mnm PRÆMONITIO NOVI EDITORIS AD LECTOREM BENEVOLUM. S. P. D. QUUM novam hanc C. Valerii Flacci editionem meditarer, omniaque ad eam recte et fideliter conficiendam necessaria de more compararem, ecce fama attulit novum hujus poetæ commentarium crescere sub calamo viri cl. CAUSSIN, ex Academia Inscriptt. et Liberalium Artium, qui jampridem Apollonii Rhodii Argonautica in gallicum sermonem feliciter transtulit (1). Neminem explorando Valerio aptiorem noveram, quam elegantissimæ hujus versionis auctorem, cujus prosa vere aurea et carminibus suaviter consona toties audientium animos rapuit, quum in regio Franciæ Collegio celeberrimi amicissimique professoris diligens vicarius, hanc unam olim ad con (1) L'Expédition des Argonautes, ou la Conquête de la Toison d'or, poème traduit du grec par J. J. A. CAUSSIN, professeur d'Arabe au College de France. Paris, 1802, in-8. ferenda cum Apollonio Maronis carmina recitarem (1). Proinde quum Valerii Flacci Argonautica non novis tantum typis, sed curis etiam novis auctum illustratumque publici juris facere destinarem, statim virum hunc doctrina pariter et ingenii dotibus commendabilem adii precaturus, si forte in partem laborum meorum venire, eximiasque notas, maximum hujus editionis incrementum, edere dignaretur; neque verendum putavi, ne, quum peritus idem sit Arabicæ linguæ professor et in diversa studia omnino distractus, hunc Pharsaliæ versum (lib. III, 247), mihi roganti male feriata succineret invidia: Ignotum vobis, Arabes, venistis in orbem. Nam utriusque illius orbis Argonautici nullam non regionem, vel Græcam, vel Latinam, lustratam atque perspectam habet. Sed plurimus labor corporisque valetudo infirma, quum ipse bona voluntate nos prosequeretur, impedimento fuere, ne longum susciperet opus, cui imparem modestia tantum sua eum faciebat. Qua spe dejectus, nolui tamen lectores tantis opibus omnino defraudari, doctissimumque professorem rogavi, ut notas, quas omnes gallice scripserat, mecum communicare vellet. Eas igitur quum mihi pro comitate sua et bene (1) Vid. pag. 633, volum. VII, nostræ editionis Virgilianæ, per transitum, anni et argumenta harum lectionum indicantur. ubi |