5

"O dinna ye min', young man," she says,
"When the red wine ye were filling,

That ye made the healths gae round and round,
And ye slighted Barbara Allen?"

6

He turn'd his face unto the wa',
And death was wi' him dealing:
"Adieu, adieu, my dear friends a';
Be kind to Barbara Allen."

7

As she was walking o'er the fields,
She heard the dead-bell knelling;
And every jow the dead-bell gave,
It cried, "Woe to Barbara Allen!"

8

"O mother, mother, mak' my bed,
To lay me down in sorrow.
My love has died for me to-day,
I'll die for him to-morrow."

WILLIE AND MAY MARGARET, OR THE WATER OF CLYDE

I

WILLIE stands in his stable,

A-clapping of his steed;
And over his white fingers

His nose began to bleed.

"Gie corn to my horse, mither;
Gie meat unto my man;

For I maun gang to Margaret's bower,
Before the night comes on."

3

"O stay at hame, my son Willie !
The wind blaws cold and stour;
The night will be baith mirk and late,
Before ye reach her bower."

4

"O tho' the night were ever sae dark,
O the wind blew never sae cauld,
I will be in May Margaret's bower
Before twa hours be tauld."

5

"O bide this night wi' me, Willie,
O bide this night wi' me!
The bestan fowl in a' the roost

At your supper, my son, shall be."

6

"A' your fowls, and a' your roosts, I value not a pin;

I only care for May Margaret,

And ere night to her bower I'll win."

9

As he rade over yon hie hie hill,
And doun yon dowie den,
There was a roar in Clyde's water
Wad fear'd a hundred men.

ΙΟ

But Willie has swam through Clyde's water,
Though it was wide and deep;

And he came to May Margaret's door
When a' were fast asleep.

II

O he's gane round and round about,

And tirled at the pin,

But doors were steek'd and windows barr'd,

And nane to let him in.

12

"O open the door to me, Margaret! O open and let me in!

For my boots are fu' o' Clyde's water,

I'm shivering to the chin."

13

"I daurna open the door to you,

I daurna let you in;

For my mither she is fast asleep

And I maun mak' nae din."

14

"O gin ye winna open the door,
Nor be sae kind to me,

Now tell me o' some out-chamber,
Where I this night may be."

15

"Ye canna win in this night, Willie, Nor here ye canna be;

For I've nae chambers out nor in,

Nae chamber but barely three.

16

"The tane is fu' to the roof wi' corn, The tither is fu' wi' hay;

The third is fu' o' merry young men, They winna remove till day."

17

"O fare ye weel, then, May Margaret, Sin' better it mauna be.

I have won my mither's malison
Coming this night to thee."

18

He's mounted on his coal-black steed,

O but his heart was wae!

But e'er he came to Clyde's water,

'Twas halfway up the brae.

19

When down he rade to the river-flood, 'Twas fast flowing ower the brim; The rushing that was in Clyde's water Took Willie's rod frae him.

20

He leaned him ower his saddle-bow
To catch his rod again;

The rushing that was in Clyde's water
Took Willie's hat frae him.

21

He leaned him ower his saddle-bow

To catch his hat by force;

The rushing that was in Clyde's water
Took Willie frae his horse.

22

"O I canna turn to my horse's head; I canna strive to sowm;

I've gotten my mither's malison,

And it's here that I maun drown!"

23

The very hour this young man sank
Into the pot sae deep,

Up waken'd his love, May Margaret,

Out of her heavy sleep.

24

"Come hither, come hither, my minnie dear, Come hither, read my dream;

I dream'd my love Willie was at our gates, And nane would let him in.”

25

"Lie still, lie still, dear Margaret,
Lie still and tak' your rest;
Your lover Willie was at the gates,
'Tis but two quarters past."

26

Nimbly, nimbly rase she up,
And quickly put she on;
While ever against her window
The louder blew the win'.