Æra lacu; gemit impositis incudibus Ætna; Illi inter sese magnâ vi brachia tollunt
In numerum, versant que tenaci forcipe ferrum. Non aliter, si parva licet componere magnis, Cecropias innatus apes amor urget habendi, Munere quamque suo. Grandævis oppida curæ, Et munire favos, et dædala fingere tecta. At fessæ multâ referunt se nocte minores,
pascuntur et arbuta passim,
Et glaucas salices, casiamque, crocumque rubentem, Et pinguem tiliam, et ferrugineos hyacinthos. Omnibus una quies operum, labor omnibus unus. Manè ruunt portis ; nusquam mora: rursus easdem Vesper ubi e pastu tandem decedere campis Admonuit, tum tecta petunt, tum corpora curant ; Fit sonitus, mussant que oras et limina circum. Pòst, ubi jam thalamis se composuêre, siletur In noctem, fessosque sopor suus occupat artus. Nec verò a stabulis pluviâ impendente recedunt Longiùs, aut credunt cœlo, adventantibus Euris; Sed circùm tutæ sub manibus urbis aquantur, Excursusque breves tentant ; et sæpè lapillos, Ut cymbæ instabiles fluctu jactante saburram, Tollunt; his sese per inania nubila librant.
Illum adeò placuisse apibus mirabere morem,
Quòd nec concubitu indulgent, nec corpora segnes In Venerem solvunt, aut fœtus nixibus edunt : Verùm ipsæ e foliis natos et suavibus herbis Ore legunt; ipsæ regem parvosque Quirites Sufficiunt; aulasque et cerea regna refingunt. Sæpè etiam duris errando in cotibus alas Attrivêre, ultroque animam sub fasce dedêre : Tantus amor florum, et generandi gloria mellis ! Ergo ipsas quamvis angusti terminus ævi Excipiat, neque enim plus septima ducitur æstas, At genus immortale manet, multosque per annos Stat fortuna domûs, et avi numerantur avorum. Præterea regem non sic Ægyptus, et ingens Lydia, nec populi Parthorum, aut Medus Hydaspes, Observant. Rege incolumi, mens omnibus una est :
Amisso, rupêre fidem; constructaque mella Diripuêre ipsæ, et crates solvêre favorum. Ille operum custos; illum admirantur ; et omnes Circumstant fremitu denso, stipantque frequentes ; Et sæpè attollunt humeris, et corpora bello Objectant, pulchramque petunt per vulnera mortem. His quidam signis, atque hæc exempla secuti, Esse apibus partem divinæ mentis et haustus Ætherios dixêre. Deum namque ire per omnes Terrasque, tractusque maris, cœlumque profundum : Hinc pecudes, armenta, viros, genus omne ferarum, Quemque sibi tenues nascentem arcessere vitas : Scilicet huc reddi deinde ac resoluta referri Omnia nec morti esse locum; sed viva volare Sideris in numerum, atque alto succedere cœlo.
Si quando sedem augustam servataque mella Thesauris relines; priùs haustu sparsus aquarum Ora fove, fumosque manu prætende sequaces. Bis gravidos cogunt fœtus, duo tempora messis: Taygete simul os terris ostendit honestum Plias, et Oceani spretos pede repulit amnes; Aut eadem sidus fugiens ubi Piscis aquosi Tristior hibernas cœlo descendit in undas. Illis ira modum supra est, læsæque venenum Morsibus inspirant, et spicula cæca relinquunt Affixæ venis, animasque in vulnere ponunt.
Sin, duram metuens hiemem, parcesque futuro, Contusosque animos et res miserabere fractas ; At suffire thymo, cerasque recidere inanes, Quis dubitet? nam sæpè favos ignotus adedit Stellio, et lucifugis congesta cubilia blattis; Immunisque sedens aliena ad pabula fucus, Aut asper crabro imparibus se immiscuit armis ; Aut dirum, tineæ, genus, aut invisa Minervæ Laxos in foribus suspendit aranea casses. Quo magis exhaustæ fuerint, hoc acriùs omnes Incumbent generis lapsi sarcire ruinas, Complebuntque foros, et floribus horrea texent.
Si verò, quoniam casus apibus quoque nostros Vita tulit, tristi languebunt corpora morbo,
Quod jam non dubiis poteris cognoscere signis : Continuò est ægris alius color; horrida vultum Deformat macies; tum corpora luce carentûm Exportant tectis, et tristia funera ducunt; Aut illæ pedibus connexæ ad limina pendent ; Aut intus clausis cunctantur in ædibus omnes, Ignavæque fame et contracto frigore pigræ.
Tum sonus auditur gravior, tractimque susurrant ; Frigidus ut quondam silvis immurmurat Auster; Ut mare sollicitum stridit refluentibus undis; Estuat ut clausis rapidus fornacibus ignis. Hîc jam galbaneos suadebo incendere odores, Mellaque arundineis inferre canalibus, ultro Hortantem, et fessas ad pabula nota vocantem. Proderit et tunsum gallæ admiscere saporem, Arentesque rosas, aut igni pinguia multo Defruta, vel Psithiâ passos de vite racemos, Cecropiumque thymum, et gravè olentia centaurea. Est etiam flos in pratis, cui nomen amello Fecêre agricolæ, facilis quærentibus herba; Namque uno ingentem tollit de cespite silvam, Aureus ipse; sed in foliis, quæ plurima circùm Funduntur, violæ sublucet purpura nigræ. Sæpè deûm nexis ornatæ torquibus aræ ; Asper in ore sapor; tonsis in vallibus illum Pastores et curva legunt prope flumina Mellæ. Hujus odorato radices incoque Baccho, Pabulaque in foribus plenis appone canistris.
Sed, si quem proles subitò defecerit omnis, Nec genus unde novæ stirpis revocetur habebit, Tempus et Arcadii memoranda inventa magistri Pandere, quoque modo cæsis jam sæpè juvencis Insincerus apes tulerit cruor. Altiùs omnem Expediam, primâ repetens ab origine, famam. Nam quâ Pellæi gens fortunata Canopi Accolit effuso stagnantem flumine Nilum, Et circum pictis vehitur sua rura faselis, Quâque pharetratæ vicinia Persidis urget, Et viridem Ægyptum nigrâ fœcundat arenâ, Et diversa ruens septem discurrit in ora
Usque coloratis amnis devexus ab Indis, Omnis in hâc certam regio jacit arte salutem. Exiguus primùm, atque ipsos contractus ad usus, Eligitur locus hunc angustique imbrice tecti Parietibusque premunt arctis; et quatuor addunt, Quatuor a ventis, obliquâ luce fenestras. Tum vitulus, bimâ curvans jam cornua fronte, Quæritur huic geminæ nares et spiritus oris Multa reluctanti obsuitur, plagisque perempto Tunsa per integram solvuntur viscera pellem. Sic positum in clauso linquunt ; et ramea costis Subjiciunt fragmenta, thymum, casiasque recentes. Hoc geritur, Zephyris primùm impellentibus undas, Antè novis rubeant quàm prata coloribus, antè Garrula quàm tignis nidum suspendat hirundo. Interea teneris tepefactus in ossibus humor Estuat; et visenda modis animalia miris,
Trunca pedum primò, mox et stridentia pennis,
Miscentur, tenuemque magis magis aëra carpunt : Donec, ut æstivis effusus nubibus imber, Erupêre; aut ut nervo pulsante sagittæ, Prima leves ineunt si quando prælia Parthi.
Quis deus hanc, Musæ, quis nobis extudit artem?
Unde nova ingressus hominum experientia cepit ? Pastor Aristæus, fugiens Peneïa Tempe, Amissis, ut fama, apibus morboque fameque, Tristis ad extremi sacrum caput adstitit amnis,
Multa querens, atque hâc affatus voce parentem : "Mater, Cyrene mater, quæ gurgitis hujus Ima tenes, quid me præclarâ stirpe deorum
(Si modò, quem perhibes, pater est Thymbræus Apollo) Invisum fatis genuisti? aut quò tibi nostrî
Pulsus amor? quid me cœlum sperare jubebas?
En etiam hunc ipsum vitæ mortalis honorem,
Quem mihi vix frugum et pecudum custodia solers Omnia tentanti extuderat, te matre, relinquo.
Quin age, et ipsa manu felices erue silvas ;
Fer stabulis inimicum ignem, atque interfice messes; 330 Ure sata, et validam in vites molire bipennem :
Tanta meæ si te ceperunt tædia laudis."
At mater sonitum thalamo sub fluminis alti Sensit. Eam circum Milesia vellera Nymphæ Carpebant, hyali saturo fucata colore;
Drymoque, Xanthoque, Ligeaque, Phyllodoceque, Cæsariem effusæ nitidam per candida colla; [Nesæe, Spioque, Thaliaque, Cymodoceque,] Cydippeque, et flava Lycorias; altera virgo, Altera tum primos Lucinæ experta labores; Clioque, et Beroë soror, Oceanitides ambæ, Ambæ auro pictis incinctæ pellibus ambæ ; Atque Ephyre, atque Opis, et Asia Deïopea; Et tandem positis velox Arethusa sagittis. Inter quas curam Clymene narrabat inanem Vulcani, Martisque dolos et dulcia furta ; Aque Chao densos divûm numerabat amores. Carmine quo captæ dum fusis mollia pensa Devolvunt, iterum maternas impulit aures Luctus Aristæi, vitreisque sedilibus omnes Obstupuêre: sed ante alias Arethusa sorores Prospiciens, summâ flavum caput extulit undâ.
Et procul "O gemitu non frustra exterrita tanto, Cyrene soror, ipse tibi, tua maxima cura, Tristis Aristæus Penei genitoris ad undam Stat lacrymans, et te crudelem nomine dicit." Huic percussa novâ mentem formidine mater, "Duc, age, duc ad nos; fas illi limina divûm Tangere," ait. Simul alta jubet discedere latè Flumina, quâ juvenis gressus inferret at illum Curvata in montis faciem circumstetit unda, Accepitque sinu vasto, misitque sub amnem.
Jamque domum mirans genetricis, et humida regna, Speluncisque lacus clausos, lucosque sonantes, Ibat; et, ingenti motu stupefactus aquarum,
Omnia sub magnâ labentia flumina terrâ
Spectabat diversa locis, Phasimque, Lycumque,
Et caput, unde altus primùm se erumpit Enipeus, Unde pater Tiberinus, et unde Aniena fluenta,
Saxosumque sonans Hypanis, Mysusque Caïcus, Et gemina auratus taurino cornua vultu Eridanus; quo non alius per pinguia culta
« PreviousContinue » |