Populeas inter senior se attollere frondes
Visus. Eum tenuis glauco velabat amictu Carbasus, et crines umbrosa tegebat arundo. Tum sic affari, et curas his demere dictis :
O sate gente deûm, Trojanam ex hostibus urbem Qui revehis nobis, æternaque Pergama servas, Exspectate solo Laurenti arvisque Latinis,
Hic tibi certa domus ; certi, ne absiste, Penates; Neu belli terrere minis. Tumor omnis et iræ Concessêre deûm.
Jamque tibi, ne vana putes hæc fingere somnum, Littoreis ingens inventa sub ilicibus sus,
Triginta capitum fœtus enixa, jacebit,
Alba, solo recubans, albi circum ubera nati.
[Hic locus urbis erit, requies ea certa laborum :]
Ex quo ter denis urbem redeuntibus annis
Ascanius clari condet cognominis Albam.
Haud incerta cano. Nunc quâ ratione, quod instat, Expedias victor, paucis, adverte, docebo. Arcades his oris, genus a Pallante profectum, Qui regem Evandrum comites, qui signa secuti, Delegêre locum, et posuêre in montibus urbem, Pallantis proavi de nomine Pallenteum.
Hi bellum assiduè ducunt cum gente Latinâ ; Hos castris adhibe socios, et fœdera junge.
Ipse ego te ripis et recto flumine ducam, Adversum remis superes subvectus ut amnem.
Surge, age, nate deâ ; primisque cadentibus astris, Junoni fer ritè preces, iramque minasque
Supplicibus supera votis. Mihi victor honorem
Persolves. Ego sum, pleno quem flumine cernis Stringentem ripas, et pinguia culta secantem, Cæruleus Tybris, cœlo gratissimus amnis. Hîc mihi magna domus, celsis caput urbibus exit. Dixit; deinde lacu fluvius se condidit alto,
Ima petens. Nox Ænean somnusque reliquit. Surgit, et, ætherii spectans orientia solis Lumina, ritè cavis undam de flumine palmis
Sustulit, ac tales effundit ad æthera voces:
Nymphæ, Laurentes Nymphæ, genus amnibus unde est,
Tuque, o Tybri tuo genitor cum flumine sancto, Accipite Enean, et tandem arcete periclis. Quo te cumque lacus, miserantem incommoda nostra, Fonte tenet, quocumque solo pulcherrimus exis, Semper honore meo, semper celebrabere donis, Corniger Hesperidum fluvius regnator aquarum. Adsis o tantùm, et propiùs tua numina firmes !
Sic memorat, geminasque legit de classe biremes, Remigioque aptat; socios simul instruit armis.
Ecce autem, subitum atque oculis mirabile monstrum,
Candida per silvam cum fœtu concolor albo
Procubuit, viridique in littore conspicitur, sus: Quam pius Æneas tibi enim, tibi, maxima Juno, Mactat, sacra ferens, et cum grege sistit ad aram. Tybris eâ fluvium, quàm longa est, nocte tumentem Leniit, et tacitâ refluens ita substitit undâ, Mitis ut in morem stagni placidæque paludis Sterneret æquor aquis, remo ut luctamen abesset. Ergo iter inceptum celerant; rumore secundo Labitur uncta vadis abies: mirantur et undæ, Miratur nemus insuetum fulgentia longè Scuta virûm, fluvio pictasque innare carinas. Olli remigio noctemque diemque fatigant,
Et longos superant flexus, yariisque teguntur Arboribus, viridesque secant placido æquore silvas. Sol medium cœli conscenderat igneus orbem, Quum muros, arcemque procul, ac rara domorum Tecta vident, quæ nunc Romana potentia cœlo Equavit; tum res inopes Evandrus habebat. Ociùs advertunt proras, urbique propinquant.
Fortè die solemnem illo rex Arcas honorem Amphitryoniadæ magno divisque ferebat Ante urbem in luco. Pallas huic filius unâ, Unâ omnes juvenum primi, pauperque senatus,
Thura dabant, tepidusque cruor fumabat ad aras. Ut celsas vidêre rates, atque inter opacum Allabi nemus, et tacitis incumbere remis ; Terrentur visu subito, cunctique relictis Consurgunt mensis. Audax quos rumpere Pallas Sacra vetat, raptoque volat telo obvius ipse ;
Et procul e tumulo: Juvenes, quæ causa subegit
Ignotas tentare vias? quò tenditis? inquit.
Qui genus? unde domo ? pacemne huc fertis, an arma? Tum pater Æneas puppi sic fatur ab altâ, Paciferæque manu ramum prætendit olivæ : Trojugenas ac tela vides inimica Latinis,
Ferte hæc, et dicite lectos
"Quos illi bello profugos egêre superbo.
Dardaniæ venisse duces, socia arma rogantes.
Obstupuit tanto percussus nomine Pallas :
Egredere, o quicumque es, ait, coràmque parentem Alloquere, ac nostris succede Penatibus hospes.
Excepitque manu, dextramque amplexus inhæsit. Progressi subeunt luco, fluviumque relinquunt. Tum regem Æneas dictis affatur amicis : Optime Grajugenûm, cui me Fortuna precari, Et vittâ comptos voluit prætendere ramos,
Non equidem extimui, Danaûm quòd ductor et Arcas, Quòdque ab stirpe fores geminis conjunctus Atridis; 130
Sed mea me virtus, et sancta oracula divûm, Cognatique patres, tua terris didita fama, Conjunxêre tibi, et fatis egêre volentem. Dardanus, Iliacæ primus pater urbis et auctor, Electrâ, ut Graii perhibent, Atlantide cretus, Advehitur Teucros: Electram maximus Atlas Edidit, ætherios humero qui sustinet orbes. Vobis Mercurius pater est, quem candida Maia Cyllenæ gelido conceptum vertice fudit; At Maiam, auditis si quidquam credimus, Atlas, Idem Atlas generat, cœli qui sidera tollit. Sic genus amborum scindit se sanguine ab uno. His fretus, non legatos, neque prima per artem Tentamenta tui pepigi: me, me ipse, meumque Objeci caput, et supplex ad limina veni.
Gens eadem, quæ te, crudeli Daunia bello
Insequitur nos si pellant, nihil abfore credunt
Quin omnem Hesperiam penitùs sua sub juga mittant,
Et mare quod suprà teneant, quodque alluit infrà.
Accipe daque fidem. Sunt nobis fortia bello Pectora, sunt animi, et rebus spectata juventus.
Dixerat Æneas. Ille os, oculosque loquentis Jam dudum, et totum lustrabat lumine corpus. Tum sic pauca refert: Ut te, fortissime Teucrûm, Accipio agnoscoque libens! ut verba parentis Et vocem Anchisæ magni vultumque recordor! Nam memini Hesionæ visentem regna sororis Laomedontiaden Priamum, Salamina petentem, Protenus Arcadiæ gelidos invisere fines. Tum mihi prima genas vestibat flore juventa; Mirabarque duces Teucros, mirabar et ipsum Laomedontiaden: sed cunctis altior ibat Anchises. Mihi mens juvenali ardebat amore Compellare virum, et dextræ conjungere dextram : Accessi, et cupidus Phenei sub moenia duxi. Ille mihi insignem pharetram Lyciasque sagittas, Discedens, chlamydemque auro dedit intertextam, Frænaque bina, meus quæ nunc habet, aurea, Pallas. Ergo et, quam petitis, juncta est mihi fœdere dextra : Et, lux quum primùm terris se crastina reddet, Auxilio lætos dimittam, opibusque juvabo.
Interea sacra hæc, quando huc venistis amici,
Annua, quæ differre nefas, celebrate faventes
Nobiscum, et jam nunc sociorum assuescite mensis. Hæc ubi dicta, dapes jubet et sublata reponi
Postquam exempta fames, et amor compressus edendi, Rex Evandrus ait: Non hæc solemnia nobis,
Has ex more dapes, hanc tanti numinis aram,
Vana superstitio veterumque ignara deorum
Imposuit sævis, hospes Trojane, periclis Servati facimus, meritosque novamus honores.
Jam primùm saxis suspensam hanc adspice rupem ; Disjectæ procul ut moles, desertaque montis
Stat domus, et scopuli ingentem traxêre ruinam. Hic spelunca fuit, vasto submota recessu, Semihominis Caci facies quam dira tenebat, Solis inaccessam radiis; semperque recenti Cæde tepebat humus; foribusque affixa superbis Ora virûm tristi pendebant pallida tabo. Huic monstro Vulcanus erat pater: illius atros Ore vomens ignes, magnâ se mole ferebat. Attulit et nobis aliquando optantibus ætas Auxilium adventumque dei. Nam maximus ultor, Tergemini nece Geryonæ spoliisque superbus, Alcides aderat, taurosque hâc victor agebat Ingentes; vallemque boves amnemque tenebant. At furiis Caci mens effera, ne quid inausum Aut intractatum scelerisve dolive fuisset, Quatuor a stabulis præstanti corpore tauros Avertit, totidem formâ superante juvencas ;
Atque hos, ne qua forent pedibus vestigia rectis, Caudâ in speluncam tractos, versisque viarum Indiciis, raptos saxo occultabat opaco. Quærenti nulla ad speluncam signa ferebant. Interea, quum jam stabulis saturata moveret Amphitryoniades armenta, abitumque pararet, Discessu mugire boves, atque omne querelis Impleri nemus, et colles clamore relinqui.
Tum primùm nostri Cacum vidêre timentem, Turbatumque oculis. Fugit ilicet ocior Euro, Speluncamque petit: pedibus timor addidit alas. Ut sese inclusit, ruptisque immane catenis
« PreviousContinue » |