Arma deosque parant comites, pelagoque remenso Inprovisi aderunt. Ita digerit omina Calchas. Hanc pro Palladio moniti, pro numine laeso Effigiem statuere, nefas quae triste piaret. 185 Hanc tamen inmensam Calchas attollere molem Roboribus textis caeloque educere iussit, Ne recipi portis, aut duci in moenia possit, Neu populum antiqua sub religione tueri. Nam si vestra manus violasset dona Minervae, 190 Tum magnum exitium quod di prius omen in ipsum Convertant! Priami inperio Phrygibusque futurum; Sin manibus vestris vestram ascendisset in urbem, Ultro Asiam magno Pelopea ad moenia bello Venturam, et nostros ea fata manere nepotes. Talibus insidiis periurique arte Sinonis Credita res, captique dolis lacrimisque coactis, Quos neque Tydides, nec Larissaeus Achilles, Non anni domuere decem, non mille carinae.
Hic aliud maius miseris multoque tremendum 200 Obiicitur magis, atque inprovida pectora turbat. Laocoon, ductus Neptuno sorte sacerdos,
Sollemnis taurum ingentem mactabat ad aras. Ecce autem gemini a Tenedo tranquilla per alta Horresco referens inmensis orbibus angues 205 Incumbunt pelago, pariterque ad litora tendunt; Pectora quorum inter fluctus arrecta iubaeque Sanguineae superant undas; pars cetera pontum Pone legit sinuatque inmensa volumine terga. Fit sonitus spumante salo; iamque arva tenebant, 210 Ardentisque oculos suffecti sanguine et igni, Sibila lambebant linguis vibrantibus ora.
apud ipsum Ciceronem. 182. digerit, disponit, ordinat, nempe dicens, quo quidque ordine secundum illud omen, sive ostentum vs. 172. sqq. commemoratum, faciendum sit: primum esse in Graeciam redeundum ibique hoc omen procurandum, tum, reconciliata deorum voluntate, ad Troiam revertendum. 183. pro Palladio, loco Palladii in insulam Tenedon avecti. moniti, a quo? cf. vs. 185. 186. caelo, ad caelum, v. E. II, 30.; i. e. tantam facere, ut caelum tangere videretur. 188. sub r., quasi subiectum i. e. deditum religioni populum; ne effigies illa eādēm (antiqua) religione,
Diffugimus visu exsangues. Illi agmine certo Laocoonta petunt; et primum parva duorum Corpora natorum serpens amplexus uterque 215 Inplicat et miseros morsu depascitur artus; Post ipsum, auxilio subeuntem ac tela ferentem, Corripiunt, spirisque ligant ingentibus; et iam Bis medium amplexi, bis collo squamea circum Terga dati, superant capite et cervicibus altis. 220 Ille simul manibus tendit divellere nodos, Perfusus sanie vittas atroque veneno,
Clamores simul horrendos ad sidera tollit: Qualis mugitus, fugit cum saucius aram Taurus et incertam excussit cervice securim. 225 At gemini lapsu delubra ad summa dracones Effugiunt saevaeque petunt Tritonidis arcem, Sub pedibusque deae clipeique sub orbe teguntur. Tum vero tremefacta novus per pectora cunctis Insinuat pavor, et scelus expendisse merentem 230 Laocoonta ferunt, sacrum qui cuspide robur Laeserit et tergo sceleratam intorserit hastam. Ducendum ad sedes simulacrum orandaque divae Numina conclamant.
Dividimus muros et moenia pandimus urbis. 235 Accingunt omnes operi, pedibusque rotarum Subiiciunt lapsus, et stuppea vincula collo Intendunt. Scandit fatalis machina muros, Feta armis. Pueri circum innuptaeque puellae Sacra canunt, funemque manu contingere gaudent. 240 Illa subit, mediae que minans inlabitur urbi.
O patria, o divom domus Ilium, et incluta bello Moenia Dardanidum! quater ipso in limine portae Substitit, atque utero sonitum quater arma dedere; Instamus tamen inmemores caecique furore, 245 Et monstrum infelix sacrata sistimus arce.
212. agmine, intellige spiras ac vo- lumina longumque eorum tractum; cf. V, 90. 223. Qualis, i. e. qua- les, sc. tollit, quod ex superiore versu repetendum. Ceterum v. G. III, 387. 225. summa, in arce posita, Hom. II. VI, 297. 227. Necesse est, diversum hoc fuisse signum Minervae a Palladio supra commemorato. 229. v. G. I, 163. scelus, poenam sceleris; cf. VII, 307. 596. 232. sedes divae s. deae. 234. moenia urbis, urbs
ipsa cum aedificiis; cf. IX, 196. 235. Accing., v. G. I, 163. 236. rotar. lapsus, rotas labentes, i. e. se circumvolventes. 237. Int., v. G. IV, 400. 239. Sacra, s. car- mina, hymnos. - 242. Dardanidum, Dardanidarum, ut Romulidum, Tro- iugenum, Caelicolum, Ausonidum.
in lim. subst., ominosum hoc; Tibull. I, 3, 20.:,,O quoties ingressus iter mihi tristia dixi Offensum in porta signa dedisse pedem." 244. inmemores, non cogitantes, quid
Tunc etiam fatis aperit Cassandra futuris Ora, dei iussu non umquam credita Teucris. Nos delubra deum miseri, quibus ultimus esset Ille dies, festa velamus fronde per urbem. 250 Vertitur interea caelum et ruit oceano Nox, Involvens umbra magna terramque polumque Myrmidonumque dolos; fusi per moenia Teucri Conticuere; sopor fessos conplectitur artus: Et iam Argiva phalanx instructis navibus ibat 255 A Tenedo, tacitae per amica silentia lunae Litora nota petens, flammas cum regia puppis Extulerat; fatisque deum defensus iniquis, Inclusos utero Danaos et pinea furtim
Laxat claustra Sinon. Illos patefactus ad auras 260 Reddit equus, laetique cavo se robore promunt Thessandrus Sthenelusque duces et dirus Ulixes, Demissum lapsi per funem, Acamasque, Thoasque, Pelidesque Neoptolemus, primusque Machaon, Et Menelaus, et ipse doli fabricator Epeos. 265 Invadunt urbem somno vinoque sepultam; Caeduntur vigiles, portisque patentibus omnis Accipiunt socios atque agmina conscia iungunt.
Tempus erat, quo prima quies mortalibus aegris Incipit et dono divom gratissima serpit.
270 In somnis, ecce, ante oculos maestissimus Hector Visus adesse mihi, largosque effundere fletus, Raptatus bigis, ut quondam, aterque cruento Pulvere, perque pedes traiectus lora tumentis. Hei mihi, qualis erat! quantum mutatus ab illo 275 Hectore, qui redit exuvias indutus Achilli,
Vel Danaum Phrygios iaculatus puppibus ignis! Squalentem barbam et concretos sanguine crinis Volneraque illa gerens, quae circum plurima muros Accepit patrios. Ultro flens ipse videbar
280 Compellare virum et maestas expromere voces:
haec significent. 246. fatis, Sc. canendis; est Casus tertius. 247. Apollo Cassandrae artem vaticinandi tribuerat, sed ita, ut nemo ei cre- deret. 250. Vertitur, v. VIII, 280. ruit, ut VI, 539. VIII, 369., proruit, surgit; Ovid. Met. IV, 92.: ,,aquis Nox surgit ab isdem.“ 251. v. I, 225. 256. Fax e nave prae- toria sublata erat signum profectio- nis. 259. Laxat claustra et Da- naos; zeugma, v. I, 426; claustro
laxato emittit Danaos. 263. pri- mus, qui primus aut inter primos egressus est. 267. agm. iung., sibi adiungunt; diversum est, quod legitur infra IV, 142. 268. m. aegr., daloto Bootoìow Hom. 272. qualis fuerat quondam, cum raptatus erat. 273. v. E. III, 106. 274. Alii Heu. - 275. redit, v. 1, 99. exuv. Ach., arma Achillea Patroclo detracta. 276. v. E. II, 30. Hom. II. XVI, 122.
O lux Dardaniae, spes o fidissima Teucrum, Quae tantae tenuere morae? quibus Hector ab oris Exspectate venis? ut te post multa tuorum
Funera, post varios hominumque urbisque labores 285 Defessi aspicimus! quae caussa indigna serenos Foedavit voltus? aut cur haec volnera cerno? Ille nihil, nec me quaerentem vana moratur, Sed graviter gemitus imo de pectore ducens, Heu fuge, nate dea, teque his, ait, eripe flammis. 290 Hostis habet muros; ruit alto a culmine Troia.
Sat patriae Priamoque datum: si Pergama dextra Defendi possent, etiam hac defensa fuissent. Sacra suosque tibi commendat Troia Penatis ; Hos cape fatorum comites, his moenia quaere, 295 Magna pererrato statues quae denique ponto. Sic ait, et manibus vittas Vestamque potentem Aeternumque adytis effert penetralibus ignem.
Diverso interea miscentur moenia luctu,
Et magis atque magis, quamquam secreta parentis 300 Anchisae domus arboribusque obtecta recessit, Clarescunt sonitus, armorumque ingruit horror. Excutior somno, et summi fastigia tecti
Ascensu supero, atque arrectis auribus adsto: In segetem veluti cum flamma furentibus austris 305 Incidit, aut rapidus montano flumine torrens Sternit agros, sternit sata laeta boumque labores, Praecipitisque trahit silvas; stupet inscius alto Accipiens sonitum saxi de vertice pastor.
Tum vero manifesta fides, Danaumque patescunt 310 Insidiae. Iam Deiphobi dedit ampla ruinam Volcano superante domus, iam proxumus ardet Ucalegon; Sigea igni freta lata relucent. Exoritur clamorque virum clangorque tubarum. Arma amens capio; nec sat rationis in armis; 315 Sed glomerare manum bello et concurrere in arcem
sq. 278. iunge circum muros; cf. vs. 598. sq. 283. iunge ut (quam) defessi. 290. cf. Hom. II. XIII. 772. sq. 292. hac, mea, ut VIII, 570. IX, 205. 293. Penates publicos intellige, deos patrios; et v. vs. 320. 296. vittas Vestamq., i. e. V. vittatam, v. G. I, 173. 304. sqq. cf. Hom. II. II, 455. sq. IV, 452. sqq. V, 87. sqq. Rei magnitudine et atrocitate ita abri-
Cum sociis ardent animi; furor iraque mentem Praecipitant, pulchrumque mori succurrit in armis. Ecce autem telis Panthus elapsus Achivom, Panthus Othryades, arcis Phoebique sacerdos, 320 Sacra manu victosque deos parvumque nepotem Ipse trahit, cursuque amens ad limina tendit. Quo res summa loco, Panthu? quam prendimus arcem? Vix ea fatus eram, gemitu cum talia reddit: Venit summa dies et ineluctabile tempus
325 Dardaniae. Fuimus Troes, fuit Ilium, et ingens Gloria Teucrorum; ferus omnia Iuppiter Argos Transtulit; incensa Danai dominantur in urbe. Arduus armatos mediis in moenibus adstans Fundit equus, victorque Sinon incendia miscet 330 Insultans. Portis alii bipatentibus adsunt, Milia quot magnis umquam venere Mycenis; Obsedere alii telis angusta viarum
Oppositi; stat ferri acies mucrone corusco Stricta, parata neci; vix primi proelia temptant 335 Portarum vigiles, et caeco Marte resistunt. Talibus Othryadae dictis et numine divom
consilium indicans, i. q. ad pugnam; cf. VI, 599. — 317. succurrit, subit animum, pulchrum, tò ɛivai naλóv, cogitatio decorum esse mori pugnantem. 318. Panth., Пávoos, Πάνθους. 319. arcis Phoebiq., Apollinis, cuius templum erat in arce; cf. VII, 219. et XI, 477. 320. Sacra quae sint, explicat poeta ipse verbis subiectis victos deos, i. e. simulacrum Apollinis, v. E. IV, 49., quod ab illo effertur, ne captivum in manus hostium veniat; v. vs. 351. Ceterum iunge ipse manu, ut G. III, 395. A. III, 372. VII, 143. 321. limina Aeneae. 322. Est haec oratio gravissime dolentis planeque desperantis. Quo loco est, quo redacta, res summa, respublica et imperium Troianorum. Quam pr. arcem? in eiusmodi interrogatione pronomen relativum non spectat ad eligendi inter plura facultatem: hanc? an illam? an tertiam aliquam? sed significat, rem eam, cui est adiunctum, aut nihil valere, ut G. IV, 505.: Quo fletu Manes, qua numina voce moveret?" A. IX, 399.:,,Quid faciat? qua vi iuvenem, quibus audeat armis
Eripere?" aut alienam esse a consilio, oratione, cet., ut apud Cic. de Rep. I, 36.:,,Imitabor ergo Aratum, qui, magnis de rebus dicere exordiens, ab Iove incipiendum putat. L. Quo love? aut quid habet illius carminis simile haec oratio?" aut non esse vel in nostra potestate esse desisse, ut h. 1. quam prend. arcem? amissa est scilicet una illa arx, Pergamum, quam habuimus. 323. gemitu, gemens, cum gemitu, cf. III, 664. voce X, 193. clamore I, 519. VIII, 216. XI, 609. tonitru VIII, 391. 324. inel. t. Eurip. Alcest. 892.: τύχη, τύχη δυσπάλαιστος ἥκει.“ 326. Argivis victoriam et rerum summam concessit.
329. miscet, passim facit incendia. 330. sqq. Alii per portas apertis geminis foribus patentes intrant urbem, tanto quidem numero, ut vix plures prima profectione e Graecia exisse putes; alii, qui iam advenerunt, vias obsident. 334. primi, quippe in primo urbis introitu constituti; cf. vs. 613. 335. caeco M., nocturno proelio, quo cerni ac discerni hostis nequit, 336. num. div., tamquam a deo
« PreviousContinue » |