Proveniunt; neque te, Ænea, mea dextera servat: Major agit deus, atque opera ad majora remittit.
Ille, avidus pugnæ, suras incluserat auro
Hinc atque hinc, odit que moras, hastamque coruscat. Postquam habilis lateri clypeus loricaque tergo est, Ascanium fusis circùm complectitur armis, Summaque per galeam delibans oscula fatur : Disce, puer, virtutem ex me, verumque laborem ; Fortunam ex aliis. Nunc te mea dextera bello Defensum dabit, et magna inter præmia ducet. Tu facito, mox quum matura adoleverit ætas, Sis memor, et te, animo repetentem exempla tuorum, Et pater Æneas, et avunculus excitet Hector.
Hæc ubi dicta dedit, portis sese extulit ingens, Telum immane manu quatiens: simul agmine denso Antheusque Mnestheusque ruunt; omnisque relictis Turba fluit castris. Tum cæco pulverę campus Miscetur, pulsuque pedum tremit excita tellus. Vidit ab adverso venientes aggere Turnus, Vidêre Ausonii; gelidusque per ima cucurrit
Ossa tremor. Prima ante omnes Juturna Latinos
Audiit, agnovitque sonum, et tremefacta refugit.
Ille volat, campoque atrum rapit agmen aperto. Qualis ubi ad terras, abrupto sidere, nimbus
It mare per medium miseris, heu! præscia longè Horrescunt corda agricolis : dabit ille ruinas Arboribus, stragemque satis; ruet omnia latè: Antevolant, sonitumque ferunt ad littora venti. Talis in adversos ductor Rhæteïus hostes
Agmen agit densi cuneis se quisque coactis
Agglomerant. Ferit ense gravem Thymbræus Osirim ;
Archetium Mnestheus; Epulonem obtruncat Achates,
Ufentemque Gyas: cadit ipse Tolumnius augur, Primus in adversos telum qui torserat hostes. Tollitur in cœlum clamor, versique vicissim Pulverulenta fugâ Rutuli dant terga per agros. Ipse neque aversos dignatur sternere morti, Nec pede congressos æquo, nec tela ferentes Insequitur: solum densâ in caligine Turnum Vestigat lustrans; solum in certamina poscit.
Hoc concussa metu mentem Juturna virago Aurigam Turni media inter lora Metiscum Excutit, et longè lapsum temone relinquit. Ipsa subit, manibusque undantes flectit habenas, Cuncta gerens, vocemque, et corpus, et arma Metisci. Nigra velut magnas domini quum divitis ædes Pervolat, et pennis alta atria lustrat hirundo, Pabula parva legens, nidisque loquacibus escas ; Et nunc porticibus vacuis, nunc humida circum Stagna sonat: similis medios Juturna per hostes Fertur equis, rapidoque volans obit omnia curru ; Jamque hîc germanum, jamque hîc, ostentat ovantem ; Nec conferre manum patitur ; volat avia longè. Haud minùs Æneas tortos legit obvius orbes, Vestigatque virum, et disjecta per agmina magnâ Voce vocat. Quoties oculos conjecit in hostem, Alipedumque fugam cursu tentavit equorum, Aversos toties currus Juturna retorsit.
Heu! quid agat? vario nequidquam fluctuat æstu ;
Diversæ que vocant animum in contraria curæ.
Huic Messapus, uti lævâ duo fortè gerebat
Lenta, levis cursu, præfixa hastilia ferro, Horum unum certo contorquens dirigit ictu. Substitit Æneas, et se collegit in arma,
Poplite subsidens: apicem tamen incita summum Hasta tulit, summasque excussit vertice cristas. Tum verò assurgunt iræ; insidiisque subactus, Diversos ubi sensit equos currumque referri, Multa Jovem et læsi testatur fœderis aras;
Jam tandem invadit medios, et, Marte secundo
Terribilis, sævam nullo discrimine cædem
Suscitat, irarumque omnes effundit habenas.
Quis mihi nunc tot acerba deus, quis carmine cædes 500 Diversas, obitumque ducum, quos æquore toto
Inque vicem nunc Turnus agit, nunc Troïus heros, Expediat Tanton' placuit concurrere motu,
Jupiter, æternâ gentes in pace futuras! Eneas Rutulum Sucronem (ea prima ruentes Pugna loco statuit Teucros,) haud multa moratus Excipit in latus, et, quâ fata celerrima, crudum
Transadigit costas et crates pectoris ensem. Turnus equo dejectum Amycum, fratremque Dioren, Congressus pedes; hunc venientem cuspide longâ, Hunc mucrone ferit; curruque abscisa duorum Suspendit capita, et rorantia sanguine portat. Ille Talon, Tanaïmque neci, fortemque Cethegum, Tres uno congressu, et mæstum mittit Onyten, Nomen Echionium, matrisque genus Peridiæ. Hic fratres Lyciâ missos et Apollinis agris, Et juvenem exosum nequidquam bella Menoten Arcada; piscosæ cui circum flumina Lernæ
Ars fuerat, pauperque domus ; nec nota potentûm Limina; conductâque pater tellure serebat. Ac velut immissi diversis partibus ignes Arentem in silvam et virgulta sonantia lauro ; Aut ubi decursu rapido de montibus altis
Dant sonitum spumosi amnes, et in æquora currunt, Quisque suum populatus iter: non segniùs ambo Eneas Turnusque ruunt per prælia: nunc, nunc Fluctuat ira intus; rumpuntur nescia vinci Pectora; nunc totis in vulnera viribus itur. Murranum hic, atavos et avorum antiqua sonantem Nomina, per regesque actum genus omne Latinos, Præcipitem scopulo atque ingentis turbine saxi Excutit, effunditque solo hunc lora et juga subter Provolvêre rotæ, crebro supèr ungula pulsu Incita nec domini memorum proculcat equorum. Ille ruenti Hyllo, animisque immanè frementi, Occurrit, telumque aurata ad tempora torquet : Olli per galeam fixo stetit hasta cerebro. Dextera nec tua te, Graiûm fortissime, Creteu, Eripuit Turno. Nec dî texêre Cupencum, Eneâ veniente, sui dedit obvia ferro
Pectora ; nec misero clypei mora profuit ærei. Te quoque Laurentes viderunt, Æole, campi Oppetere, et latè terram consternere tergo: Occidis, Argivæ quem non potuêre phalanges Sternere, nec Priami regnorum eversor Achilles ; Hîc tibi mortis erant metæ domus alta sub Idâ, Lyrnessi domus alta; solo Laurente sepulcrum.
Totæ adeò conversæ acies, omnesque Latini Omnes Dardanidæ, Mnestheus, acerque Serestus, Et Messapus equûm domitor, et fortis Asylas, Tuscorumque phalanx, Evandrique Arcades alæ : Pro se quisque, viri summâ nituntur opum vi. Nec mora, nec requies: vasto certamine tendunt. Hîc mentem Æneæ genetrix pulcherrima misit, Iret ut ad muros, urbique adverteret agmen Ociùs, et subitâ turbaret clade Latinos.
Ille, ut vestigans diversa per agmina Turnum,
Huc atque huc acies circumtulit, adspicit urbem Immunem tanti belli atque impunè quietam. Continuò pugnæ accendit majoris imago.
Mnesthea, Sergestumque vocat, fortemque Serestum, Ductores, tumulumque capit; quò cætera Teucrûm Concurrit legio; nec scuta aut spicula densi Deponunt. Celso medius stans aggere fatur : Nequa meis esto dictis mora: Jupiter hâc stat. Neu quis ob inceptum subitum mihi segnior ito. Urbem hodie, causam belli, regna ipsa Latini, Ni frænum accipere et victi parere fatentur, Eruam, et æqua solo fumantia culmina ponam. Scilicet exspectem, libeat dum prælia Turno Nostra pati, rursusque velit concurrere victus ? Hoc caput, o cives, hæc belli summa nefandi. Ferte faces properè, fœdusque reposcite flammis. Dixerat; atque animis pariter certantibus omnes Dant cuneum, densâque ad muros mole feruntur. Scalæ improvisò, subitusque apparuit ignis. Discurrunt alii ad portas, primosque trucidant; Ferrum alii torquent, et obumbrant æthera telis. Ipse inter primos dextram sub monia tendit Eneas, magnâque incusat voce Latinum : Testaturque deos iterum se ad prælia cogi, Bis jam Italos hostes, hæc altera fœdera rumpi. Exoritur trepidos inter discordia cives :
Urbem alii reserare jubent, et pandere portas Dardanidis, ipsumque trahunt in moenia regem ; Arma ferunt alii, et pergunt defendere muros. Inclusas ut quum latebroso in pumice pastor
Vestigavit apes, fumoque implevit amaro ; Illæ intus trepidæ rerum per cerea castra Discurrunt, magnisque acuunt stridoribus iras; Volvitur ater odor tectis, tum murmure cæco Intus saxa sonant; vacuas it fumus ad auras. Accidit hæc fessis etiam fortuna Latinis, Quæ totam luctu concussit funditus urbem.' Regina, ut tectis venientem prospicit hostem,
Multaque per moestum demens effata furorem, Purpureos moritura manu discindit amictus,
Et nodum informis leti trabe nectit ab altâ.
Quam cladem miseræ postquam accepêre Latinæ,
Filia prima manu flavos Lavinia crines
Et roseas laniata genas; tum cætera circùm Turba furit resonant latè plangoribus ædes. Hinc totam infelix vulgatur fama per urbem. Demittunt mentes: it scissâ veste Latinus, Conjugis attonitus fatis, urbisque ruinâ, Canitiem immundo perfusam pulvere turpans ; [Multaque se incusat, qui non acceperit antè Dardanium Ænean, generumque adsciverit ultro.] Interea extremo bellator in æquore Turnus
Palantes sequitur paucos, jam segnior, atque
Jam minùs atque minùs successu lætus equorum.
Attulit hunc illi cæcis terroribus aura
Commixtum clamorem, arrectasque impulit aures Confusæ sonus urbis, et illætabile murmur. Hei mihi quid tanto turbantur monia luctu? Quisve ruit tantus diversâ clamor ab urbe ? Sic ait, adductisque amens subsistit habenis. Atque huic, in faciem soror ut conversa Metisci Auriga, currumque et equos et lora regebat, Talibus occurrit dictis: Hâc, Turne, sequamur Trojugenas, quâ prima viam Victoria pandit ; Sunt alii, qui tecta manu defendere possint.
« PreviousContinue » |