the box of the puir, and instantlie delyuerit to Mr David Lyndsay thair Minister.

DEC. 16.—Issobell Clark usurare and the kirk.—The said day, Issobell Clark being delatit to the kirk as ane usurar and lenner of money for proffeit, being warnit to this day and compeirand; and being inquirit gif scho usis to lene ony money, declarit that scho lenis nane; and being inquirit gif scho usis to ressave ony proffeit for lennyng of money, declaris that scho usis to ressaue nane; and being inquirit gif scho had lent ony money to Robert Fargusoun, confessit that scho had lent him xxs; and being inquirit quhat proffeit scho suld haue oulklie thairfoir, confessis that scho suld haue iiij s oulklie thairfoir, &c.

DEC. 30.-The said day, Dauid Kaueris is content to imbres the religioun that now is professit within this realme, and to renunce the Mes, the Paip, and all papistrie, and is content to submit himselff to the disciplene of the kirk, and to be participant of the sacramentis therof in all tyme cuming.

JAN. 6.-Complaint against Walter Thomsoun and his Ansuer.— Anent the complant maid be Johnne Dury minister to the sessioun of the kirk of Edinburgh upoun Walter Thomsoun messenger, beiring that the said Walter laitlie spokin and fawin in ressonyng and questioun with Johnne Seytoun lytster, affermit that the prayar for the deid is necessar; and for affirmatioun of his ressonyng allegeit that Judasmakabious had send to Juresulem certane sikkillis of siluer to pray for the deid, quhilk wes contenit in the bybill; to the quhilk it wes ansuerit be the said Johnne Seytoun, that the buik of the Makabeis wes apographa, and sua wes not in the canon of the Ebrewis, and it wes not the ditment of the spreit of God, and sua na cradeit aucht to be gevin thairto. The said Walter being warnit and compeirand, and being inquirit gif he had proponit that questioun to the said Johnne or not, declarit, that he proponit

the samyn indeid, bot he wauld not beleif that the prayar for the deid is necessar, nather yit wald he efferme ony Purgatorie to be, and wauld be content to satisfie the said Johnne for his offence, &c.

Ordinance to Edward Hendersoun.—The said day, the kirk ordanis Edward Hendersoun and his soune, to sing the salmis on the preching dayis in sic touns as ar maist colmoun for the kirk.

JAN. 13.—Item, that the saidis baillies (Johne Arnot and Nycoll Uddart) confar the morne with the counsall to prouid remeid for sic as contractis mariage by the consent of thair paranthis, and als to requeist the remanent bailleis and counsall to put ordour to sic commone drinking and dansing housis fra aucht or nyne houris at ewin past.

JAN. 20.-Ordinance with ane requeist to the Counsall.-The kirk ordanis Johnne Adamsoun, George Gibsoun and Johnne Johnestoun to pas the morne to the counsall and ernistlie requeist thame to follow out the ordour begoune for the Puire; and als to tak ordour with drinking and dansing housis fra aucht or nyne houris at ewin bak; and sicklik to maist ernistlie requeist that thai on nawayis dispence with the aucht act of Parliament maid anent the punisment of Fornicatouris, and sicklik to put ordoure and punisment with oppin and manefest adulthereris, &c. and to report thair ansuer agane this day aucht dayis.

FEB. 3.-Ordinance for the Wemen that remanit within the Castell.The said day, eftir lang ressonyng, with votting past thairin, nocht only of the kirk present, bot als of the kirk preceding the last kirk hes ordanit the wemen that remanit within the castell induring the lait trublis and seage thairof, sall satisfie the kirk according to the injunctionis maid, &c.

FEB. 10.-Neill Layng and the kirk.-The said day, Neill Laing being delatit to the kirk for violating and breking of the ordinance of the kirk,

P

for the causing of the making of the pompious convoy and supperflouis banketting to Margerat Denelstoun the day of hir mariage, &c. The said Neill compeirand, denyis that thair wes ony supperflouis banketting maid be him, and confessis the said pompyus convoy, and sua the said ordinance to be brokin in that part, &c.

FEB. 24.-Mr Robert Hamiltoun producit his commissioun.-The said day compeirit Mr Robert Hamiltoun minister, for himself and as commissioner of his kirk, and producit his said commission, &c. to compeir befoir Maisteris Johne Spottiswod superintendent of Louthyane, Mr Robert Pont provest of the Quenis College, deput be the Generall Assemblie, &c.; and thaireftir the said Mr Robert desyrit to sie the commissioun, quhilk being delyverit to him, allegeit the precept wes generall in that part beiring to ansuer super inquirendis, and thairfoir desyrit the heidis quhilkis thai wald inquire of him to be pendit, thaireftir delyverit to him to gif ansuer thairto; of the quhilk heidis the tennour followis, &c.—

The articlis quhairupoun the Minister of Sanctandrois wes examenit. Item imprimis, To inquir Mr Robert Hamiltoun minister of Sanctandrois, quhairfoir the act of the Generall Assemblie wes nocht keipit anent the Fasting.

ITEM, To inquir quhat is the caus that at that tyme Robin Huidis playis wes sufferit to be playit, and thairthrow prophanand the Fasting. To inquir gif ane clark play wes playit at the tyme of the preching at the mariage of Thomas Balfouris dochteris.

ITEM, To inquir him upoun the publict schutting at the Papingo the tyme of the said fast, himself beand ane.

ITEM, To inquir him of the want of the exerceis.

ITEM, To inquir him upoun the want of the preching oulklie on the Fryday, and on Sonday eftir nowne oft tymeis.

QUHILKIS heidis being delyverit to him, the said Mr Robert producit his ansuer thairto; of the quhilk the tennour followis:

The productioun of the Ministeris ansueris to the articles.-In primis, concernyng the keping of the fast; albeit the day preceislie wes nocht observit, and that in respect we knaw nocht sic ane universall ordour to have bene taine, yit it wes observit, and concludit with the Ministratioun of the supper of the Lord, according to the ordoure observit hidderto in our kirk, with all possible haist as sone as we wes certifeit of the samin act: As to the secund, concernyng the suffering of Robine Huidis playis, certane servandis and young childering plaid thame certane dayis . . . alwayis the kirk bayth prevatlie in thair assemblie, and I publictlie in tyme of preching dischargeit the samin as it is notoriouslie knawin, and desyrit the magistrattis to tak ordour thairwith: Thrid, ane clark play wes plaid be the scollouris of the Grammer scull, bot nocht at the tyme of preaching, and yit for causis moving ws we dischargeit the Maisteris to play the samin: Fourt, as tuiching the schuting of the Papingo the tyme of public fasting, or yit upoun ane Sonday as sum speikis, I knaw not; alwayis trew it is, upoun ane Monenday eftirnowne the Papingo being appoyntit be Johne Walker bowar, syndery boyith of the citie and gentillmen upaland schot at the samin: Fyft, as for the want of the exerceis, &c. the caus is to be imputt as wilbe cleirlie provin to the Ministeris, &c. Sext, concernyng the caus of wanting of preaching, &c. it is to be laid upoun the Bischope and thame that had the charge, quha beand burdenit be the Generall Assemblie, to have providit sic concurrance in the Ministrie of Sanctandrois, as maister Guidman and sic uther had in thair tyme did not performe the samyn; and as for my awin part hitherto, I have travellit according to my promes as habilitie of body servit; sic subscribitur Mr Robert Hamiltoun.

MAR. 3.—The alteratioun of the houre of prayar.—The said day the kirk ordanis thair minister to signifie to the kirk upoun Sonday nixt to cum, that the hour of prayar is alterit; the said prayar to begyne at

sevin houris in the mornyng, and fyve houris at ewin, and swa to continew quhill farder ordour.

MAR. 31. 1575.—Neill Laingis delatioun to the kirk.—The said day, it is reportit and declarit to the brether of the sessioun, that Neill Laing the day of the mariage of Patrik Turnour and Margerat Deneldstoun had all togidder violatit and transgressit the act and ordinance of the kirk maid anent Mariage, inhebeting and forbydding nocht only supperflouis and ryatus bancatting, bot als the pompius convoy of the bryd growme and brid, and thairthrow the said act to be violatit and brokin to the greit sclander of the kirk, quhilk as yit is unremovit; and forder, it is declarit that the day foirsaid the said Sir Neill said and declarit thir wordis following in grit disdane and disspyt, that he rather wald be of the devillis kirk nor be of the kirk of this burgh, and that he sould neuir be ane member thairof, and wald nocht knaw the samin as the kirk, and that the elderis and deaconis wer bot fallowis, with sic uther maist opprobrius and disspytfull wordis sounding to the lik purpois and effect &c. to the greit sclander of the kirk, &c.

APR. 7.-Neill Layngis purgatioun.-The said day, Neill Layng being warnit to this day to ansuer super inquirendis and compeirand, and being inquirit quhy he had transgressit the act and ordinance of the kirk maid anent Mariage, inhebiting not only of the pompuis convoy of the bryd and bryd growme, viz. Patrik Turnour and Margerat Denelstoun the day of thair mariage, &c. the said Sir Neill ansuerit that he had gevin his declaratioun thairupoun of befoir; and forder, being inquirit gif he the day of thair said mariage, declarit and said thir wordis following, that he rather would be of the deuillis kirk nor of the kirk of this burgh, and that he sould neuir be ane member thairof, nor knaw the samin as the trew kirk, and that the elderis and deaconis thairof wer bot fallowis, with sic uther maist opprobrius and disspyt wordis, &c. The said Sir Neill