Jesu, mi lif, Jhesu, my kyng,
My soule haveth to the zyrnyng;
When thi wille is, to the hire bryng, Thou art suetest of alle thyng.
Jesu, that deore bostest me,
Make me worthi come to the,
Alle mi sunnes for-3ef thou me,
That ich with blisse the mowe se.
Jesu, so feir, Jhesu, so briht,
That I biseche with al my myht,
Bring mi soule into the lyht,
Ther is day withoute nyht.
Jesu, thin help at myn endyng,
Ant ine that dredful out wendyng,
Send mi soule god weryyng,
That y ne drede non eovel thing.
Jesu, thi grace that is so fre
In siker hope do thou me,
At-scapen peyne ant come to the,
To the blisse that ay shal be.
Jesu, Jesu, ful wel ben he
That yne thi blisse mowen be,
Ant fulliche habbe the love of the!
Suete Jesu, thou graunte it me!
Jesu, thy love haveth non endyng,
Ther nis no screwe ne no wepyng,
Bote joie ant blisse ant lykyng;
Suete Jesu, hare-to us bryng! AMEN.
Une petite parole, seigneurs, escotez,
De ce que je vus counterai ne me blamerez; Mès moltz des biens apre[n]dre,
Si vus volez entendre,
Trestous vous poez.
Adam fust premerement
Le premer fet de tote gent,
Après Dieu meismes fust fourmé,
Come en Escrit nus est mostré ;
E Eve de soun un costé,
Come Dieu voleit, fust taillé,
La quele primes fist pecchié,
Dount nus fumes touz dampné.
Ce vist Jhesu le Salveour,
De tot le mound creatour,
Que en li fust nostre socour,
Nostre eyde e nostre honour;
Honme devynt e enfaunt,
E pur nus soffry peyne graunt;
Molt nus fust verroi amaunt,
Ne se feyna taunt ne quaunt,
En la croiz si fu mounté,
E soun cuer par mi percé.
Alas! qe tant serroit pené,
Cil qe unque ne fist pecchié !
Des espines fust coronée,
E d'escourges flaelé,
Fel à boyvre ly fust doné.
Molt devoms aver grant pieté
De sa benigne humilité ;
Ne fust orgoil en ly trové,
Que pout tendre à nul pecchié ;
Pur ce vus pri remenbrez
Quei il soffry pur nos pecchiez,
E de ly sovent pensez,
Quant vus estes rien temptez,
De pecchié fere ou folie,
De averice ou envie,
De hayne ou de lecherie,
De coveytise ou glotonie,
Ou de orgoil ensement,
Qe est racyne verroiement
De tous mals ou de tous pecchiez :
Pur Dieu! de ly vus Dieu gardez!
Quar Lucifer par cel pecchié,
Que fust de Dieu molt bien amé,
E en ciel molt halt mounté,
En enfern chiet tot parfound,
Là où touz remeyndrount
Que en orguil sunt pris,
Yleque serrount il tot dis;
E pur ce si vus seiez
En grant honour enhauncez,
E de grant saver aournez,
Ou de grant force on bealtez,
De ce ne vus enorguyllez,
Pensez de vus meismes salver,
E quant temps est à Dieu servyr,
Ne pas tous jours à gayner;
Ne facez pas come les uns fount,
Que de Dieu rien ne pensount,
Mès tot ount doné lur cuer
Nuit e jour à lur gaigner,
Des queux il fet à merviler,
De Dieu ne pensent, ne de sa mort,
Mès si il puissent rien à tort
Gaygner par nulle faucine,
Ou par robberie ou par ravyne,
De averice sunt englywé,
Q'est un mortel pecchié,
Jamès ne quident assez aver;
Mès come la terre lur dust failer ;
De quele gent fet à doter,
Si il ne se vueillent amender.
Pur ce vus pri-je bonement
Qe vus donez entendement,
E ce qe vus oiez counter,
Afforcez-vus de ce tener,
E après cel trestouz overyr.
Ne coveitez pas autrui bienz
A tort aver pur nulle rienz;
Mès qe dount vivre assez eyez,
Lealmentz travilez;
E si rien eiez à tort,
Purpensez-vus devant la mort
Yce rendre, si vus poez,
A ly de qui vus le
Si il seit mort qe vus quidez,
Pur sa alme le donez,
Issi qe en peril ne seiez,
Pur ce qe devant Jesu
De respoundre sumes tenu
De quanqe nus avoms rescu;
Molt serra estroit acounte,
Molt en averunt il grant hounte
Que lors serrunt accusez,
E de lur pecchiez reprovez :
Touz nos faitz e touz nos ditz,
Que en pecchié nus ount mys,
Serrount en nos frountz escritz;
Yl n'y avera nul pleder,
Jour de amour, ne acorder,
Ne nul qe purra acounter
Pur argent ne pur or gaygner.
Alas! que froms nus ycel jour,
Quant Jesu vendra, le Salveour,
Trestot come il fust crucifié,
E come il fust des Gyws pené,
E come il fust al cuer naufré,
|