Aut Agamemnonius scenis agitatus Orestes, Armatam facibus matrem et serpentibus atris Quum fugit, ultricesque sedent in limine Diræ. Ergo ubi concepit furias evicta dolore, Decrevitque mori, tempus secum ipsa modumque Exigit, et mostam dictis aggressa sororem, Consilium vultu tegit, ac spem fronte serenat: Inveni, germana, viam, (gratare sorori)
Quæ mihi reddat eum, vel eo me solvat amantem. Oceani finem juxta solemque cadentem,' Ultimus Æthiopum locus est, ubi maximus Atlas Axem humero torquet stellis ardentibus aptum. Hinc mihi Massylæ gentis monstrata sacerdos, .Hesperidum templi custos, epulasque draconi Quæ dabat, et sacros servabat in arbore ramos, Spargens humida mella soporiferumque papaver. Hæc se carminibus promittit solvere mentes Quas velit, ast aliis duras immittere curas; Sistere aquam fluviis, et vertere sidera retro : Nocturnosque ciet Manes: mugire videbis
Sub pedibus terram, et descendere montibus ornos. Testor, cara, deos, et te, germana, tuumque Dulce caput, magicas invitam accingier artes. Tu secreta pyram tecto interiore sub auras Erige; et arma viri, thalamo quæ fixa reliquit Impius, exuviasque omnes, lectumque jugalem, Quo perii, superimponas. Abolere nefandi Cuncta viri monumenta jubet monstratque sacerdos. Hæc effata silet. Pallor simul occupat ora. Non tamen Anna novis prætexere funera sacris Germanam credit, nec tantos mente furores Concipit, aut graviora timet quàm morte Sychæi. Ergo jussa parat.
At regina, pyrâ penetrali in sede sub auras
Erectâ ingenti, tædis atque ilice sectâ, Intenditque locum sertis, et fronde coronat Funereâ super exuvias, ensemque relictum, Effigiemque toro locat, haud ignara futuri. Stant aræ circùm ; et crines effusa sacerdos
Ter centum tonat ore deos, Erebumque, Chaosque,
Tergeminamque Hecaten, tria virginis ora Dianæ. Sparserat et latices simulatos fontis Averni. Falcibus et messæ ad lunam quæruntur ahenis Pubentes herbæ, nigri cum lacte veneni.
Quæritur et nascentis equi de fronte revulsus,
Et matri præreptus, amor.
Ipsa, molâ manibusque piis, altaria juxta, Unum exuta pedem vinclis, in veste recinctâ, Testatur moritura deos, et conscia fati
Sidera tum, si quod non æquo fœdere amantes
Curæ numen habet justumque memorque, precatur.
Nox erat, et placidum carpebant fessa soporem Corpora per terras; silvæque et sæva quiêrant Equora; quum medio volvuntur sidera lapsu ;
Quum tacet omnis ager; pecudes, pictæque volucres, 525 Quæque lacus latè liquidos, quæque aspera dumis Rura tenent, somno positæ sub nocte silenti Lenibant curas, et corda oblita laborum.
At non infelix animi Phoenissa; neque unquam Solvitur in somnos, oculisve aut pectore noctem Accipit ingeminant curæ ; rursusque resurgens Sævit amor, magnoque irarum fluctuat æstu. Sic adeò insistit, secumque ita corde volutat : En, quid ago? rursusne procos irrisa priores Experiar? Nomadumque petam connubia supplex, Quos ego sim toties jam dedignata maritos ?
Iliacas igitur classes atque ultima Teucrûm
Jussa sequar? quiane auxilio juvat antè levatos,
Aut bene apud memores veteris stat gratia facti ? Quis me autem, fac velle, sinet? ratibusve superbis Invisam accipiet? Nescis, heu Laomedonteæ sentis perjuria gentis?
Quid tum? sola fugâ nautas comitabor ovantes ?
An Tyriis omnique manu stipata meorum
Inferar? et, quos Sidoniâ vix urbe revelli,
Rursus agam pelago, et ventis dare vela jubebo?
Quin morere, ut merita es, ferroque averte dolorem. Tu, lacrymis evicta meis, tu prima furentem. His, germana, malis oneras, atque objicis hosti. Non licuit thalami expertem sine crimine vitam
Degere, more feræ, tales nec tangere curas! Non servata fides cineri promissa Sychæo ! Tantos illa suo rumpebat pectore questus. Æneas celsâ in puppi, jam certus eundi, Carpebat somnos, rebus jam ritè paratis. Huic se forma dei, vultu redeuntis eodem, Obtulit in somnis, rursusque ita visa monere est ; Omnia Mercurio similis, vocemque, coloremque,
Et crines flavos, et membra decora juventæ : Nate deâ, potes hoc sub casu ducere somnos ? Nec, quæ te circum stent deinde pericula, cernis ? Demens! nec Zephyros audis spirare secundos ? Illa dolos dirumque nefas in pectore versat, Certa mori, varioque irarum fluctuat æstu.
Non fugis hinc præceps, dum præcipitare potestas ? Jam mare turbari trabibus, sævasque videbis Collucere faces, jam fervere littora flammis, ⚫ Si te his attigerit terris Aurora morantem.
Eia age, rumpe moras. Varium et mutabile semper
Fœmina. Sic fatus, nocti se immiscuit atræ.
Tum verò Æneas, subitis exterritus umbris, Corripit e somno corpus, sociosque fatigat : Præcipites vigilate, viri, et considite transtris ; Solvite vela citi. Deus, æthere missus ab alto,
Festinare fugam, tortosque incidere funes,
Ecce iterum stimulat. Sequimur te, sancte deorum,
Quisquis es, imperioque iterum paremus ovantes.
Adsis o, placidusque juves, et sidera cœlo
Dextra feras. Dixit: vaginâque eripit ensem
Fulmineum, strictoque ferit retinacula ferro.
Idem omnes simul ardor habet; rapiuntque, ruuntque.
Littora deseruêre ; latet sub classibus æquor ;
Adnixi torquent spumas, et cærula verrunt.
Et jam prima novo spargebat lumine terras Tithoni croceum linquens Aurora cubile: Regina e speculis ut primùm albescere lucem Vidit, et æquatis classem procedere velis, Littoraque et vacuos sensit sine remige portus ; Terque quaterque manu pectus percussa decorum, Flaventesque abscissa comas: Proh Jupiter! ibit
Hic, ait, et nostris illuserit advena regnis ? Non arma expedient, totâque ex urbe sequentur, Deripientque rates alii navalibus? Ite
Ferte citi flammas, date vela, impellite remos.
Quid loquor? aut ubi sum? quæ mentem insania mutat? 595 Infelix Dido! nunc te facta impia tangunt.
Tum decuit, quum sceptra dabas. En dextra fidesque ! Quem secum patrios aiunt portâsse Penates, Quem subiisse humeris confectum ætate parentem ! .Non potui abreptum divellere corpus, et undis Spargere non socios, non ipsum absumere ferro Ascanium, patriisque epulandum ponere mensis ? Verùm anceps pugnæ fuerat fortuna. Fuisset ; Quem metui moritura? Faces in castra tulissem; Implêssemque foros flammis; natumque patremque Cum genere extinxêm; memet super ipsa dedissem. Sol, qui terrarum flammis opera omnia lustras, Tuque harum interpres curarum et conscia Juno, Nocturnisque Hecate triviis ululata per urbes, Et Diræ ultrices, et dî morientis Elissæ, Accipite hæc, meritumque malis advertite numen, Et nostras audite preces. Si tangere portus Infandum caput ac terris adnare necesse est, Et sic fata Jovis poscunt, hic terminus hæret ; At bello audacis populi vexatus et armis, Finibus extorris, complexu avulsus Iuli, Auxilium imploret, videatque indigna suorum Funera; nec, quum se sub leges pacis iniquæ
Tradiderit, regno aut optatâ luce fruatur ;
Sed cadat ante diem, mediâque inhumatus arenâ.
Hæc precor: hanc vocem extremam cum sanguine fundo.
Tum vos, o Tyrii, stirpem et genus omne futurum Exercete odiis; cinerique hæc mittite nostro Munera. Nullus amor populis nec fœdera sunto. Exoriare aliquis nostris ex ossibus ultor, Qui face Dardanios ferroque sequare colonos, Nunc, olim, quocumque dabunt se tempore vires. Littora littoribus contraria, fluctibus undas, Imprecor, arma armis pugnent ipsique nepotesque. Hæc ait, et partes animum versabat in omnes,
Invisam quærens quamprimùm abrumpere lucem. Tum breviter Barcen nutricem affata Sychæi, Namque suam patriâ antiquâ cinis ater habebat : Annam, cara mihi nutrix, huc siste sororem ; Dic corpus properet fluviali spargere lymphâ, Et pecudes secum et monstrata piacula ducat; Sic veniat tuque ipsa piâ tege tempora vittâ. Sacra Jovi Stygio, quæ ritè incepta paravi, Perficere est animus, finemque imponere curis, Dardaniique rogum capitis permittere flammæ. Sic ait. Illa gradum studio celerabat anili.
At trepida et cœptis immanibus effera Dido, Sanguineam volvens aciem, maculisque trementes Interfusa genas, et pallida morte futurâ, Interiora domûs irrumpit limina, et altos
Conscendit furibunda rogos, ensemque recludit Dardanium, non hos quæsitum munus in usus. Hic, postquam Iliacas vestes notumque cubile Conspexit, paulùm lacrymis et mente morata, Incubuitque toro, dixitque novissima verba : Dulces exuviæ, dum fata deusque sinebant, Accipite hanc animam, meque his exsolvite curis. Vixi, et quem dederat cursum Fortuna peregi: Et nunc magna mei sub terras ibit imago. Urbem præclaram statui; mea mœnia vidi ; Ulta virum, pœnas inimico a fratre recepi ; Felix, heu nimiùm felix, si littora tantùm Nunquam Dardaniæ tetigissent nostra carinæ ! Dixit, et os impressa toro, Moriemur inultæ !
Sed moriamur, ait. Sic, sic juvat ire sub umbras.
Hauriat hunc oculis ignem crudelis ab alto Dardanus, et nostræ secum ferat omina mortis.
Dixerat; atque illam media inter talia ferro
Collapsam adspiciunt comites, ensemque cruore Spumantem, sparsasque manus. It clamor ad alta Atria; concussam bacchatur fama per urbem ; Lamentis, gemituque, et fœmineo ululatu Tecta fremunt; resonat magnis plangoribus æther. Non aliter quàm si immissis ruat hostibus omnis Carthago, aut antiqua Tyros, flammæque furentes Culmina perque hominum volvantur perque deorum.
« PreviousContinue » |