nature occurred in the course of it, to return home and again consult the oracle, and then, if favorable, to repeat their course to the original place of destination. The advice of Achilles then is to this effect: "Let us, Atrides, trace our winding way back to Greece; and having there consulted the oracle, again resume our position before Troy."
CAMBRIDGE TRIPOSES, FOR 1823.
WE present our readers with a curiosity in literature, a satirical version of the late warlike Council of Paris.
Lex clauda metri est: ipse rex podagrosus.
Nor will it be difficult to make out the other worthies alluded to, Villèle, Chateaubriand, Montmorency, Talleyrand,
Tum miles tremulus posita tulit arma tiara,
Et ruit ante aram summi Jovis, ut vetulus Bos, Qui domini cultris tenue et miserabile collum Præbet, ab ingrato jam fastiditus aratro.-Juv.
AT, O Deorum quicquid has amat turres! Quid iste fert tumultus? ingruit dirum Ubique murmur! mille sæviunt voces, Raucum querelæ, raucius sonant diræ : Audin'? rotarum crescit horridus clangor, Fremitus equarum, et imminentis aurigæ Concinna verba, dum pavor puellaris Lugubre plangit, et fenestra, subvecto Quassata curru, tinnit asperum carmen. Hæc illa lux est, qua vocat Senatores In Curiam litemque Galliæ magnus Sanctissimusque Rector! O dies alba Nota notanda! per gravem ruo turbam; Juvat furentes principes, et insanas Videre buccas Rhetorum, juvat barbæ Audire nugas, et meo frui risu! Adsunt in æde Principes: et in primis Vacillat æger anxiusque turbato Villela fronte; tardus auctor amentem
Ciere ludum, candidaque vagina Periculosos evocare mucrones. Adest sagacis Atalæ gravis vultus, Lauru decorus, senior, at levis semper Facetiarum alumnus et Camoenarum. Accedit ille, grande nomen, et prisca Celebre fama, qui repulsus, et Martis Discutere somnos impotens, vagi nuper Currus habenas liquit; et suo cœtu Privatus abdit sese, et intus iratus Furiasque mussat, et sui faces belli. Juxtaque Vir, qui, Galliæ laborantis Præsesque Pontifexque, pertulit multos Cautus tyrannos, calluitque diversa Mulcere fata, et plurimo dolo pollens Inter procellas senuit et nives tutus. Adest et ipse Rex, et, eloqui factus, Miseranda cornicatur, et tremit totus; Dum Principissæ, dumque Principes circum Gutture manuque, quem decet, strepunt plausum. Heu! pinguis Umbra! fulmina et minas odit, Demosthenenque Tulliumque nimbosum Illis remittit, quos amat favor vulgi, Quos laurus ambit; ipse, jure divino, Blæsas susurrat gratias loquelarum, Qualesque mos est regiam loqui linguam. Viri, meorum prima cura Gallorum Grandes, gravesque, fervidique, canique, Duces, Sophista, Rhetores, quibuscunque Rex sum, bonorum gratia Britannorum, Favete linguis-" et favere sunt promti, Nam suavius quid regia sonat lingua?
"Illa atra Pestis, illa Corsica febris, Ille impiorum pessimus tyrannorum; Solitus superbos frigore et nivis mole Transire montes, turpis, et pios reges Inusitato concitare clangore,
Solitus catervas territare Plebeias,
Dum perque vicos perque Martium Campum Frænis furores flecteret Caballinos,-
Boare solitus, æreæ tubæ ritu,
Aquilas, tropæa, sanguinem, truces enses,- Per omne solitus fas nefasque dementer Discurrere, rapere, furere, O pudor Divum!-
Mei et meorum terror iste sub terra Jacet tacetque :-luridæ jugo rupis Tandem alligatus, criminum luens poenas, Qua semper unda cærulum daret vinclum, Semperque binæ vellerent jecur pestes, Hinc crassus Aër, inde crassior Custos- Morosus, æger, garrulus, merum virus, Orciniana jam latescit in sponda, Uda cupressu tectus, unde sopitum Nulla improborum vota, nullus armorum Fragor reducet, nulla cura cerdonum. Ergo alma Virtus, ergo Pax, et antiquus Ordo renidet, ergo Curiæ et Templi
Vox nota surgit, innocens micat Ludus, Pinguescit iterum Sulcus, et Sacerdotes, Honorque crescit Regis, et Cucullorum.
"At heu! serenum nubilis tumet cœlum, Interque flores, et jocos, gravem spirat Sonum procella! fervidos Iberorum Video tumultus, qui per arva perque urbes Infanda moliuntur, arma clamantes Et jura Libertatis, et domum tutam, Legem, fidemque, et quicquid ora Gallorum Implevit olim, cum cruor mei fratris Crudele sanctis imbuit solum guttis. Idem resurgit horror! occidit Virtus Inominata morte, sub rosa nemo "Confiteor" ore mussat, occidit totum "Jubilate," totum præterit "Pater noster," Crepitus piorum præterit flagellorum. Ipse inter arma Vir gregis, caput sanctum, Phrygio Loretti regius, colo pollens, Pallet pavetque, jussus ore divino Plebeia dicere, et novas pati leges. At eja! restat Ultor! irruit velox Vindicta, nostræ rite fulta virtuti. Pietas verenda sic jubet, jubent mores, Germaniæque dux, et ille Russorum Pius Imperator, Omnipotens Alexander. Ergo ite fortes, ite corda Gallorum Robusta, perque rupis asperos colles Angustiasque, tristiumque Sylvarum Graves tenebras pellite trepidos hostes, Jugulate, verberate!-Concitate, oro,
Enses facesque, spemque divitis laurus Ignesque cassidasque, et Gloriæ vocem, Deos Deasque, et quicquid inter umbrosos Nemorum recessus rustica canunt Musæ. Utinam per arma Gallici comes belli Titubare possem, dexteraque gemmatum Vibrare ferrum, fortiterque commissam Pugnam videre, milites, equos, plumas! "Obstant iniqua Fata! sed precor vobis Pericula inter, ille Sanctior Sanctis Velit favere Ludovicus, et signis
Adsit patronus, quæ pius feret Princeps, Verissimeque viscere e meo natus."
Finem loquendi fecit: hic pius Princeps Verissimeque viscere regio natus, Pellicula putris, totus integer morbus, Capulum, tuens acerba, nobili belle Digito prehendit; inde palluit, tanquam Adesset ipsi Curiæ et throno Regis Cum fuste furibusque barbarus Mina.
At o Machaon, tuque doctior Phoebe, Adeste tota copia lagenarum, In morionem, si placet, coronatum ; Cui Fata præbent patrio frui sceptro, Et gerere vestem non, ut ante, donatam, Vehique curru non, ut ante, conducto, Et flectere genua, et vorare perdices, Et esse mensis fabulam Parisinis, Et de Theatris cœenulisque Sanctisque Largum Nihil garrire; dum jocos nectit, Avunculique regium pavet ventrem, Avunculique regium capit mentum Illa alta proles, ille tot diu votis Quæsitus infans, ille parvus Æneas, Qui jam tumescit, et tyrannus incedit, Sceptrumque poscit, et feras trahit rugas, Et pultibusque laudibusque nutritur. Morum fidelis arbiter, probus judex, Hispaniæque terror, et Dei Vindex, Hæc inter, ægro desipit senex ævo; Totusque pinguis, pulcher, et pater gentis, Optatus" audit, et peribit Optatus.
Instar veris enim vultus ubi tuus Affulsit populo, gratior it dies, Et soles melius nitent.-HOR.
NON fera bella cano, non grandi carmine Martem Dicere ferventem medio certamine conor; At memorare virum Tamesis qui nuper ab ora, Coelicolum ductu, Borealia regna petivit. Musa, mihi faveas clemens, nec linquere sedem Castaliam dubites; tecum ut præconia laudis Tollam, dum versu regalia facta celebro.
Purpureis invecta rotis Tithonia conjux Lumine jam primo noctis summoverat umbras: En! littus populi conferta corona frequentat, Applausu reboant mixto palatia cœli,
Jamque per Oceani tractus volat aurea puppis. "Princeps care, vale! vultu Fortuna sereno "Te faveat, referatque domum mox alite dextro." Talia vota ferunt homines: "Tuque, Æole præceps, "Da facilem cursum, neque faustis abnue coeptis; "Vos, o Nereides, magnum deducite Regem." Haud mora-cæruleus pelagi pater emicat alto Gurgite, summissosque jubet requiescere fluctus; Nutu compositus dormit sine murmure pontus. Fortibus interea Scotis fovet anxia corda Magnanimum patriæ patrem spes læta videndi. Cecropiæ veluti volucres æstate serena Floribus in summis coëunt, aut agmine denso Insidunt ripis fluvii tractimque susurrant:Sic confusa cohors hominum glomeratur ab omni Parte Caledoniæ, stipataque littora cingit. Suspensa trepidant mentes, vox faucibus hæret, Aut dubius crepitat sermo, lenesque susurri. Eminus at tandem spatiosa volumina fumi Adventum pandunt classis; pennata per urbem Fama ruit, reboant Lethæ clamore recessus : "GEORGIUS instat ovans!"-prora nunc anchora mordax Dejicitur, puppis stat littore; turribus altis
mulus therei sonitus fragor intonat ingens. Versibus O si fas regem depingere dignis Gestantem veteris frondes insignia gentis: Necnon innumeram turbam (mirabile visu) Ordine dispositam, cristas, vexillaque, (signa
« PreviousContinue » |