happin to be thairat, hes fund James Steyne cordoner, burges of Glasgw, cautioune and souertie for thame under the pane of ten merkis money, thai bund to releiff thair souerties anent the premissis.

APR. 23.-Quhilk daye the presbiterie ordenis Mr Alexander Levingstoune persone and minister at Monyaburcht, to summound dame Eline Hay ladie Levingstoun to this daye xv dayes, to compeir befoir thame vnder the pane of excommunicatioun. And that the said ladie may be winn to God, the said presbiterie ordenis Mr Patrik Scharp principall of the College of Glasgw and Mr Johnne Couper to pas to the said ladie on Fryday this oulk, and confer with the said ladie anent the heidis of relligioune; and quhat thai sall find in the said ladie tuiching the groundis of relligioune, that thai report to the said presbiterie this daye xv dayes, na wayes prejudgeing the summounding of the said ladye to the said daye.

Twa Sondayes to serve for the ministratioune of the Sacrament of the Supper of the Lord Jesus to the parochineris of Campsie.-THE presbiterie thinkis that the minister of Campsie may ministrat the Sacrament of the Supper of the Lord Jesus to his parochineris on twa Sondayes allanerlie, and thairfore ordenis him to content him with the said twa Sondayes, and his parochineris to convein on twa Sondayes, and to lippin for na mae Sondayes togidder bot onlie the said twa.

APR. 30.-Quhilk daye the presbiterie of Glasgw ordenis Stevin Auldcorne for wirking on the Sondaye, to paye to the thesaurer of his kirk of Ruglen xx š. on Sondaye nixt tocum, and to mak his repentance publictlie ane Sondaye.

MAII 7-Aganis Pyperis and playeris on the Sondaye.-Quhilk daye the presbiterie of Glasgw statutis and ordenis, that gif Mungo Craig sall playe on his pypes on the Sondaye fra the sunne rysing quhill the

sunn goinge to in ony place within the boundis of this presbiterie, that he incontinent thaireftir salbe summarlie excommunicat. Lykwise statutis that wpone the Sondaye in the said tyme, nane gif thame selfis to pastymes and profane gaymes within the said boundis, wnder the pane of the censures of the kirk, and this to be intimat furth of pulpet the nixt Sondaye be everie minister within this presbiterie, and specialie be the minister of Ruglen.

MAII 28.-Quhilk daye the moderatour and brethrene in the presbiterie of Glasgw statutis and ordenis, that thai quha are put on the privie exercise be auditouris of the lessonis of theologie in the college teichit be the principall in the said college; in case thai be not auditouris of the said lessonis thair, thair previe exercise na wayis to be haid or allowit.

JUL. 2.-Quhilk daye the presbiterie ordenis James Mitchell in Balmoir to do his dewtie to Marioun Layng his spous, leprous in all thingis; and the minister of Campsie to see this put to executioun, and nychtbouris to thame to concurre to that effect; and quhat the said minister and nychtbouris sall think best to be done betwixt the saidis James and Marioune, to be reportit to the kirk this daye xv dayes.

THE presbiterie ordenis Johnne Kincaid of Auchinreoche, for byding fra his parroche kirk and fra the communioune, remaning stubburne to the citationis and admonitionis of the kirk, and not presenting his barne to baptisme, to confes his offens the nixt Sondaye in his paroche kirk, standing in sum part of the kirk, as he salbe callit wpone be his minister. And siclyk ordenis the said Johnne wnder the pane of tuentie lib. money to find souertie that he sall cum to his paroche kirk heireftir, salbe present at the communione, sall nocht byd admonitionis and citationis of the kirk, and sall present his barnis that God sall send to baptisme; Johnne Clerk souertie for him wnder the said pane, that the said Johnne Kincaid sall obey the foirsaid ordinance of the kirk.

Na corps to be laid in the lairis of uther folkis bot thair awin.THE presbiterie ordenis that na corps of persones within ane parochin be brocht and laid in the kirk yairdes of wther folkis parochins in ony tymes tocum, and that for eschewing of inconvenientis that hes arrysit wpone the inbringing of the bodies of the deid of ane parochin into the lairis of parochineris

JUL. 29.-Quhilk daye, becaus that George Wilsoune merchand, burges of Glasgw, is becum cautioune and souertie for Andro Young in the parochin of Campsie, content to marie Cristein Miller in the said parochin, that sall marie God willing the said Cristein within ane monethe nixt tocum, abstein fra hir quhill he be mareit wpone hir, and mak na brydellis deirir nor xl d. ilk persone that salhappin to be at the mariage, under the pane of ten merkis money. The said Andro bund to releiff his said souertie anent the premissis.

Nov. 5.-Office of the ringing of the bell of the Deid ecclesiasticall. -Quhilk daye the presbiterie declairis the office of the ringing of the bell to the buriall of the deid to be ecclesiasticall, and that the electioun of the persone to the ringing of the said bell belongis to the kirk, according to the auncient canonis and discipline in the reformit kirk.

THE presbiterie ordenis Mr David Wemes to pas to the lard of Mynto the nixt Frydaye, and to desyre him to be present in the presbiterie wpone the xij day of this instante, thair to give his avise for provyding of a minister to the parochin of Glasgw; and to desyre him also to cause warne sum speciall honest men to be present the said daye, to give thair avise in the said mater.

JAN. 28. The presbiterie, in respect that James Armour is in greit det, thairfoir can nocht ordein Helein Bar to be mareit wpone him.

The Presbiterie fund Juges to the cognitioun of ony sclandir mowit aganis ony of thair Presbiterie.-THE quhilk daye the moderatour and brethrene of the presbiterie of Glasgw, findis thame juges competent to the cognitioun of ony sclandir mowit raisit aganis the persone of ony minister within thair presbiterie.

MAR. 25.-Quhilk daye compeirit personalie Robert Matthow in Barchagrie, quha is accusit to have followit Thomas M'Nair, and to have teuliit him in the porche of Govane kirk immediatlie eftir sermoun, wpone Sondaye the xvi daye of Marche instant, and thaireftir to have maid ane braule to ane sword in the kirkyaird of Govane, with mony boasting wordis that he suld banneis the said Thomas the kirk and kirkyaird of Govane, quhairby the minister of Govane wes trublit in the ministratioune of the sacrament of baptisme. The said Robert denyis the accusatioun foirsaid led aganis him, and is ordenit to compeir before the presbiterie this day xv dayes; the said Robert summoundit apud acta to the said daye, and a witnes ordenit to be summoundit to the said daye.

APR. 22.-Parochineris of Glasgu.-Quhilk daye the presbiterie having ressavit of the parochineris of Glasgw ane hard ansuer to the articles gevin in be the said presbiterie to thame, craving that the said parochineris resort to ane kirk of thair awin, and that thai have ane pastour of thair awin. In hope of better ansuer to be gevin be the said parochineris to the said presbiterie, the said presbiterie contineuis thame wnto the last daye of Aprile instant, summounding thame to the said daye to compeir in the Blak Freir kirk of the said citie, at ten houris before nwne. And in the meintyme, the said presbiterie requestis the honorabill Valter Commendatour of Blantyre to be present the said daye, and ordenis ane requeist to be writtine to schir Mathow Stewart of Mynto knicht, baillie of the baronie and regalitie of Glasgw, to be present the said daye, to give thair avises how the said parochineris may

have ane pastour of thair awin and ane kirk of thair awin in tymes to cum, to avoid the great confusioune that lyis wpone thame presentlie be not having the same.

THE presbiterie of Glasgw ordenis the minister of Campsie to wse his diligence for to have the sclander lyand wpone the lard of Kilsyth elder and his ladie remowit, and his kirk repairit betuix and Witsondaye nixt tocum, and that conforme to ane Act of the last Synodall Assemblie.

THE presbiterie of Glasgw ordenis Johnne Scott officiar to the kirk of Campsie, sclanderous in his lyfe and conversatioun, to be tried be the minister and elderis of Campsie anent ane complaint gevin in be his minister aganis him; and as the said minister and elderis sall find the said Johnne to deserve, that thai proceid with the said Johnne.

MAII 20.-Quhilk daye compeirit dame Christiane Grahame ladie Kilsyth, and being accusit for diverting fra schir Williame Levingstoun of Kilsyth knicht hir husband, ansuerit that it is nocht in hir default, for as it sall pleas the said schir Williame hir husband to have hir as his spous, scho promeisis to be obedient, as Goddis word dois prescryve. In respect of the absence of hir said husband, the presbiterie contineuis hir to ane new warning; and in the meintyme ordenis the said schir Williame to be summoundit be the minister of Campsie, to compeir befoir the presbyterie foirsaid this daye xv dayes.

QUHILK daye compeirit personalie Johnne Stirling in Garnekirk, and grantis he drew his quhinyeir and come in at the kirk dure of Cadder wpone Sondaye, the tyme of the ministratioun of the Supper of the Lord Jesus. The brethrene having the rycht honorabill schir Mathow Stewart of Mynto knicht baillie of the baronie and regalitie of Glasgw present with thame, quḥa hes hard the said Johnne confessioun, as also depositioun of certane famous witnes, sworne and examinat be thair greit aithe quhat the said Johnne Stirling did in the kirk of Cadder wpone Sondaye the ferd daye of Maii instant; Thairfoir the said brethrene re