PRAEFATIO

Macrobii ea patet exemplaria manu scripta plurimi facienda esse quae Macrobium et totum exhibent et, quae hodie multo magis curamus quam scriptorem ipsum, Graeca non omittunt. ex hoc genere unus hodie superest nam in Neapolitano Borbonico utrum Graeca legantur nec ne, Ianius non significauit - Parisinus, olim alter accedebat Bambergensis Parisino praestantior, sed qui multis foliis recisis hodie tantum Saturnaliorum duos priores libros et tertii maiorem partem continet. quae cum ita sint, Parisino et Bambergensi accuratissime excussis malorum codicum lectiones prorsus neglexi, ubi illi non satis faciebant ex copiosissimo Ianii apparatu quae opus erant laudaui, Cantabrigiensis auctoritatem utpote ceteris breuiatis paullo maiorem ubicunque ex Ianii silentio apposui melius omisissem. haec in emendandis Saturnaliorum uerbis secutus sum; commentarios in somnium Scipionis si omittere licuisset, non addidissem; addidi auctoritate codicum Parisini et alterius Bambergensis apposita, qui ubi deficiebant satis uidebatur ad Ianii copias lectores relegare.

Itaque in ligatura codicis Parisini legitur P 6371, in margine dextro folii primi recti Cod. Colbertin 1926 Regius 5058. 2, in eiusdem folii recti margine inferiore P. Pithou (sed linea transuersa deletum), Iac. Aug. Thuang, in ultimo folio uerso P. Pithou. scriptus est in forma quadrata maiore saeculo undecimo litteris primum quidem satis magnis, in fine multo minoribus sed eodem certe tempore: nam eundem hominem totum librum exarasse uix affirmauerim. scholia quaedam commentariis in somnium Scipionis continet enim hos et deinde Saturnalia integra- addita pariter omisi atque capitulorum indices (uelut de conuuns) et alias notulas paucas (uelut hypbaton) margini additas. scripturam primariam eadem manus atramento paullo uegetiore correxit, quae praeterea rarissime manus recentioris occurrunt emendationes, littera P2 significaui. folia sunt octoginta quattuor siue quaterniones septem, ternio unus, quinio unus, senio unus cuius tamen unum folium deest. praeterea post tertii quaternionis primum folium chartula minutior inglutinata est picturas continens. qui Ianio codicem Parisiis contulit nec plenam lectionis uarietatem exscripsit et innumeris locis plane falsam; ego ubi aliter atque Ianius rettuli, me et codice et Ianio inspectis siue referre siue tacere sciendum est: nihil enim cuiusquam interesse putaui ut data opera tot locis apud illum non recta legi testarer. notaui omnia et ex Parisino et Bambergensibus praeter uirgilius sentencia impaciens uicio rethor rethorica sillaba simmachus choruscus ae et e elementa mutata, plerumque omisit et c permutata sequente i. in codice modo quattuor modo quatuor

scribitur; ubi quatuor est, non notaui. aliquotiens sequutus scribitur, ego tacite ex B scripsi secutus. in particulis Graecis non notaui accentus spiritus iota subscriptum omissa, inde a p. 259, 1 iota subscriptum aliquotiens additum (TWI) et inde a p. 260, 24v lineola (ita ЄPro) significatam notare desii. unum addam significare &, non (Z in hoc codice scriptam) ut is cuius Ianius opera usus est interpretabatur. uersiculi sunt quadrageni quaterni, columnae binae praeter folia uiginti quinque priora sine interductu scripta.

Codex Bambergensis signatus est M. L. V. 5. 9. praeterea in ligaturae operculo exteriore numerus inscriptus est 6178§§, Iaeckii est 873. scriptus est saeculo nono exeunte in membranis formae quadratae minoris. constat foliis sexaginta quattuor siue quaternionibus octo. primaria scriptura aliquotiens ab eadem manu emendata est. uersiculi sunt uiceni terni. continet Saturnaliorum libros I-III 19, 5 (p. 219, 20). Alter Bambergensis signatus M. IV. 15. F nro 4, Iaeckii 875, scriptus est saeculo undecimo exeunte in membranis formae oblongae maioris. constat hodie quaternionibus quattuor et foliis quattuor, nam unus quaternio periit et ceteri hodie ita compacti sunt: 1 2 5 4. quaternio secundus desinit Phytic (p. 522, 14), sequitur quaternio quintus frigoris uel caloris (p. 590, 13) in haec uerba desinens cum mel dulce appellan (p. 627, 6), sequitur quaternio quartus stellarum alias (p. 551, 29) desinens in uerba locis inter se uicissim pressis nimietate uel (p. 590, 13), deinde fol. 33 rectum ita incipit non aliud quod hanc (p. 627, 6). uersi