANA EXCERPTIS ILLUSTRATA. INDSO ACCEDIT INDEX MAITTAIRIANUS. OXONII, TYPIS HENRICI COOKE, IMPENSIS J. VINCENT. M DCCC XXX. MONITUM. QUID in hac Cl. Heynii operis abbreviatione præstitum sit paucis exponere liceat.-Eorum qui antehac munus illud obire conati sunt videtur hoc fuisse commune vitium, ut, nimio forte brevitatis studio, notarum multas quæ ad poetæ sensum illustrandum sunt perutiles deleverint, dum non paucas minoris pretii retinuerint: adde quod plurima naturæ reconditioris loca, quæ interpreti docto visum est fusius tractare in Excursibus, his omissis, inexplicata et prorsus intacta prætermittuntur. In hac editione notarum quamplurimæ ex majore opere revocantur; et quædam Wunderlichii, Amari, aliorumque adjiciuntur ad Heynii mentem suffectæ. Excursibus perlectis, seliguntur loca multa, eruditione eximia instructa, et ad obscuriora illustrandum accommodata, præcipue quæ ad rem mythologicam, chorographicam, et criticam spectant; ac, vel transcripta vel in breve redacta, inter notas sua in sede collocantur. In contextu orthographia Heinsiana, ex scriptura codicis Medicei petita, sed minus Heynio probata, et in notis ab eo immutata, ad rationem solennem et nobis usitatam plerumque redigitur. Asterisco notantur versus omnes qui mendo vel mendi suspicione laborant; et. eorum unicuique sunt suffixæ rationes quare adulterinus aut supposititius habeatur. Notæ, neque hoc nihili est ducendum, ita paragraphis modicis sunt dispositæ, ut uniuscujusque versus interpretationem facile assequatur oculus legentis. Denique, in votis fuit, quantum pro arctis limitibus fieri potuit, omnia quibus lectorum commodo consuli posse visum est congerere atque dilucide ordinare; et omnino sperare licet hunc in tenui laborem, utcunque parum laudis editori, Virgilii studiosis, qui volumen hoc inspicere dignentur, utilitatis non parum esse allaturum. Oxonii, Cal. Feb. MDCCCXXX. VIRGILII VITA. ANNO U. C. 684. ANTE Christum natum 70, Id. Octobr. Virgilius Andi bus, agri Mantuani vico, nascitur. 689. Q. Horatius nascitur. 691. C. Octavius nascitur. 705. Catullus obiit. Tibullus nascitur. 710. Ante C. N. 44, Id. Martiis Julius Cæsar occiditur. C. Octavius, Cæsaris hæres institutus, Apollonia Romam rediit. 711. Ludi in Julii Cæsaris honorem habiti: vid. Ecl. ix, 47. Ovidius et Propertius nascuntur. Bellum Mutinense. V Cal. Decemb. M. Lepidus, M. Antonius, et C. Cæsar V Id. Decemb. Cicero occiditur, annos 64 natus. Asinius Pollio Galliæ Cisalpina (adeoque agro Mantuano) ab Antonio præfectus est. 712. Cal. Januar. D. Julii Cæsaris àπоléwσis solenniter instituta est; a quo tempore Octavianus Divi Filius dictus: vid. Æn. vi, 793. Anno fere exeunte, pugnatur ad Philippos. Cæsare in Italiam redeunte, agrorum municipalium inter veteranos distributio facta est: unde ingentes per Italiam turbæ. Calamitas ista etiam ad Mantuanos et Virgilium pervenit. Sequente anno Virgilius Romam profectus est, et Cæsari commendatus, agros suos recepit: vid. Ecl. i et ix. 714. Pollione Consule, Cæsar Scriboniam uxorem duxit; et |