Panditur interea domus omnipotentis Olympi, Conciliumque vocat divom pater atque hominum rex Sideream in sedem, terras unde arduus omnis Castraque Dardanidum adspectat populosque Latinos. 5 Considunt tectis bipatentibus; incipit ipse: Caelicolae magni, quianam sententia vobis Versa retro, tantumque animis certatis iniquis? Abnueram bello Italiam concurrere Teucris. Quae contra vetitum discordia? quis metus aut hos 10 Aut hos arma sequi ferrumque lacessere suasit? Adveniet iustum pugnae, ne arcessite, tempus, Cum fera Karthago Romanis arcibus olim Exitium magnum atque Alpes inmittet apertas: Tum certare odiis, tum res rapuisse licebit. 15 Nunc sinite; et placitum laeti conponite foedus.
Iuppiter haec paucis; at non Venus aurea contra Pauca refert:
O Pater, o hominum rerumque aeterna potestas! Namque aliud quid sit, quod iam inplorare queamus? 20 Cernis, ut insultent Rutuli, Turnusque feratur
Per medios insignis equis tumidusque secundo Marte ruat? Non clausa tegunt iam moenia Teucros: Quin intra portas atque ipsis proelia miscent Aggeribus moerorum, et inundant sanguine fossae. 25 Aeneas ignarus abest. Numquamne levari Obsidione sines? muris iterum imminet hostis Nascentis Troiae, nec non exercitus alter;
Lib. X. 1. omnipot. Aeschyl. Prom. 397. de Iove: „ἦ τῷ νέον θακοῦντι παγκρατείς ἕδρας;“
4. Dard., v. II, 242. 5. bipat., fores binarum valvarum habentibus, cf. II, 330. Ovid. Met. II, 4. — 13. Alp. i. ap., exercitum immittet per Alpes apertas venientem. 14. ut res repetere, id quod faciebant Fetiales, Virgilii aetate omnino significat postulare, ut satisfiat populo iniuria aliqua ab exteris affecto, ita res rapere h. 1. nihil aliud esse videtur, quam bello lacessere alterum.
15, sinite, date, Aesch. Prom. 340.: „καὶ νῦν ἔασον μηδέ σοι μελησάτω. Plaut. Cas. III, 2, 14. „Vin' vocem? CL. Sine; nolo, si occupata est." et plac. l. c. f., laeti (libenter) ad concordiam consentite; nam placita dicuntur, in quae consensimus. 18. potest., similiter Iuven. X, 100.:,,Fidena rum Gabiorumque esse potestas." Ceterum cf. XII, 829. 24. Agg. m., cf. IX, 769. Alii fossas, cf. XI, 382. 26. hostis, Turnum puta. 28. cf. VIII, 9.; metuit hoc
Atque iterum in Teucros Aetolis surgit ab Arpis Tydides. Equidem credo, mea volnera restant, 30 Et tua progenies mortalia demoror arma!
Si sine pace tua atque invito numine Troes Italiam petiere: luant peccata, neque illos Iuveris auxilio; sin tot responsa secuti,
Quae Superi Manesque dabant: cur nunc tua quisquam 35 Vertere iussa potest? aut cur nova condere fata? Quid repetam exustas Erycino in litore classis? Quid tempestatum regem, ventosque furentis
Aeolia excitos? aut actam nubibus Irim?
haec intemptata manebat 40 Sors rerum movet, et superis inmissa repente Allecto, medias Italum bacchata per urbes. Nil super inperio moveor; speravimus ista, Dum fortuna fuit; vincant, quos vincere mavis. Si nulla est regio, Teucris quam det tua coniunx 45 Dura, per eversae, genitor, fumantia Troiae Excidia obtestor: liceat dimittere ab armis Incolumem Ascanium, liceat superesse nepotem. Aeneas sane ignotis iactetur in undis,
Et, quamcumque viam dederit Fortuna, sequatur: 50 Hunc tegere et dirae valeam subducere pugnae. Est Amathus, est celsa Paphus atque alta Cythera, Idaliaeque domus: positis inglorius armis
Exigat hic aevum. Magna dicione iubeto Karthago premat Ausoniam; nihil urbibus inde 55 Obstabit Tyriis. Quid pestem evadere belli luvit et Argolicos medium fugisse per ignis, Totque maris vastaeque exhausta pericula terrae, Dum Latium Teucri recidivaque Pergama quaerunt? Non satius, cineres patriae insedisse supremos 60 Atque solum, quo Troia fuit? Xanthum et Simoenta Redde, oro, miseris, iterumque revolvere casus Da, pater, Iliacos Teucris. Tum regia Iuno Acta furore gravi: Quid me alta silentia cogis
Rumpere et obductum verbis volgare dolorem? 65 Aenean hominum quisquam divomque subegit Bella sequi, aut hostem regi se inferre Latino? Italiam petiit fatis auctoribus; esto;
Cassandrae inpulsus furiis: num linquere castra Hortati sumus, aut vitam committere ventis? 70 Num puero summam belli, num credere muros? Tyrrhenamque fidem aut gentis agitare quietas? Quis deus in fraudem, quae dura potentia nostri Egit? ubi hic Iuno, demissave nubibus Iris? Indignum est Italos Troiam circumdare flammis 75 Nascentem, et patria Turnum consistere terra, Cui Pilumnus avus, cui diva Venilia mater: Quid, face Troianos atra vim ferre Latinis, Arva aliena iugo premere atque avertere praedas? Quid, soceros legere et gremiis abducere pactas, 80 Pacem orare manu, praefigere puppibus arma? Tu potes Aenean manibus subducere Graium, Proque viro nebulam et ventos obtendere inanis, Et potes in totidem classem convertere Nymphas : Nos aliquid Rutulos contra iuvisse nefandum est? 85 Aeneas ignarus abest: ignarus et absit:
Est Paphus, Idaliumque tibi, sunt alta Cythera. Quid gravidam bellis urbem et corda aspera temptas? Nosne tibi fluxas Phrygiae res vertere fundo Conamur? nos? an miseros qui Troas Achivis 90 Obiecit? Quae caussa fuit, consurgere in arma Europamque Asiamque, et foedera solvere furto? Me duce Dardanius Spartam expugnavit adulter, Aut ego tela dedi, fovive Cupidine bella?
stitueretur Ilium, denuo bellum Tro- ianis inferrent Graeci. 68. cf. III, 183. 69. ventis, dum in sqq. Tiberi navigans ad Euandrum pro- ficiscitur. 71. Tyrrh. fidem agi- tare, sollicitando ad societatem in- eundam perpellere Tyrrhenos. 72. fraudem, malum. 76. avus, verius abavus, cf. vs. 619. 77. Quid est? minusne indignum est? Invidiose autem Troianis exprobrat Iuno, quae fieri solent in bello, etsi non fuerant facta. 78. Arva a. i. pr., videtur ad XII, 157. respici ritusque ille signi- ficari, quo locum urbi conden- dae capiebant designabantque. - 79. soceros, v. II, 457. pactas
aliis scilicet, puta Laviniam, v. E. IV, 49. 80. Pac. or. m., prae- tentis manu ramis vittatis sollemni more pacem orare, cf. VII, 154. 237. praef. p. a., v. I, 119.; spectant haec ad iter ad Euandrum cum armatis factum, quae res non pacis erat, sed belli signum. - 81. cf. Hom. II. V, 315. sqq. 82. inan., v. G. IV, 196. 87. gravidam b., fecundam bellis, promptam ad bella. 88. vert. fundo, funditus ever- tere. 89. qui oblique significat ipsam Venerem. 91. furto, pro- pter furtivum raptum Helenae. 92. Sp. exp., mulieris Spartanae pudicitiam expugnavit; cf. Cic. pr. Coel. c. 20. 93. fov. Cup. b.,
Tum decuit metuisse tuis; nunc sera querelis 95 Haud iustis adsurgis, et inrita iurgia iactas. Talibus orabat Iuno, cunctique fremebant Caelicolae adsensu vario; ceu flamina prima Cum deprensa fremunt silvis, et caeca volutant Murmura, venturos nautis prodentia ventos. 100 Tum Pater omnipotens, rerum cui prima potestas, Infit; eo dicente deum domus alta silescit,
Et tremefacta solo tellus; silet arduus aether; Tum Zephyri posuere; premit placida aequora pontus. Accipite ergo animis atque haec mea figite dicta. 105 Quandoquidem Ausonios coniungi foedere Teucris Haud licitum, nec vestra capit discordia finem: Quae cuique est fortuna hodie, quam quisque secat spem, Tros Rutulusne fuat, nullo discrimine habebo, Seu fatis Italum castra obsidione tenentur, 110 Sive errore malo Troiae monitisque sinistris. Nec Rutulos solvo. Sua cuique exorsa laborem Fortunamque ferent. Rex Iuppiter omnibus idem. Fata viam invenient. Stygii per flumina fratris, Per pice torrentis atraque voragine ripas 115 Adnuit, et totum nutu tremefecit Olympum. Hic finis fandi. Solio tum Iuppiter aureo Surgit, caelicolae medium quem ad limina ducunt.
Interea Rutuli portis circum omnibus instant Sternere caede viros, et moenia cingere flammis. 120 At legio Aeneadum vallis obsessa tenetur, Nec spes ulla fugae. Miseri stant turribus altis Nequiquam, et rara muros cinxere corona: Asius Imbrasides Hicetaoniusque Thymoetes Assaracique duo et senior cum Castore Thymbris, 125 Prima acies; hos germani Sarpedonis ambo, Et Clarus et Themon, Lycia comitantur ab alta.
feci, ut traheretur bellum per Cu- pidinem, Paride scilicet Helenam reddere nolente. 95. surgis ad querelas iactandas. 100. prima, alii summa. 102. solum terrae est, in quo insistimus; h. 1. in quo insistit mons Olympus. 103. pos., v. VII, 27. 107. sq. Quae cuique hodie spes est aut fortuna, non in- tercedam (nihil curans, Tros sit an Italus), quin ea utatur. spem se- care simili modo dicitur, quo viam secare VI, 899., i. e. viam sectam sequi; ergo spem secare, viam quan- dam a spe ostensam persequi.
108. Alii Rutulusve. 109. Sive Troianis (vs. 109. 110.) adversa sunt fata, sive (vs. 111.) Rutulis. S. f. It., seu fato Italis propitio. 110. sive quia Troiani oracula male interpretati aut falsis vaticiniis de- cepti sunt. 111. Nec R. s., nec Rutulos libero hac condicione, ut, quidquid fata decreverint, id iis eveniat. labor. Fort., vel cladem vel victoriam v. G. I, 419. 112. omn. idem, aequus omnibus. 113. sq. cf. Hesiod. Theog. 400. 783-804. 119. m. c. fl., undique immittere ignes. 125. Pr. ac.: erant illi e
Fert ingens toto connixus corpore saxum, Haud partem exiguam montis, Lyrnesius Acmon, Nec Clytio genitore minor, nec fratre Menestheo. 130 Hi iaculis, illi certant defendere saxis,
Molirique ignem, nervoque aptare sagittas. Ipse inter medios, Veneris iustissima cura, Dardanius caput, ecce, puer detectus honestum, Qualis gemma, micat, fulvum quae dividit aurum, 135 Aut collo decus aut capiti; vel quale per artem Inclusum buxo aut Oricia terebintho
Lucet ebur; fusos cervix cui lactea crinis Accipit et molli subnectens circulus auro.
Te quoque magnanimae viderunt, Ismare, gentes 140 Volnera dirigere, et calamos armare veneno, Maeonia generose domo, ubi pinguia culta Exercentque viri, Pactolosque inrigat auro. Adfuit et Mnestheus, quem pulsi pristina Turni Aggere moerorum sublimem gloria tollit, 145 Et Capys: hinc nomen Campanae ducitur urbi. Illi inter sese duri certamina belli
Contulerant: media Aeneas freta nocte secabat. Namque, ut ab Euandro castris ingressus Etruscis, Regem adit, et regi memorat nomenque genusque ; 150 Quidve petat, quidve ipse ferat; Mezentius arma Quae sibi conciliet, violentaque pectora Turni Edocet; humanis quae sit fiducia rebus,
Admonet, inmiscetque preces. Haud fit mora; Tarchon Iungit opes, foedusque ferit; tum libera fati 155 Classem conscendit iussis gens Lydia divom, Externo commissa duci. Aeneia puppis
Prima tenet, rostro Phrygios subiuncta leones;
principibus. 131. que, V. I, 701. ignibus missilibus utebantur et in acie (ut ap. Sil. IX, 335. 577.) et in vallo (ut Saguntini ap. Liv. XXI, 8.) constituti. 133. hon., v. G. II, 392. 136. v. E. II, 24. Oricus, oppidum Epiri; gignitur ibi terebinthus nigrum lignum habens.
138. molli, tenui, cf. vs. 818. 139. magn. gentes, Lydos intelliges; dictum hoc, ut usɣávuo Αχαιοί apud Homerum. 141. M. g. d., orte ex nobili genere in Lydia; et v. IV, 36. 142. Pact., fluvius aurifer Lydiae. 145. Camp. u., Kaлón, Capuae. 148. cf. VIII, 603. sqq. 150. Quidve
quidve libri manuscripti omnes cum Servio et Carisio; ex grammatica ratione scriptum oportebat Quidque quidque. Sed videtur poeta ita locutus interrogantis ratione habita; Tarchonti enim ex more quaerenti ex Aenea, quis vocetur, qui sit, quidve petat feratve, memorat ea Aeneas. quid ferat, quas opes habeat. Mez., cf. VIII, 493. sq. VII, 647. sqq. 152. admonet fieri posse, ut Mezentius exsul in regnum redeat. 154. ut voti liber is dicitur, qui solvit votum, sic liber fati, qui fecit, quod voluit fatum; cf. VIII, 499. sqq. 156. v. E. X, 13. 156-158. pup
« PreviousContinue » |