IV. De effusione sanguinis Christi in remissione peccatorum. An holy prayer here bygynnes, In remedy of seuen dedly synnes. Vij. blodes Crist he bled, The fyrst in his circumsycyon, The secund in holé oresown, The deth when that he dred; The vii. blode ran out of his hert wete, In his mon-heed. In tyme of his passcion, Here fore our redemcion, His blesful blod he bled! O Jhesu, fore the blod thou bledyst, In thy circumcecion, That I have synnyd in lechoré, That stynkyng syn forezyf thou me, And my delectacion. O Jhesu, at the mount of Olefete, O Jhesu, thi payns were ful strong, When the skorgis both scharp and long, To the, Lord, mercé I cry, Thou kepe me out of glotoné, And helpe me at my ned. O Jhesu, fore thi scharp croune, About thi fayre face, Ther proud in hert I have be, Lord unbuxum to the, Grawnt mercé and grace. O Jhesu, as I understond Thou ched blod at both thi hond, When thai were naylid, Thou cast me out of covetyse, And graunt me grace sone to aryse, Of syn when I am seylid. O Jhesu, thou bledyst more blod, Wen thou wast nayld apon the rood, Throz thi fete with naylis. Let me never in slouth stynke, Bot grawnt me grace for to swynke, O Jhesu, blessid be thi bones, Fore blod and water thou chedist at once, Out of thi pressious hert. Out of wrath kepe thou me, And grawnd me love and charyté, For thi wondis smert. O Jhesu, for the peler strong, Thi bodi was bound therto with wrong, That holé cherche as bound me to, Grawnt me grace that fore to do, Lest I be chamyd and schent. O Jhesu, fore thi blesful face, Thou betoke Veroneca bi grace, That face be ne consolacion, And to the fynd confusion, That day when I schal dye. O Jhesu, fore thi holé cros, Fore our syn sake. That cros be my proteccion Azayns my nenmys everychon, Weder I slepe or wake. O Jhesu, fore thi naylis thre, Y-drevyn with gret distres; O Jhesu, fore the vessel also, That I have synd in glotency, That me hath thozt ful swete. O Jhesu, fore the charp spore, That throz thyn hert Longyus can bere, Thou perse me hert with contricion, As thou 3if him his sy3t. O Jhesu, fore the lovelé ladder, Thou graunt me contemplacion O Jhesu, as Josep of Haramathé In his monument, Fore thi gloryous resurexion, And thi marvelis assencion, In worchip of thi holé passion, xv. pater noster y say; And xv. avés to Our Lady, Fore heo is the wel of al pyté, That heo wel fore me pray. He that says this prayere He worchips euere wonde; Wherefore y pray 30ue specialy 3oure souls 3e may save; Fore Crist hath grawndtid seche a grace, That other schal no3t have, That ffulfyld not this prayere, And worchipd not his passion wyle thai bene here With devocion; Thes that to him be unkynd, He wil not have ham in mynd, In here trebulacion. |