Telum immane, manu validâ quod fortè gerebat Bellator, solidum nodis et robore cocto,
Huic natam, libro et silvestri subere clausam, Implicat, atque habilem media circumligat hastæ ; Quam dextrâ ingenti librans, ita ad æthera fatur : Alma, tibi hanc, nemorum cultrix, Latonia virgo, Ipse pater famulam voveo : tua prima per auras Tela tenens supplex hostem fugit. Accipe, testor, Diva, tuam, quæ nunc dubiis committitur auris. Dixit, et adducto contortum hastile lacerto Immittit sonuêre undæ ; rapidum super amnem Infelix fugit in jaculo stridente Camilla.
At Metabus, magnâ propiùs jam urgente catervâ, Dat sese fluvio, atque hastam cum virgine victor Gramineo, donum Triviæ, de cespite vellit. Non illum tectis ullæ, non manibus, urbes Accepêre; neque ipse manus feritate dedisset: Pastorum et solis exegit montibus ævum. Hic natam, in dumis interque horrentia lustra, Armentalis equæ mammis et lacte ferino Nutribat, teneris immulgens ubera labris.
Utque pedum primis infans vestigia plantis
Institerat, jaculo palmas oneravit acuto :
Spiculaque ex humero parvæ suspendit et arcum.
Pro crinali auro, pro longæ tegmine pallæ,
Tigridis exuviæ per dorsum a vertice pendent. Tela manu jam tum tenerâ puerilia torsit, Et fundam tereti circum caput egit habenâ, Strymoniamque gruem aut album dejecit olorem. Multæ illam frustra Tyrrhena per oppida matres Optavêre nurum : solâ contenta Dianâ, Eternum telorum et virginitatis amorem Intemerata colit. Vellem haud correpta fuisset Militiâ tali, conata lacessere Teucros ; Cara mihi, comitumque foret nunc una mearum. Verùm age, quandoquidem fatis urgetur acerbis, Labere, Nympha, polo, finesque invise Latinos, Tristis ubi infausto committitur omine pugna. Hæc cape, et ultricem pharetrâ deprome sagittam : Hac, quicumque sacrum violârit vulnere corpus,
Tros Italusve, mihi pariter det sanguine pœnas. Post ego nube cavâ miserandæ corpus et arma Inspoliata feram tumulo, patriæque reponam. Dixit at illa leves cœli delapsa per auras Insonuit, nigro circumdata turbine corpus.
At manus interea muris Trojana propinquat, Etruscique duces, equitumque exercitus omnis, Compositi numero in turmas. Fremit æquore toto Insultans sonipes, et pressis pugnat habenis, Huc obversus et huc tum latè ferreus hastis Horret ager, campique armis sublimibus ardent. Nec non Messapus contrà, celeresque Latini, Et cum fratre Coras, et virginis ala Camillæ, Adversi campo apparent, hastasque reductis Protendunt longè dextris, et spicula vibrant : Adventusque virûm, fremitusque ardescit equorum. Jamque intra jactum teli progressus uterque Substiterat subito erumpunt clamore, frementesque Exhortantur equos; fundunt simul undique tela Crebra, nivis ritu; cœlumque obtexitur umbrâ. Continuò adversis Tyrrhenus et acer Aconteus Connixi incurrunt hastis, primique ruinam Dant sonitu ingenti, perfractaque quadrupedantûm Pectora pectoribus rumpunt. Excussus Aconteus Fulminis in morem, aut tormento ponderis acti, Præcipitat longè, et vitam dispergit in auras. Extemplo turbatæ acies; versique Latini Rejiciunt parmas, et equos ad monia vertunt. Troës agunt; princeps turmas inducit Asylas. Jamque propinquabant portis, rursusque Latini Clamorem tollunt, et mollia colla reflectunt. Hi fugiunt, penitùsque datis referuntur habenis. Qualis ubi alterno procurrens gurgite pontus Nunc ruit ad terras, scopulosque superjacit undam Spumeus, extremamque sinu perfundit arenam : Nunc rapidus retro, atque æstu revoluta resorbens Saxa, fugit, littusque vado labente relinquit. Bis Tusci Rutulos egêre ad monia versos; Bis rejecti armis respectant terga tegentes. Tertia sed postquam congressi in prælia, totas
Implicuêre inter se acies, legitque virum vir Tum verò et gemitus morientûm, et sanguine in alto Armaque, corporaque, et permixti cæde virorum Semanimes volvuntur equi; pugna aspera surgit. Orsilochus Remuli, quando ipsum horrebat adire, Hastam intorsit equo, ferrumque sub aure reliquit. Quo sonipes ictu furit arduus, altaque jactat, Vulneris impatiens, arrecto pectore, crura. Volvitur ille excussus humi. Catillus Iolan, Ingentemque animis, ingentem corpore et armis, Dejicit Herminium; nudo cui vertice fulva Cæsaries, nudique humeri ; nec vulnera terrent ; Tantus in arma patet. Latos huic hasta per armos Acta tremit, duplicatque virum transfixa dolore. Funditur ater ubique cruor: dant funera ferro Certantes, pulchramque petunt per vulnera mortem. At medias inter cædes exsultat Amazon, Unum exserta latus pugnæ, pharetrata Camilla ; Et nunc lenta manu spargens hastilia denset, Nunc validam dextrâ rapit indefessa bipennem. Aureus ex humero sonat arcus, et arma Dianæ. Illa etiam, si quando in tergum pulsa recessit, Spicula converso fugientia dirigit arcu. At circùm lectæ comites, Larinaque virgo, Tullaque, et æratam quatiens Tarpeia securim, Italides; quas ipsa decus sibi dia Camilla
Delegit, pacisque bonas bellique ministras.
Quales Threïciæ, quum flumina Thermodontis
Pulsant, et pictis bellantur Amazones armis ;
Seu circum Hippolyten, seu quum se Martia curru
Penthesilea refert, magnoque ululante tumultu Fœminea exsultant lunatis agmina peltis.
Quem telo primum, quem postremum, aspera virgo,
Dejicis? aut quot humi morientia corpora fundis ? Eunæum Clytio primum patre, cujus apertum
Adversi longâ transverberat abiete pectus :
Sanguinis ille vomens rivos cadit, atque cruentam Mandit humum, moriensque suo se in vulnere versat. Tum Lirim, Pagasumque supèr; quorum alter habenas Suffosso revolutus equo dum colligit, alter
Dum subit, ac dextram labenti tendit inermem, Præcipites pariterque ruunt. His addit Amastrum Hippotaden; sequiturque incumbens eminus hastâ
Tereaque, Harpalycumque, et Demophoonta, Chromimque: Quotque emissa manu contorsit spicula virgo,
Tot Phrygii cecidêre viri. Procul Ornytus armis
Ignotis et equo venator Iapyge fertur:
Cui pellis latos humeros erepta juvenco Pugnatori operit; caput ingens oris hiatus
Et malæ texêre lupi cum dentibus albis,
Agrestisque manus armat sparus ipse catervis
Vertitur in mediis, et toto vertice suprà est.
Hunc illa exceptum, neque enim labor agmine verso, Trajicit, et super hæc inimico pectore fatur :
Silvis te, Tyrrhene, feras agitare putâsti?
Advenit qui vestra dies muliebribus armis
Verba redarguerit. Nomen tamen haud leve patrum Manibus hoc referes, telo cecidisse Camillæ.
Protenus Orsilochum et Buten, duo maxima Teucrûm 690 Corpora: sed Buten aversum cuspide fixit
Haud Ligurum extremus, dum fallere fata sinebant. Isque, ubi se nullo jam cursu evadere pugnæ Posse, neque instantem reginam avertere, cernit ; Consilio versare dolos ingressus et astu,
Incipit hæc Quid tam egregium, si fœmina forti Fidis equo ? dimitte fugam, et te comminus æquo Mecum crede solo, pugnæque accinge pedestri : Jam nosces, ventosa ferat cui gloria fraudem. Dixit at illa furens, acrique accensa dolore, Tradit equum comiti, paribusque resistit in armis, Ense pedes nudo, purâque interrita parmâ.
At juvenis, vicisse dolo ratus, avolat ipse, Haud mora, conversisque fugax aufertur habenis, Quadrupedemque citum ferratâ calce fatigat. Vane Ligus, frustràque animis elate superbis, Nequidquam patrias tentâsti lubricus artes; Nec fraus te incolumem fallaci perferet Auno. Hæc fatur virgo, et pernicibus ignea plantis Transit equum cursu, frænisque adversa prehensis Congreditur, pœnasque inimico ex sanguine sumit: Quàm facilè accipiter saxo sacer ales ab alto Consequitur pennis sublimem in nube columbam, Comprensamque tenet, pedibusque eviscerat uncis ; Tum cruor et vulsæ labuntur ab æthere plumæ.
At non hæc nullis hominum sator atque deorum Observans oculis, summo sedet altus Olympo. Tyrrhenum genitor Tarchonem in prælia sæva Suscitat, et stimulis haud mollibus injicit iras. Ergo inter cædes cedentiaque agmina Tarcho Fertur equo, variisque instigat vocibus alas,
Nomine quemque vocans; reficitque in prælia pulsos :
Quis metus, o nunquam dolituri, o semper inertes
Tyrrheni, quæ tanta animis ignavia venit?
Fœmina palantes agit, atque hæc agmina vertit.
Quò ferrum, quidve hæc gerimus tela irrita dextris ?
At non in Venerem segnes, nocturnaque bella, Aut, ubi curva choros indixit tibia Bacchi, Exspectare dapes et plenæ pocula mensæ.
Hic amor, hoc studium; dum sacra secundus haruspex Nuntiet, ac lucos vocet hostia pinguis in altos.
Hæc effatus, equum in medios, moriturus et ipse, Concitat, et Venulo adversum se turbidus infert; Dereptumque ab equo dextrâ complectitur hostem, Et gremium ante suum multâ vi concitus aufert. Tollitur in cœlum clamor, cunctique Latini Convertêre oculos. Volat igneus æquore Tarcho,
Arma virumque ferens; tum summâ ipsius ab hastâ Defringit ferrum, et partes rimatur apertas, Quâ vulnus letale ferat. Contrà ille repugnans Sustinet a jugulo dextram, et vim viribus exit. Utque volans altè raptum quum fulva draconem
« PreviousContinue » |