NOBILISSIMO VIRO BARONI GRENVILLE ACADEMIE OXONIENSIS CANCELLARIO S. P.D. EDVARDUS COPLESTON. NON eo solum nomine, quod apud nos principatum tenes, VIR NOBILISSIME, libellum hunc tutelæ ac præsidio tuo commissum volui. Quin feliciter id potius mihi contigisse arbitror, ut quem maxime omnium ei patronum optarem, si nostri omnino res esset arbitrii, ad illum jam, non impudenter, sed jure quodam Academico accessisse videar. Namque, ut taceam nunc virtutes tuas plurimas, quæ in summa rerum moderanda enituerunt, prudentiam, fidem, constantiam singularem; at memoria tenebam, quum haud ita pridem, nova indies grassante temporum insania, et Rex et Senatus et Ecclesia pari in discrimine versarentur, quum, acerbissimo per Europam |